وہ گفتگو کیسے کریں جسے لوگ سننا چاھیں

کیا آپ کو کبھی ایسا محسوس ہوا ہے کہ آپ بات کر رہے ہیں، مگر کوئی آپ کو سن نہیں رہا؟ اس حوالے سے جولین ٹریژر آپ کی مدد کریں گے۔ اس مفید گفتگو میں بحیثیت ماہرِ صوتیات وہ آپ کو کچھ کار آمد صوتیاتی مشقیں کروائیں گے اور کچھ ضروری مشورے بھی دیں گے کہ آپ کس طرح سے اپنی گفتگو میں اثر پیدا کرسکتے ہیں۔ ایک ایسی گفتگو جو شائد دنیا میں آواز کو مزید بہتر بنانے میں مددگار ثابت ہو۔

انسانی آواز:

یہ ایک ایسا ساز ہے جو ہم سب چھیڑتے ہیں

یہ دنیا کی سب سے زیادہ طاقتور آواز ہے،
ممکنہ حد تک

یہی آواز جنگ کا سبب بن سکتی ہے
یا کہے"مجھے تم سے پیارہے".

اور اب بہت سے لوگوں کو یہ تجربہ ہوا ہے

کہ جب وہ بات کرتے ہیں،
تو لوگ انھیں نہیں سنتے،

اور ایسا کیوں ہے؟

ہم کیسے ایسی پُراثر گفتگو کریں
جو دنیا میں تبدیلی لے آئے؟

اس کے لیے میں تجویز دینا چاہوں گا

ہم میں کئی ایسی عادتیں ہیں
جنھیں دور کرنا ہوگا۔

آپ سب کی تفریحِ طبع کے لیے میں نے یہاں
گفتگو کے سات خطرناک گناہ اکٹھے کئے ہیں.

میں یہ نہیں کہہ رہا کہ
یہ ایک مکمل فہرست ہے,

مگر یہ سات، میرے مطابق، اتنی عام عادتیں
ہیں کہ ہم سب ان کا شکار ہو سکتے ہیں۔

پہلی، غیبت کرنا۔

کسی کے پیٹھ پیچھے اس کی برائی بیان کرنا۔

ایک اچھی عادت نہیں،
اور ہم اچھی طرح جانتے ہیں

ابھی کسی کی غیبت کرنے والا شخص،
پانچ منٹ بعد، ہماری غیبت بھی کرے گا۔

دوسری، اندازہ لگانا۔

ہم ایسے افراد کو جانتے ہیں جن کی
گفتگو میں یہ انداز شامل ہے،

اور کسی کو ایسے سننا بہت مشکل ہے

اگرآپ جانتے ہوں کہ آپ کو بیک وقت
کم تر سمجھا اور جانچا جارہا ہو۔

تیسرا ہے، منفی سوچ کا ہونا۔

آپ اس میں پھنس سکتے ہیں،

میری والدہ، اپنی عمر کے آخری سالوں میں،
بہت منفی ہو گئی تھیں،

اور ایسا سننا بہت مشکل ہے۔

مجھے یاد ہےایک دن، میں نے ان سے کہا،
"آج یکم اکتوبر ہے"،

انھوں نے کہا، مجھے علم ہے،
یہ کتنا ہولناک سا ہے نا؟"

(قہقہے)

جب کوئی اتنا منفی ہوجائے تو
اسے سننا بہت مشکل ہے۔

(قہقہے)

