-
"Урам өгөх хадмалтай бичлэгүүд" FB Page
-
Дэлхийд шилдэг их сургуулийг дүүргэж буй та бүхний баярыг хуваалцаж байгаадаа баяртай байна.
-
Чин үнэнээ хэлэхэд, би коллеж огт төгсөөгүй.
-
Төгсөлтийн баярт үүнээс илүүгээр ойртож чадахгүй байх.
-
Өнөөдөр би та бүгдтэй амьдралынхаа гурван түүхийг хуваалцах гэсэн юм. Тэгээд л тэр. Гуравхан түүх.
-
Эхнийх нь “Цэгийг холбох” тухай.
-
Би Reed College-д элсээд 6-хан сарын дараа хаясан.
-
Гэхдээ бүрмөсөн гарах хүртлээ бүтэн жил хагас ирэн очин байсан.
-
Яагаад хаясан гээч?
-
Бүх юм намайг төрөхөөс ч өмнө эхэлсэн.
-
Ээж маань намайг коллежид сурч байхдаа төрүүлж, үрчлүүлэхээр шийдсэн гэдэг.
-
Коллежийн боловсролтой айлд хүүгээ өгөхийг тэр хүсч байлаа.
-
Тэгээд намайг дөнгөж төрсний дараа хуульчийн гэр бүлд өргүүлэхээр ярьж тохирсон байна.
-
Гэхдээ тэд дараа нь бодлоо өөрчилж охинтой болохыг хүсжээ.
-
Тэгээд намайг төрсөн шөнө тэдэн лүү эмнэлэгээс залгаж...
-
“Бид хүүтэй боллоо. Харин та нар үрчлэх хэвээрээ юу?” гэж асуухад “Мэдээж” гэж хариулсан гэдэг.
-
Төрүүлсэн эх минь хожмоо өсгөсөн ээжийг минь коллеж төгсөөгүй...
-
аавыг ахлах сургуулиа ч дүүргээгүй гэдгийг мэдсэн гэдэг.
-
Тэгээд хүүгээ өргүүлэхгүй гэж дургүйцсэн ч гэсэн хэдэн сарын дараа зөөлөрч...
-
намайг заавал коллежид суралцуулна гэсэн амлалтыг тэднээс авсан юм.
-
Миний амьдрал ингэж эхэлсэн.
-
17 жилийн дараа би коллежид элссэн.
-
Гэхдээ Стенфордтэй дүйцэхүйц өндөр үнэтэй коллеж сонгож...
-
эцэг эхийнхээ цуглуулсан хамаг мөнгөөр төлбөрийг нь төлүүлж байлаа.
-
Тэгээд 6 сарын дараа би коллежоо хаясан.
-
Юу хийх, хэн болохоо мэдэхгүй төөрсөн надад, коллежид цагаа дэмий үрж байх шиг санагдсан юм.
-
Дээр нь эцэг эхийнхээ цуглуулсан хамаг мөнгөөр суралцаж байдаг.
-
Тэгээд л би коллежоо хаях маш том шийдвэрийг гаргасан.
-
Мэдээж тэр үедээ аймар байлаа. Гэхдээ эргээд харахад энэ бол хамгийн зөв шийдвэр байсан.
-
Эхэндээ би сонирхолгүй санагдсан, суух шаардлагатай хичээлүүдээ хаяж...
-
илүү сонирхсон хичээлүүдээ үзэж эхэлсэн.
-
Мэдээж бүх юм тийм амар байгаагүй.
-
Би дотуур байранд найзуудынхаа өрөөний шалан дээр унтаж...
-
Хоолны мөнгө олох гэж 5 центийн коланы шил тушаадаг байсан.
-
Бас Hare Krishna сүмд үнэгүй хоол идэх гэж ням гараг болгон 11 км алхдаг байлаа.
-
Би харамсаагүй.
-
Хүсэл сонирхол, зөв совиндоо даатгасан бүхэн минь хожмоо үр дүнгээ өгсөн юм.
-
Нэг жишээ дурьдая.
-
Тэр үеийн Reed коллежийн каллиграфийн сургалт хамгийн шилдэг нь байлаа.
-
Кампус даяар гайхалтай, төгс каллиграфтай самбар, зарлал, бичгүүд дүүрэн байдаг байлаа.
-
Би хичээлээ хаяж, жирийн ангиас хасагдсан болохоор каллиграфт суралцахаар шийдсэн юм.
-
Тэгээд хэрчлээс, дармал, дардас, үсэг хоорондын зайг яаж хослуулахыг сурч...
-
типографикийн гүн нууцад нэвтэрч, их юм сурсан.
-
Энэ бол шинжлэх ухаан, машинаар бүтээж, тайлбарлах боломжгүй...
