Բարկ Բեհր. Ինչպիսի՞ն է մեր այսօրվա սնունդը

11-ամյա Բարկ Բեհրը ներկայացնում է իր տեսակետը սննդի մեր հիմնական աղբյուրի մասին, որը հեռու է գեղեցիկ արդյունաբերական ագարակներ լինելուց: Նա պնդում է, որ ագարակներն անտեսելուվ` խթանում ենք գյուղատնտեսության վարդագույն, ոչ իրական պատկերի ստեղծումը: Նա անդրադառնում է «կանաչ» սննդի արդի վիճակին և տեղական սննդի արտադրությանը:

Ողջույն, ես Բարկ Բեհրն եմ`

11 տարեկան:

Այսօր այստեղ եմ եկել, որպեսզի խոսենք սննդին առնչվող մեզ անհանգստացնող հարցերից:

Նախ և առաջ կցանկանայի ասել,

որ իսկապես զարմացած եմ, թե որքան հեշտությամբ են

հեռուստատեսությամբ ցուցադրվող գովազդները խաբում երեխաներին

Նրանք տեսնում են դրանք հեռուստացույցով, հանրային դպրոցներում և

և գրեթե ամենուր, ուր էլ աչքդ թեքես:

Ինձ թվում է, որ ընկերությունները

միշտ փորձում են ինձ նման երեխաներին համոզել,

որպեսզի վերջիններս իրենց ծնողներին ստիպեն գնել այնպիսի անպետք բաներ,

որոնք ընդհանրապես օգտակար չեն թե´ մեր և թե´ ամբողջ աշխարհի համար:

Փոքրիկներին հատկապես

գրավում են գունավոր փաթեթավորումը

և պլաստմասե խաղալիքները:

Պետք է նշեմ, որ ես էլ նրանցից մեկն էի:

Ես էլ նրանց պես մտածում էի, որ այդ սնունդը

պատրաստում էին ուրախ, փոքր ագարակներում,

որտեղ խոզերը թավալվում էին ցեխի մեջ, իսկ կովերը ամբողջ օրը արածում էին դաշտերում :

Շուտով պարզեցի, որ դա այնքան էլ այդպես չէ:

Սկսեցի համացանցում,

գրքերում, փաստագրական ֆիլմերում,

իմ ընտանիքի հետ ճանապարհորդությունների ընթացքում նյութեր փնտրել այս ահավոր սննդի մասին:

Պարզեցի արդյունաբերված սննդային համակարգի գաղտնի կողմերը:

Նախ և առաջ դա կատարվում է գենետիկորեն պատրաստված սերմերի և այլ նյութերի միջոցով:

Ահա այս ձևով էլ լաբորատորիայում սերմը կեղծում են,

որն արդեն դեմ է բնության օրենքներին:

Օրինակ նրանք վերցնում են ձկան ԴՆԹ-ն

և դնում լոլիկի ԴՆԹ-ի մեջ….զզվելի է:

Ինձ սխալ մի հասկացեք, ես ձուկ և լոլիկ սիրում եմ,

բայց այս ամենն ուղղակի ահավոր է:

(Ծիծաղ)

Այնուհետև սերմերը ցանում են, աճեցնում:

Ապացուցված է, որ նրանց արտադրած սնունդը

լաբորատորիայի կենդանիների մոտ առաջացնում է քաղցկեղ և այլ հիվանդություններ:

Եվ մարդիկ 1990-ականներից սկսած ուտում են

հենց այս ձևով պատրաստված սնունդը:

Շատ մարդիկ անգամ չգիտեն նմանատիպ բաների գոյության մասին:

Գիտեի՞ք, որ գենետիկորեն պատրաստված հացահատիկ կերած առնետների մոտ

լյարդի և երիկամների թունավորման ախտանշաններ են ի հայտ եկել :

Սրա արդյունքում առաջանում է երիկամների բորբոքում և ախտահարում, ավելանում է երիկամների քաշը:

Մինչդեռ համարյա բոլոր տեսակի հացահատիկները, որ ուտում ենք,

որոշ չափով գենետիկորեն փոխակերպված են:

Եվ թույլ տվեք մի բան ևս ասել

ամեն ինչի մեջ էլ հացահատիկ կա:

Ինձ մի ստիպեք խոսել սահմանափակ պայմաններում պահվող կենդանիների

կերակրման գործընթացի (ՍՊՊԿԿՊ) մասին:

(Ծիծաղ)

Հանրաճանաչ ագարակատերերը հնածո վառելիքից պատրաստած

պարարտանյութեր են օգտագործում,

որն էլ խառնում են հողի հետ, որպեսզի արագացնեն բույսերի աճը:

Նրանք միևնույն բերքը աճեցնում են մի քանի անգամ`

հողից հանելով բոլոր սննդարար նյութերը:

Ավելին, մոլախոտերին և միջատներին սպանելու համար

նրանք մրգերի և բանջարեղենների վրա փչում են ավելի վնասակար քիմիական նյութեր,

ինպիսիք են օրինակ պեստիցիդը և հերբիցիդը (քլորոֆենիլդիմեթիլմիզանյութ):