اور منفی ہونے کا ایک دوسرا رخ،
شکایت کرنا ہے۔

خیر، یہ تو برطانیہ کا قومی فن ہے۔

یہ ہمارا قومی کھیل ہے۔

ہم شکایت کرتے ہیں موسم کی، کھیل کی،
سیاست کی، غرض سب کی،

در حقیقت، شکایت کرنا ایک خطرناک وبا ہے۔

یہ سورج کی شعاعوں کی طرح نہیں
جو پھیل کر دنیا کو روشن کردے۔

بہانے بازی۔

ہم سب کسی ایسے فرد سے مل چکے ہیں،

ہوسکتا ہے ہم خود اس فرد کی طرح رہے ہوں۔

کچھ لوگ اپنی ذمہ داری
دوسروں پر ڈالنا جانتے ہیں

وہ کسی پر بھی اسے ڈال دیتے ہیں

اور اپنے کسی عمل کی ذمہ داری
قبول نہیں کرتے،

یقیناً، ایسے شخص کو بھی سننا مشکل ہے۔

ما قبل آخر، ساتویں میں سے چھٹی،

آرائش، مبالغہ آرائی ۔

دراصل، بسا اوقات یہ ہماری زبان
کی تحقیر کرتی ہے،

مثلاً، اگر میں کچھ ایسا دیکھوں
جو واقعی بہترین ہو،

میں اسے کیا کہوں گا ؟

(قہقہے)