-
цэвэр мэдрэмж, түүх, соёл шингэсэн сэтгэл хөдөлгөм гайхалтай урлаг.
-
Харин энэ бүхэн хойшдын амьдралд минь хэрэг болох эсэх нь эргэлзээтэй байв.
-
Гэхдээ 10 жилийн дараа анхны Macintosh компьютерийг загварчилж байхад
-
каллиграф надад үр ашгаа өгсөн.
-
Мак бол анхны өвөрмөц, гайхалтай загвартай типографиктай компьютер.
-
Хэрэв би коллежийн нэг ч хичээлээ хаяагүй бол...
-
Mac-ийн үсгийн фонт, дардас, типографик ч гэсэн огт өөр байх байлаа.
-
Саяхан Windows, Mac-ийг хуулсан гэхээр бусад компьютер ч гэсэн ийм фонтгүй байх байж.
-
Хэрэв би сонирхолгүй хичээлээ хаяж, каллиграфийн урлагт суралцаагүй бол...
-
персональ компьютерүүд гайхалтай типографикгүй бүтээгдэх байлаа.
-
Мэдээж тухайн үедээ каллиграф хойшдын амьдралд минь ингэж хэрэг болно гэдгийг би мэдээгүй.
-
Гэхдээ 10 жилийн дараа эргээд харахад бүх зүйл тов тодорхой байна.
-
Ирээдүйд юу болохыг хэн ч тааж мэдэж чадахгүй.
-
Чи зөвхөн арагш харж байж л цэгийг холбож болно.
-
Тэгэхээр тэр цэгнүүд хоорондоо холбогдоно гэж ямар нэгэн юманд итгэх нь л чухал.
-
Зориг, тэмүүлэл, хувь тавилан, амьдрал, карма юу гэж нэрлэх нь хамаагүй.
-
Цэгнүүд хоорондоо холбогдоно гэсэн итгэл чамд зүрх сэтгэлээ дагах зориг өгнө.
-
Эргэлзсэн, шантармаар, хүнд хэцүү үед ч гэсэн үүнийг л мартахгүй байх нь чухал.
-
Хоёр дахь түүх маань хайр, хагацлын тухай.
-
Хүсэл сонирхлоо эрт таниж, олсноороо би азтай.
-
20-той байхдаа би Воз-той цуг Apple-ийг анх гэрийнхээ гарашт санаачилсан.
-
Бид шургуу ажилласан. Тэгээд 10 жилийн дараа гэхэд Apple 4 мянган ажилтантай...
-
хоёр тэрбум долларын компани болж өргөжсөн.
-
Гэтэл Macintosh-ийг бүтээж, танилцуулснаас ганцхан жилийн дараа би халагдсан.
-
Тэр үед би 30-тай байлаа.
-
Өөрийнхөө үүсгэсэн компаниас яагаад халагдана гэж?
-
Apple өргөжиж, бид компанийг сайжруулж чадах авьяаслаг залууг эгнээндээ нэгтгэсэн юм.
-
Эхэн үедээ бүх юм боломжийн явж байлаа.
-
Харин дараа нь бидний үзэл бодол зөрөлдөж салаа замыг сонгоход...
-
захирлуудын зөвлөл түүний талд зогссон юм.
-
Ингээд 30-тайдаа би халагдлаа. Сүр дуулиантайгаар.
-
Олон жилийн хөдөлмөр, хүсэл тэмүүллээсээ ингэж хагацах надад мэдээж маш хэцүү байсан.
-
Эхэндээ би үнэхээр юу хийхээ ч мэдэхгүй байлаа.
-
Хүмүүсийн итгэлийг хөсөрдүүлж, буухиа уралдааны савхыг алдаж унагасан юм шиг санагдаж байв.
-
Тэгээд David Packard, Bob Noyce-той уулзаж тэднээс бүтэлгүйтсэндээ уучлалт гуйсан.
-
Ингэж хүчтэй унасныхаа дараа больдог юм билүү ч гэж бодож байлаа.
-
Гэхдээ урам зориг, ажилдаа дурлах гол цог минь огт бөхөөгүй.
-
Apple-г тойрсон дуулиан намайг огтхон ч өөрчлөөгүй.
-
Гологдож, хаягдсан ч гэсэн би урам зоригоо алдаагүй.
-
Тэгээд дахин эхлэхээр шийдлээ.
-
Тэр үедээ мэдээгүй ч гэсэн Apple-аас халагдсан нь....
-
миний амьдралыг асар их эерэгээр өөрчилсөн юм.
-
Амжилтын хүнд нүсэр ачаа гэнэтхэн л анхдагчийн хөнгөн, тодорхой бус байдлаар солигдсон юм.
-
Амьдралынхаа хамгийн бүтээлч, оргилуун үеийн хаалгыг би ингэж л татсан юм.
