Harta sociale që zbulojnë kryqëzimet e një qyteti - dhe ndarjet

Secili qytet ka lagjet e tij, grupet dhe klubet, linjat e padukshme që lidhin apo i ndajnë njerëzit në cdo qytet. Çfarë mund të mësojmë për qytetin duke parë ato që njerëzit ndajnë online? Duke filluar me qytetin e vet, Baltimore, Dave Troy paraqet grafikisht atë që tregojnë tweets të vendasve: ku jeton gjithsecili, me kë flasin - dhe me kë nuk flasin.

Kur mendojmë për hartografinë urbane,

na shkon mendja më tepër te
rrugët dhe ndërtesat,

dhe historinë e vendbanimit
që shkaktoi krijimin e tyre.

Ose, mendohet për vizionin
e guximshëm të një urbanisti,

por ka dhe mënyra të tjera për të menduar
rreth hartave urbane

dhe sesi arritëm aty.

Sot, dua t'ju tregoj
një lloj të ri të hartës.

Nuk është një hartë gjeografike.

Eshtë një hartë e lidhjeve midis njerëzve

në vendlindjen time, Baltimore, Maryland.

Këtu secila pikë përfaqëson një person,

çdo linjë përfaqëson një lidhje
midis atyre njerëzve,

dhe çdo ngjyrë përfaqëson
një komunitet brenda rrjetit.

Unë jam këtu në anën e gjelbërt,
poshtë në të djathtë fare ku janë geeks,

TEDx po ashtu është poshtë
fare në të djathtë. (Të qeshura)

Në anën e kundërt të rrjetit,

ka tendencë të ketë kryesisht
popullësi afrikano-amerikane dhe latine

që i interesojnë gjëra disi
të ndryshme nga geeks,

Për t'ju dhënë një ide,

pjesën e gjelbër ne e quajmë Smalltimore,

për ne që banojmë aty,

sepse kemi përshtypjen që jetojmë
në një qytet shumë të vogël.

Ne shohim vazhdimisht të njëjtit njerëz,

por kjo është për shkak se nuk
eksplorojme në të vërtetë

qytetin gjerë e gjatë.

Në anën tjetër të rrjetit,

keni personat që
i intereson muzika hip-hop.

Në sytë e tyre ata jetojnë
në zonën DC / Maryland / Virginia,

sesa në qytetin Baltimore
që është përcaktimi i duhur.

Por në mes, ju shihni

se ka diçka që lidh
dy komunitetet së bashku,

dhe kjo është sportet.

Ne kemi Baltimore Orioles,
ekipi i futbollit Baltimore Ravens,

Michael Phelps, kampioni olimpik.

Under Armour, ju mund ta keni dëgjuar,
është një kompani nga Baltimore,

dhe komuniteti i sporteve
shërben si ura e vetme

ndërmjet këtyre dy skajeve të rrjetit.

Le të hedhim një vështrim
në San Francisko.

Shikoni që gjërat ndodhin pak
më ndryshe në San Francisko.

Në njërën anë,
keni zonën e medias dhe politikës

që ekzistojnë në Baltimore
dhe qytete të tjera,

por keni gjithashtu
këtë grup shumë mbizotërues

të geeks dhe techies që dominojnë
gjysmën e sipërme të rrjetit.

Ka bile dhe një grup
që identifikohet qartë

si të punësuar në Twitter,

në anë të geeks,
midis lojtarëve dhe geeks,

në anën e kundërt të zonës hip-hop.

Kështu mund të shihni,

që tensionet për të cilat
flitet në San Francisko

për njerëzit e shqetësuar
në lidhje me xhentrifikimin

dhe kompanitë e reja të
teknologjisë që sjellin te pasur të rinj

dhe po vendosen në qytet, janë reale.

Mund t'i shihni vërtet
të dokumentuara këtu.

Mund të shihni se komuniteti LGBT

nuk shkon shumë mirë me komunitetin geek,

me komunitetin e artistëve,
me komunitetin e muzikantëve.