اور تب، بےشک،
یہ مبالغہ آرائی جھوٹ بن جاتی ہے،

ہم ایسے لوگوں کو نہیں سننا چاہتے
جن کا علم ہوکہ وہ جھوٹ بول رہے ہیں،

اور آخر میں، ہٹ دھرمی۔

حقائق اور رائے کے درمیان کشمکش۔

جب وہ دو شے آپس میں ملتی ہیں،

آپ برداشت سے زیادہ سن رہے ہوتے ہیں۔

جب کوئی اپنے نظریات آپ پر
یوں ٹھونس رہا ہو جیسے بس وہی سچ ہے،

یہ سب سننا بہت مشکل ہے۔

تو یہ ہیں وہ، گفتگو کے سات خطرناک گناہ۔

میرے خیال ان عادات کو
نظرانداز کرنے کی ضرورت ہے۔

مگر کیا اس حوالے سے سوچنے کا
کوئی مثبت راستہ ہے؟

جی، بالکل ہے۔

میرے رائے میں چار انتہائی بنیادی
اور اہم امور ہیں،

جن کا خیال رکھنا ہوگا اگر
ہم اپنی گفتگو کو

پراثر اور دنیا میں تبدیلی
کی وجہ بنانا چاہیں۔

خوش قسمتی سے،ان چار الفاظ
سے ایک لفظ بنتا ہے۔

یہ لفظ ہے 'ہیل' یعنی "ستائش"،
جو خود گہرے مفہوم کا حامل ہے۔

میں اس شے کی ہر گز بات نہیں کر رہا
جو آسمان سے گرتی ہے

اور سیدھی آپ کے سر پر گرتی ہے۔

میں اُس مفہوم کی بات کر رہا ہوں،

یعنی سلامتی بھیجنا،
اورگرمجوشی کا اظہارکرنا،

جس کی وجہ سے میرے خیال
میں ہمارے الفاظ قبول ہونگے

اگر ہم ان چار بنیادی امور کو اپنائیں۔

دیکھتے ہیں ان کے کیا معنی ہیں؟

دیکھتے ہیں اگر آپ بوجھ سکیں۔

’H‘، ایمانداری، بے شک،

اپنے قول میں سچائی، کھرا پن
اور وضاحت پیدا کیجئے۔

’A‘، استعمال ہوگا مستند ہونے کے لیے،
اپنے آپ سے سچے رہئیے،

میرے ایک دوست نے اسے اپنی حقیقت
کے ساتھ جُڑے رہنے کا نام دیا ہے،

جو کہ میرے خیال میں
ایک اچھا ذریعہ اظہار ہے۔

’I‘، دیانت داری، اپنی زبان پر قائم رہنا،

آپ جو کہہ رہے ہوں وہی کر رہے ہوں،

اور ایسا فرد بننا کہ
جس پر لوگ اعتبار کرسکیں۔

اور ’L‘ سے مراد ہے محبت۔

میں رومانوی محبت کی بات نہیں کر رہا،

میرا مطلب لوگوں سے حسنِ سلوک ہے،
جس کی دو وجوہات ہیں۔

پہلی بات یہ کہ، مکمل ایمانداری
ہمیشہ ہماری خواہش نہیں ہوسکتی۔

میرا مطلب ہے، اوہ خدایا، آج صبح
تم بدصورت لگ رہے ہو،

شائد کہ اس کی ضرورت ہی نہ ہو۔

محبت سے سلجھایئے، بے شک،
ایمانداری ایک بہترین چیز ہے۔

مگر پھر بھی،
اگر آپ واقعی کسی کا اچھا چاہتے ہیں،

مشکل ہے کہ بیک وقت انھیں جانچا بھی جائے۔

مجھے اس کا یقین نہیں کہ
آپ بیک وقت یہ دو کام کر سکتے ہیں۔

تو گرم جوشی۔

یہ بھی ہے، اب آپ جو کہتے ہیں،

اور یہ کسی پرانے نغمے کی طرح ہے،
وہ جو آپ کہیں،

اس کے کہنے کا بھی ایک خاص انداز ہے۔

آپ کے پاس ایک بہترین آلات کا ڈبہ ہے،

یہ ناقابلِ یقین آلہ ہے،

اور ابھی تک صرف چند افراد ہی اس
آلاتی ڈبے کو کھول سکے ہیں۔

میں آپ سب کے سامنے
اس میں کچھ تلاش کرتا ہوں

اور کچھ آلات باہر نکالتا ہوں

جنھیں شاید آپ اپنے ساتھ رکھنا چاہیں
اور لطف اندوز ہوں

جو کہ آپ کی گفتگو کی تاثیر کو بڑھائیں گے۔

بول، مثلا۔

اب، کارٹون جیسی آواز کا استعمال
اکثر سود مند نہیں ہوتا،

مگر ان بولوں میں کہیں ایک تعلق ہے۔