-
Дараагийн 5 жилд би NeXT, Pixar компаниудыг үүсгэн байгуулж...
-
хожмоо эхнэр минь болсон гайхалтай бүсгүйд дурласан.
-
Pixar, компьютероор загварчилсан анхны бүрэн хэмжээний кино Toy Story-г бүтээж...
-
өдгөө дэлхийн шилдэг animation студи болон өргөжөөд байна.
-
Хэдэн жилийн дараа Apple, NeXT-ийг худалдаж авснаар би Apple-д эргэж ирсэн.
-
Тэгээд бидний NeXT-д хөгжүүлсэн технологи Apple-ийн сэргэн мандалтын амин зүрх болсон юм.
-
Би Лаурентай гайхалтай гэр бүлийг босгосон.
-
Apple-аас халагдаагүй бол амьдрал минь ингэж өрнөхгүй байсан нь мэдээж.
-
Эм хэдий уухад гашуун ч үр дүнд нь чи эдгэрдэгтэй адилхан.
-
Амьдрал заримдаа чамайг өвдөг сөхөртөл хүчтэй цохиж болно. Гэвч итгэлээ бүү алд!
-
Хийж байгаа зүйлдээ дуртай байсныхаа хүчинд л би өдий зэрэгт хүрсэн гэж боддог. Хүсэл сонирхлоо ол!.
-
Ажлаа хамгийн дотны хүмүүстэйгээ харьцуулж төсөөл.
-
Хүн амьдралынхаа ихэнхи хугацааг ажиллаж өнгөрөөдөг.
-
Ажилдаа сэтгэл хангалуун байхын үндэс нь дур сонирхолтой байх.
-
Тэгээд дараа нь амжилт чамайг аяндаа өөрөө олоод л ирнэ.
-
Хэрэв олж амжаагүй байгаа бол битгий зогс. Хай!.
-
Харин олсон гэдгийг зүрх сэтгэл чинь хэлээд өгнө.
-
Он жил өнгөрөх тусам чиний хүсэл тэмүүлэл улам хүчтэй дүрэлзэн асах болно.
-
Тэгэхээр олтлоо битгий зогс. Хайгаад л бай.
-
Миний сүүлийн түүх үхлийн тухай.
-
17 насандаа би нэг эшлэл уншсан юм.
-
“Өдөр бүрийг амьдралынхаа сүүлийн өдөр гэж бодож явбал, хэзээ нэг цагт чи тэр өдрөө олно”
-
Энэ эшлэл надад хүчтэй нөлөөлсөн.
-
Тэгээд сүүлийн 33 жилийн турш би өглөө болгон өөрөөсөө ингэж асуусаар ирсэн.
-
“Өнөөдөр миний амьд явах сүүлийн өдөр байсан бол өнөөдөр хийх гэж байгаа юмаа хийх байсан уу?”
-
Тэгээд “Үгүй” гэж хэдэн өдөр дараалж хариулбал ямар нэг юм өөрчлөх цаг болсон гэсэн үг.
-
Амьдралын ямар нэгэн чухал шийдвэр гаргахаасаа өмнө....
-
би үргэлж хэзээ нэгэн цагт нүүр тулна гэдгээ бодож үздэг.
-
Учир юу гэвээс - бардам зан, горьдлого, түгшүүр, айдас, зовнил гээд бүх зүйлс
-
үхэлтэй нүүр тулахад чамд огтын хамааралгүй болдог.
-
Хэзээ нэгтээ хорвоог орхино гэдгээ санах нь алдаа гаргаж, бүтэлгүйтэхээс айх тэр хүлээснээс чамайг чөлөөлнө.
-
Бид нүцгэн буцна. Тэгэхээр зүрх сэтгэлээ дагалаа гээд алдах зүйл юу байна.
-
Жил гаруйн өмнө би хорт хавдартай гэдгээ мэдсэн.
-
Шинжилгээний дараа эмч нар миний ходоодны булчирхайн дахь хорт хавдарны зургийг харуулсан юм.
-
Ходоодны булчирхай хаана байдгийг ч би мэддэггүй байлаа.
-
Эмч надад ийм төрлийн хорт хавдрыг эмчлэх магадлал огт байхгүй гэдгийг хэлсэн.
-
Тэгээд "Чамд 3-аас 6 сарын нас л үлдсэн" гэж хэлж байлаа.
-
Тэд надад “Гэртээ хариад, юм хумаа эмхэлж цэгцэл” гэж хэлсэн.
-
Өөрөөр бол үхэхдээ бэлд гэсэн үг.
-
Хүүхдүүддээ 10, 20 жилийн дараа хэлж захина гэж бодож байсан зүйлсээ одоо хэлж, захь гэсэн үг.