Երբ անձրև է գալիս, այս քիմիական նյութերը ներծծվում են հողի մեջ

կամ հոսում են մեր ջրատար խողովակների միջով`

թունավորելով նաև մեր ջուրը:

Հետո նրանք ճառագայթում են մեր սննունդը` փորձելով դրանք ավելի երկար պահել,

որպեսզի սնունդը մինչև սուպերմարկետ հասնելը

կարողանա երկար ճանապարհ անցնել:

Հետո ինքս ինձ հարցրեցի,

թե ինչ կարող եմ անել, ինչպես կարող եմ փոխել այս ամենը:

Ահա թե ինչ պարզեցի:

Պարզեցի, որ իսկապես ավելի լավ տարբերակի հնարավորություն կա:

Որոշ ժամանակ առաջ

ցանականում էի ֆուտբոլի ազգային հավաքականի խաղացող դառնալ:

Հետո մտածեցի, որ ես ավելի լավ է դրա փոխարեն օրգանական գյուղատնտեսությամբ զբաղվող ագարակատեր դառնամ:

(Ծափահարություններ)

Շնորհակալություն:

Եվ միայն այդ կերպ կկարողանամ մեծ ազդեցություն ունենալ աշխարհի վրա:

Այս մարդը Ջոլ Սալատինն է, մարդիկ նրան խելագար ագարակատեր են համարում,

քանի որ նա վերոնշյալ ձևով չի մշակում բերքը:

Քանի որ տանն եմ ստանում իմ կրթությունը

մի օր այցելեցի նրան, որպեսզի խոսեմ այս ամենի մասին:

Այս խելագար ագարակատերը

չի օգտագործում ո´չ պեստիցիդ, ո´չ հերբիցիդ

և ո´չ էլ գենետիկորեն փոխակերպված սերմեր:

Եվ դրա համար էլ նրան խելագար են համարում:

Ուզում եմ` իմանաք, որ մենք բոլորս էլ կարող ենք փոփոխություններ անել`

տարբեր ընտրություններ անելով,

գնելով սնունդը միայն տեղացի ագարակատերերից

կամ էլ մեր հարևաններից, որոնց մեր ամբողջ կյանքում ճանաչել ենք:

Ոմանք ասում են, որ օրգանական կամ տեղական սնունդը շատ ավելի թանկ է,

բայց դա իրո՞ք այդպես է:

Այն ամենը, ինչ իմացել եմ սննդի համակարգի մասին,

ինձ թույլ է տալիս մի բան ասել. կա´մ մենք վճարում ենք ագարակատերերին,

կա´մ էլ վճարում ենք հիվանդանոցներին:

(Ծափահարություններ)

Այժմ հստակ գիտեմ, թե որ մեկը պետք է ընտրեմ:

Ուզում եմ` իմանաք, որ այստեղ կան ագարակներ,

ինչպիսիք են օրիանակ Բիլ Քիների Sequachie Cove ագարակը, որը գտնվում է Թենեսի նահանգում,

որտեղ կովերը խոտ են ուտում,

իսկ խոզերը` ցեխի մեջ թավալվում (ինչպես առաջ էի մտածում):

Երբեմն գնում եմ Բիլի ագարակ,

որտեղ իսկապես կարող եմ մոտիկից տեսնել,

թե ինչպիսի ծագում ունի այն միսը, որն ուտում եմ:

Ուզում եմ` իմանաք,

որ երեխաները, անշուշտ, կուտեն թարմ բանջարեղեն և առողջարար սնունդ,

եթե նրանք ավելի շատ բան իմանան դրանց մասին, ինչպես նաև դրանց ծագման մասին:

Ուզում եմ իմանաք, որ յուրաքանչյուր համայնքում էլ

կան օրգանական սննդի խանութներ:

Ուզում եմ` իմանաք, որ ես, եղբայրս, քույրս

իսկապես սիրում ենք ուտել եփած գանգրակաղամբ:

Ուր էլ, որ գնում եմ, փորձում եմ անպայման խոսել սրա մասին:

Ոչ շատ երկար ժամանակ առաջ,

հորեղբայրս ասաց, որ նա իմ 6 ամյա զարմիկին եգիպտացորենի փաթիլներ է առաջարկել:

Ինքը հարցրել է, թե նա կցանկանար ուտել կարմրացրած օրգանական հացի կտորներ,

թե քացղր եգիպտացորենի փաթիլներ,

որի տուփի վրա մուլտֆիլմի հերոս է պատկերված:

Եվ գիտե՞ք, թե նա ինչ է պատասխանել հորը:

Ասել է, որ նախընտրում է օրգանական կարմրացրած հացի կտորներ,

քանի որ Բարկն ասել էր, որ նա չպետք է ուտի եգիպտացորենի փաթիլներ:

Ուստի, բարեկամներս, միայն այս կերպ կարող ենք ազդել

երեխաների ընտրության վրա:

Մի խոսքով, եթե հաջորդ անգամ նպարեղենի խանութ գնաք,մտածեք միայն տեղական սննդի մասին,

ընտրեք օրգանականը: Ճանաչեք ձեր ագարակատերին, ինչպես նաև իմացեք, թե ինչ եք ուտում:

Շնորհակալություն:

(Ծափահարություններ)