میں اس بات کی بہت گہرائی میں
نہیں جا رہا مگر

اگر آپ میں کوئی ماہرِصوتیات ہے
تو بتا دوں۔

آپ اپنی آواز جانچ سکتے ہیں، بہر حال،

اگر میں یہاں اپنی ناک کے ذریعے بات کروں،
آپ کو فرق نظر آئے گا۔

اگر میں یہاں اپنے گلے سے کہوں،

جہاں سے ہم میں سے اکثر
ذیادہ تر بات کرتے ہیں،

لیکن اگر آپ وزن چاہتے ہیں،

تو آپ کو یہاں نیچے سینے کے پاس آنا ہو گا،

آپ نے فرق محسوس کیا؟

یہ سچ ہے، کہ ہم مدھم آوازوں والے
سیاست دانوں کو چنتے ہیں،

کیونکہ ہم گہرائی کو طاقت سے مربوط کرتے ہیں

اور اختیار سے۔

یہ ہے بول۔

پھر ہمارے پاس ہے آھنگ ۔

یہ آپ کی آواز محسوس ہونے کا ایک ذریعہ ہے۔

تحقیق سے یہ ثابت ہوا ہے

کہ ہم اُن آوازوں کو اہمیت دیتے ہیں
جو بھرپور، شائستہ اور جوشیلی ہوں،

جیسے گرم چاکلیٹ۔

خیر،اگر یہ آپ نہیں،
تو دنیا یہاں ختم نہیں ہوجاتی،

کیونکہ آپ اسے سیکھ سکتے ہیں۔

جائیے اور کسی صوتیات کے استاد سے ملئے،

اور وہاں بہت سی بہترین چیزیں آپ کرسکتے ہیں

سانس کے ذریعے، خاص طرز سے،
اور مشقوں سے

اپنی آواز کے آھنگ کو بہتر بنانے کے لئے۔

پھر ہے اتار چڑھاو،
مجھے اس سے پیار ہے۔

یہ لہن ہے، زبان کا اتار چڑھاؤ

جو ہم معنی خیزی کے لئے
استعمال کرتے ہیں۔

یہ باہمی گفتگو کے معنی میں بنیاد ہے۔

جو لوگ ایک ہی سُر میں بات کرتے ہیں
انھیں سننا بے حد مشکل کام ہے

اگر ان کی گفتگو کے انداز
میں بالکل اتار چڑھاو نہیں۔

یہیں سے "یکساں سُر" کا لفظ سامنے آتا ہے،

یا غیر مبدل، یک رنگ کا ۔

ہمارے پاس اس علم کی تکرار بھی آجاتی ہے،

جہاں ہر جملہ یوں ختم ہوتا ہے
کہ جیسے وہ سوال تھا

جب کہ وہ سوال نہیں تھا،
بلکہ ایک بیانیہ تھا ؟

(قہقہے)

اور اگر آپ اس ایک کو دہراتے ہیں، تو

دراصل یہ آپ کے اتارچڑھاو کے ذریعے
گفتگو کی صلاحیت کو پابند کرنا ہے

جو کہ میرے خیال میں باعثِ شرمندگی ہے،

تو چلیے کوشش کریں اوراس عادت کو ختم کریں۔

رفتار۔

میں بہت پُرجوش ہوسکتا ہوں اگر
مجھے کچھ بے حد جلدی سے کہنا ہو،

یا پھربات پر زور ڈالنے کے لئے آہستگی سے۔

اور اب آخر میں، بے شک،
ہماری پُرانی ساتھی ہے "خاموشی"

گفتگو میں تھوڑی خاموشی کا ہونا
کچھ برا نہیں، ہیں نا؟

ہمیں اسے ام۔۔ اور آہ
سے پُر کرنے کی ضرورت نہیں،

یہ بڑی طاقتور ہو سکتی ہے۔

بے شک، آواز کی قوت
اس کی رفتار سے متصل ہے

جذبات کے اظہار کے لئے، مگر آپ
اسے آواز کے انداز سے ادا کر سکتے ہیں۔

تم نے میری چابیاں کہاں رکھی تھیں؟

(اونچی آواز) تم نے میری چابیاں
کہاں رکھی تھیں؟

تو، یہ دونوں انداز تخاطب
تھوڑے سے مختلف معانی کے ساتھ۔ ہیں۔

اور آخر میں، بلندی۔

(اونچی آواز) میں بہت جوشیلا ہو سکتا ہوں
تیز آواز کے ساتھ،

معذرت، اگر کسی کو میں نے خوفزدہ کیا ہو۔

یا پھر میں آپ کی توجہ حاصل کر سکتا ہوں
بالکل مدھم آواز سے۔

کچھ لوگ ہر وقت
نشریاتی انداز میں بات کرتے ہیں،

کوشش کریں کہ ایسا نہ ہو۔

اسے سمعی آلود گی کہتے ہیں،

(قہقہے)