Kjo të çon në gjëra të tilla si kjo.

[ "Dëboni Twitter"]

Ma dërguan këtë foto disa javë më parë,

që tregon se çfarë po ndodh
në terren në San Francisko.

Mendoj se ju mund ta kuptoni

duke parë në një hartë si kjo.

Le të hedhim një sy në Rio de Janeiro.

Kam kaluar javët e fundit
duke mbledhur të dhëna mbi Rio,

dhe një nga gjërat që më
shtangu ne këtë qytet,

është se çdo gjë është
me të vërtetë e përzierë.

Është një qytet shumë heterogjen por jo
si Baltimore ose San Francisco.

Ju ende keni zonën e njerëzve

të përfshirë në qeveri,
gazeta, politika, kolumnistët.

TEDxRio është këtu në cepin e poshtëm
djathtas, afër blogerave e shkrimtarëve.

Por keni gjithashtu këtë
diversitet të madh të njerëzve

që janë të interesuar në lloje
të ndryshme të muzikës.

Edhe tifozët e Justin Bieber janë
të përfaqësuar këtu.

Grupe të tjera muzikore,
këngëtarë country,

muzikë gospel, funk dhe rap
dhe komedi stand-up.

Ka bile edhe një seksion të tërë
të dedikuar drogës dhe barcaletave.

Nuk është fantastike?

Edhe ekipi i futbollit Flamengo
është i përfaqësuar këtu.

Pra, keni të njëjtin lloj të përhapjes

së sportit dhe edukatës qytetare
të arteve dhe muzikës,

por është e përfaqësuar
në një mënyrë shumë të ndryshme,

dhe mendoj se ndoshta përshtatet
me të kuptuarit tonë të Rio,

si një qytet shumë multikulturor,
i ndryshëm muzikalisht.

Kështu, ne kemi gjithë këto të dhëna.

Kemi grupe tepër të pasura të të dhënave
në lidhje me qytetet,

ndoshta edhe më të pasur se çdo grup
të dhënash që kemi pasur ndonjëherë.

Cfarë mund të bëjmë me to?

Mendoj se gjëja e parë që
mund të përpiqemi të kuptojmë

është, se ndarja
është një konstrukt social.

Ne zgjedhin për ta bërë,
po mund të zgjedhim të kundërtën,

dhe, kur e mendon,

ajo që po bëjmë me këto të dhëna është
si të drejtojmë një teleskop në qytet

dhe të shikojmë sikur të ishte
një mensë gjimnazi,

e të shohim sesi është
ulur gjithsecili në sallë.

Ndoshta është koha ta ndryshojmë
pak rregullin e vendosjes.

Gjë tjetër që fillojmë të kuptojnë është

se raca është vërtet një faktor shumë
i limituar për diversitetin

Në këtë hartë,

janë përfaqsuar njerëz
nga të gjitha llojet e racave,

por, duke konsideruar vetëm racën,

nuk na ndihmon të zhvillojmë
konceptin e diversitetit.

Kështu, nëse duam të përdorim diversitetin

si mjet për të trajtuar problemet
më të pazgjidhshme,

duhet të fillojmë të mendojmë
për diversitetin në një mënyrë të re.

Dhe së fundi,
ne kemi aftësinë për të krijuar

ndërhyrje për ti dhënë
një formë të re qytetit.

Dhe nëse e kemi këtë mundësi,

ne kemi dhe përgjegjësinë për ta bërë.

Cfarë është një qytet?

Mendoj se disa mund të thonë që
është një zonë gjeografike

ose një koleksion
i rrugëve dhe ndërtesave,

por unë besoj se një qytet
është shuma e marrëdhënieve

të njerëzve që jetojnë aty,

dhe besoj se në qoftë se mund të fillojmë
të dokumentojme këto lidhje konkretisht,

ndoshta ne kemi vërtet rastin

të krijojmë ato lloj qytetesh që
do të donim ti kishim.

Ju falemnderit.

(Duartrokitje)