Një shkollim i lartë me çmim shumë të ulët

Në Universitetin online, University of the People, secili me një diplomë të shkollës së mesme mund të marrë klasë drejt një diplome në Administrim Biznesi apo Shkenca Kompjuterike - pa pagesë të rregullt shkollimi (ndonëse provimet kushtojnë). Themeluesi Shai Reshef shpreson se edukimi i lartë po ndryshon "nga të qenurit një privilegj për disa në një të drejtë themelore, të përballueshme e të qasshme për të gjithë."

Do të doja të ndaj me ju

një model të ri të edukimit të lartë

një model që, kur të zgjerohet,

mund të rrise inteligjencën kolektive

të miliona individëve të motivuar e kreativ

që në të kundërtën do të liheshin mbrapa.

Shikojeni botën

Zgjidh një një vend dhe përqendrohu në të.

Do t'i shihni njerëzit duke vrapuar pas arsimit të lartë.

Le të takojmë njërin prej tyre.

Patrick.

Patrick ka lindur në Liberi

në një familje me 20 fëmijësh.

Gjatë luftës civile, ai dhe familja e tij ishin detyruar

të ikin në Nigeri.

Atje, përkundër situatës së tij,

ai u diplomua nga shkolla e mesme
me nota gati perfekte.

Ai dëshironte të vazhdonte shkollimin e lartë,

por për shkak të familjes së tij

e cila jetonte në kufi të varfërisë

ai u dërgua në Afrikën e Jugut

për të punuar e dërguar para

për ta ushqyer familjen e tij.

Patrick nuk hoqi kurrë dorë nga ëndrra
për një edukim të lartë.

Në netët e vona, pas punës,

ai shfletonte internetin në kërkim
të rrugëve për studim.

Njihuni me Debbie.

Debbie është nga Florida.

Prindërit e saj nuk kanë qenë në Kolegj,

e as motrat apo vëllezërit e saj.

Debbie ka punuar gjithë jetën e saj;

paguar taksa, mbështetur familjen ,nga muaji në muaj,

krenare me ëndrrën Amerikane,

ëndërr kjo thjesht e parealizueshme

pa edukim të lartë.

Por Debbie nuk posedon kursime

për edukim të lartë.

S'mund ta paguaj shkollimin.

E as s'mund ta lerë punën.

Njihuni me Wael.

Wael është nga Siria.

Ai është duke përjetuar drejtpërdrejt

mjerimin, frikën e dështimin

e imponuar në vendin e tij.

Ai është besimtar i madh i edukimit.

Ai e dinte se po të mund të gjente një mundësi

për shkollim të lartë,

një mundësi për të dal para të tjerëve,

ka shans më të mirë për të mbijetuar

në një botë të kthyer mbrapsht.

Sistemi i edukimit të lartë

ka dështuar Patrikun, Debin e Wael-in,

njëjtë siç është duke i dështuar

miliona student me potencial

miliona që përfunduan shkollën e mesme

miliona të kualifikuar për edukim të lartë

miliona që duan të studiojnë

por s'mund të kenë qasje, për arsye të ndryshme.

Së pari, financiare.

Universitetet janë të shtrenjta.
Të gjithë e dimë këtë.

Në një pjesë të madhe të botës,

edukimi i lartë është i paarritshëm

për një qytetar mesatar.

Ky është ndoshta problemi më i madh

me të cilën përballet shoqëria jonë.

Edukimi i lartë ka ndaluar
së qenuri e drejtë e të gjithëve

dhe është bërë privilegj i disave.

E dyta, kultura.

Studentet e kualifikuar për edukim të lartë

të cilët mund të paguajnë,
duan të studiojnë - nuk munden

sepse nuk është e drejtë-

nuk është vend për femra.

Ky është tregimi i femrave të panumërta

në Afrikë, p.sh.,

të ndaluara nga edukimi i lartë

për shkak të pengesave kulturore.

Dhe ja tek vjen arsyeja e tretë:

UNESCO deklaroi në 2005-ën

se 100 milion studente

do të privohen nga edukimi i lartë

thjesht sepse s'do të ketë vende të mjaftueshme

për t'i akomoduar, për të plotësuar nevojat.

Ata do të hyjnë në provimin pranues,

do ta kalojnë atë

por prapë nuk do të pranohen

sepse nuk do të ketë vende të lira.

Këto janë arsyet

pse themelova University of the People,

një universitet jo profitabil, pa pagesë

që ofron ngritje akademike.

Për të ofruar një alternativë ,

për të krijuar një alternativë për ata
që s'kanë ndonjë tjetër,

një alternative të përballueshme,

të kapshme,

një alternativë që do të përçajë

sistemin aktual edukativ,

e të hapë dyert e edukimit të lartë

për çdo student të kualifikuar

pavarësisht se sa fitojnë ata, ku jetojnë

çfarë shoqëria thotë për ta.

Patrick, Debbie dhe Wael

janë vetëm disa shembuj

nga 1,700 studentët e pranuar

nga 143 shtete.

Ne - (duartrokitje) - Faleminderit.