لاپرواہی اور غیرمحتاط انداز میں
آواز سے آس پاس کے لوگوں کو پریشان کرنا،

یہ کچھ اچھی بات نہیں۔

بے شک، یہ سب عموماً اسی وقت
عمل میں آتا ہے جب

جب آپ کو کوئی اہم کام
انجام دینا ہو۔

یہ بالکل کسی اسٹیج پر جا کر لوگوں
کے سامنے تقریر کرنے جیسا ہوسکتا ہے۔

یہ شادی کی پیشکش کرنا بھی ہوسکتا ہے،

تنخواہ میں اضافے کی درخواست،
شادی میں دعاؤں کا اظہار بھی ہوسکتا ہے۔

جو کچھ بھی ہو،اگر یہ بہت اہم ہے،

تو پھر آپ پر ضروری ہے کہ
اس اوزاروں کے ڈبے میں ضرور جھانکئے۔

اور پھر اس کے انجن کو کام میں لانا ہو گا،

اور کوئی انجن بغیر تیاری کے
صحیح کام نہیں کرتا۔

اپنی آواز کو تیار کیجئے۔

چلیے، میں آپ کو بتاتا ہوں
یہ کیسے کرتے ہیں۔

کیا آپ سب ایک لمحے کے لیے کھڑے ہونگے؟

میں آپ کو بتانے جارہاں ہوں کہ

صوتی نظام کو حرکت میں لانے کی چھ مشقیں
جومیں ہر گفتگو سے قبل کیا کرتا ہوں۔

کسی بھی وقت آپ کسی سے بھی
جب اہم گفتگو کرنے جائیں، یہ کیجیے۔

پہلے، بازو اوپر کیجیے، گہری سانس اندر لیں،

اور سانس باہر نکالیے، آہ ہ ہہ، بالکل ایسے.

ایک بار پھر.

آہ ہ ہ ہ ہ ، بہت خوب.

اب ہم اپنے ہونٹوں کو حرکت میں لائیں گے،

اور ہم کریں گے با با با با،

با با با با ، بہت اچھے.

اور اب برررررررررر،

بالکل ویسے ہی جب آپ بچے تھے۔

بررررر، اب آپ کے ہونٹ متحرک ہوجانے چاہیں۔

اس کے بعد اب ہم زبان کو حرکت دیں گے

کھینچ کر لا لا لا لا لا لا لا۔

بہت خوب، آپ اس میں بہت اچھے جا رہے ہیں۔

اور اب اسے موڑ کر رر رر رر رر رر رر۔

یہ زبان کے لیے شراب کی طرح ہے۔

آخر میں، اگر صرف یہ ایک بار کرسکوں،

پیشہ ورلوگ اسے سائرن کہتے ہیں۔

یہ کافی اچھا ہے،
شروع ہے " وی " سے اور " آ " تک جاتا ہے۔

" وی " بلند ہوگا اور " آ " دھیرے سے۔

تو آپ شروع کریں، وی ی ی او او او آ آ آآ آ۔

زبردست، تالیاں بجا کر اپنے آپ کو سراہیئے۔

تشریف رکھیے، آپ کا شکریہ۔

(تالیاں)

اگلی بار آپ گفتگو کریں تو اسے پہلے کریں۔

آخر میں مجھے اسے
گفتگو میں یوں شامل کرنے دیجیئے،

یہاں ایک سنجیدہ پہلو ہے۔

یہ وہ مقام ہے جہاں آج ہم
موجود ہیں، ہیں نا؟

ہم بہت اچھا نہیں بولتے

ان لوگوں سے جو بالکل نہیں سنتے

ایک شور زدہ ماحول میں جو
بری آوازوں سے متعلق ہے۔

میں مختلف مراحل میں
اس حوالے سے اسٹیج پر بات کر چکا ہوں۔

دنیا اس وقت کیسی محسوس ہو گی

جب ہم پُر اثر انداز میں بات کریں گے

ان لوگوں سے جو مکمل توجہ سے سنتے ہوں

اس ماحول میں جو درحقیقت
اس مقصد کےلیے ہی مناسب ہو؟

یا اس کی یوں وضاحت کی جائے،

اس وقت دنیا کیسی محسوس ہوگی

اگر ہم آوازوں کو باشعور
انداز میں تخلیق کریں

اور آواز کا باشعور انداز
میں استعمال ہو

اور اپنے ماحول کو ایسے
ترتیب دیں

جو آواز کے لئے مناسب ہو؟

اس دنیا میں آواز ایک خوبصورت
اور جاذب شے ہوگی،

ایک ایسی جگہ جہاں اسے سمجھنا
ایک عام سی بات ہو،

یہ ایک ایسا خیال ہے جسے
عام ہونا چاہئے۔

آپ کا شکریہ۔

(تالیاں)