-
Гэр бүл, хамаатан садан, найз нөхдийнхөө сэтгэл санааг төвшитгөж, тэдэнд баяртай гэж хэлэхдээ бэлд гэсэн үг.
-
Мэдээж маш хэцүү байлаа.
-
Тэр өдрөө би биопси шинжилгээ хийлгэсэн.
-
Эмч нар миний хоолой руу дуран шургуулж, гэдэс, дотор эрхтнээр дамжуулаад
-
дараа нь хорт хавдраас хэдэн эсийг зүүгээр татаж авсан гэсэн үг.
-
Надад нойрсуулагч тарьсан. Эхнэр минь тэгэхэд миний дэргэд байлаа.
-
Эсийг микроскопоор нягталж үзээд миний хавдар эмчлэгдэх боломжтой
-
маш ховор төрлийнх гэдгийг эмч нар мэдсэн юм.
-
Тэд баярласандаа нулимс унагаж байсан гэдэг
-
Хагалгаа амжилттай болж би одоо зүгээр болсон.
-
Үхэлтэй хамгийн ойртож очсон минь энэ.
-
Дараагийн хэдэн жилдээ ингэж ойртохгүй гэж найдаж байна.
-
Харин одоо би, үхэл надад зөвхөн төсөөлөл төдий байсан үеийнхнээс арай илүү тодорхой
-
итгэлтэй байдлаар нэг зүйлийг хэлж чадна.
-
Хэн ч үхэхийг хүсдэггүй.
-
Диваажинд очихыг хүсдэг нэгэн ч гэсэн үхлээс эмээдэг.
-
Гэхдээ хэн ч үүнээс зугтаж чадахгүй. Бүгд нэг л өдөр үхэлтэй нүүр тулна.
-
Ийм ч байх ёстой. Учир нь Үхэл бол амьдралын салшгүй нэг хэсэг.
-
Хорвоог хөдөлгөгч хүчний тулгуур. Хуучныг халж, шинийг уригч.
-
Яг одоо та нар бол шинэ амьдралын төлөөлөл.
-
Гэхдээ та нар цагийн аясаар өтөлж, нэг л өдөр бусдын адил хорвоог орхино.
-
Уянгын халил биш шүү. Энэ бол цорын ганц үнэн.
-
Та нарын цаг хязгаартай.
-
Түүнийгээ бусдын заавраар амьдарч битгий үр.
-
Догма буюу бусдын бодол, үзэмж, сургаальд бүү хүлэгд.
-
Дотоод сэтгэлийн дуу хоолойгоо бүү бусдын шүүлт, бодолд бүү төөрөгдүүл.
-
Хамгийн чухал нь зөв совин, сэтгэл, хүсэл тэмүүллээ дагах зоригтой бай.
-
Тэгсэн цагт л чи хэн болохыг хүсч байгаагаа жинхэнэ ёсоор мэдэх болно.
-
Харин бусад нь тийм чухал биш.
-
Намайг бага байхад "Whole Earth Catalog" гэх гайхалтай сэтгүүл байлаа.
-
Миний үеийнхний хувьд бараг л Библи болсон энэ номны зохиогч
-
Стьюарт Брэндийн уран яруу, торгон мэдрэмжийг би үнэхээр биширсэн.
-
Энэ бол 60-аад оны сүүл үе.
-
Компьютер, десктоп хэвлэл гэж тэр үед байгаагүй болохоор бичгийн машинаар шивж...
-
гараар хайчилж, Polaroid камераар бүтээсэн гэсэн үг.
-
Энэ бол Google-ийг төрөхөөс 35 жилийн өмнөх цаасан дээрхи Google байлаа.
-
Идеалистик, төгс, гайхалтай бүтээл байсан юм.
-
Стьюарт болон түүний нөхөд "Whole Earth Catalog"-ийн хэдэн дугаарыг гаргаад
-
удалгүй сүүлийн дугаараа хэвлүүлсэн юм.
-
1970-аад оны дунд үе. Би та нарын насан дээр байлаа.
-
Сүүлийн хэвлэлтийн арын нүүрний зургийг би тод санадаг юм.
-
Хязгааргүй хээр талын зам.
-
Адал явдалд дуртай бол жинхэнэ аялаж байхаар газар.
-
Зурагны доорхи тайлбар : "Stay Hungry. Stay Foolish."
-
Энэ бол тэдний өгсөн сүүлийн зөвлөгөө. “Stay Hungry. Stay Foolish”
-
Би энэ үгийг амьдралынхаа мөрдлөг болгосон.
-
Харин одоо амьдралд хөл тавьж буй та бүхэнд үүнийг дамжуулж байна.
-
“Битгий сэтгэл хана!, Битгий томоож!”
-
Маш их баярлалаа
-
"Урам өгөх хадмалтай бичлэгүүд" FB Page