Ne s'kemi pasur nevojë ta rizbulojmë rrotën

Ne shikuam se çfarë s'po funksionon

dhe përdorëm fuqinë e mrekullueshme të internetit

për ta hulumtuar.

Kërkonim të ndërtonim një model

që do të hiqte pothuajse plotësisht

çmimin e edukimit të lartë,

dhe ja si e arritëm;

Së pari, tullat e llaçi kushtojne;

Universitetet kanë shpenzime

që universitetet virtuale nuk i kanë.

Ne s'kemi nevojë t'ua hedhin ato shpenzime

studentëve.

Ata nuk ekzistojnë.

Ne po ashtu s'kemi nevojë
të brengosemi për kapacitetet.

S'ka limit të vendeve

në një universitet virtual.

Në fakt, askush s'ka nevojë të qëndroj

në fund të sallës së ligjëratave.

Librat po ashtu janë diçka

që studentët tanë s'kanë nevojë paguajnë.

Duke përdorur resurset e hapura të edukimit

dhe zemërgjerësinë e profesorëve

të cilët janë duke publikuar materialet e tyre

falas dhe të qasshme,

ne s'kemi nevojë t'i dërgojmë studentët
tanë për të blerë libra.

Të gjitha ato materiale janë falas.

Madje edhe studentët,

linja më e shtrenjtë në bilancin
buxhetor të çdo universiteti

vijnë falas për studentët tanë;

mbi 3,000 prej tyre,

përfshirë rektorët, zëvendës rektor,

profesor e këshilltar akademik

nga top universitete si NYU,

Yale, Barkeley dhe Oxford,

i janë bashkuar ekipit për të ndihmuar studentët.

Dhe në fund, është besimi ynë
në të mësuarit mes kolegësh.

Ne përdorim këtë model pedagogjik në zë

për të inkurajuar studentët tanë nga e gjithë bota

për të bashkëvepruar e studiuar së bashku

e po ashtu, për të zvogëluar kohën

e profesorëve në detyrat klasore.

Nëse interneti na ka bërë banor të një fshati global,

ky model mund të zhvilloj lidershipin e tij të ardhshëm.

Ja si ja arrijmë:

Ne ofrojmë vetëm dy programe:

Administrim Biznesi dhe Shkenca Kompjuterike,

dy programet

më të kërkuara në mbarë botën,

dy programe me më së shumti gjasa

për të ndihmuar studentët tanë që të gjejnë punë.

Kur studentët pranohen,

ata vendosen në një klasë të vogël

prej 20-30 studentësh, për t'u siguruar

që ta kenë vëmendjen ata që kanë nevojë për të.

Veç kësaj, për çdo nëntë javë të kursit,

ata takojnë kolegë të ri,

grup të tërë studentësh të rinj

nga e mbarë bota.

Për çdo javë, kur ata hyjnë në klasë,

gjejnë shënimet e ligjëratave,

detyrat e leximit, detyrat e shtëpisë,

dhe pyetjet e diskutimit,

të cilat janë në themel të studimit tonë.

Çdo javë, çdo student

duhet të kontribuoj në diskutimin e klasës

e duhet të komentoj

në kontributin e të tjerëve.

Në këtë mënyrë, ne hapim mendjet e studentëve tanë

zhvillojmë një ndryshim pozitiv në qëndrimet

kundrejt kulturave të ndryshme.

Nga fundi i çdo jave,

studentët plotësojnë nga një kuiz

i dorëzojnë detyrat e shtëpisë

të cilat janë vlerësuar nga kolegët e tyre

nën mbikëqyrjen e instruktorëve

marrin një notë, vazhdojnë me javën tjetër.

Në fund të kursit, hyjnë në kursin përfundimtar,

marrin notën, dhe vazhdojnë me kursin e radhës.

Ne kemi hapur dyert e edukimit të lartë

për çdo student të kualifikuar.

Çdo student me një diplomë të shkollës së mesme

me njohuri të mjaftueshme
të gjuhës angleze e një lidhje interneti

mund të studiojë tek ne.

Ne nuk përdorim audio. Nuk përdorim video.

Broadband nuk është i nevojshëm.

Çdo student nga cilado pjesë e botës

me një lidhje interneti

mund të studiojë me ne.

Ne s'kemi pagesa shkollimi.

Krejt çfarë kërkojmë nga
studentët tanë është mbulimi

i çmimit të provimeve;

100 dollar për provim.

Një student i rregullt në shkallën bachelor

që merr 40 kurse

do të paguaj 1,000 dollar në vit,

4,000 dollar për të gjithë shkallën bachelor.

Dhe për ata që s'mund ta përballojnë as këtë shumë,

ne ju ofrojmë bursa të ndryshme.

Është misioni ynë që askush të mos mbetet prapa

për arsye financiare.

Me 5,000 student në 2016,

ky model është financiarisht i qëndrueshëm.

Para pesë vitesh, ishte një vizion.

Tani është një realitet.

Muajin e kaluar ne morëm

miratimin përfundimtar akademik për modelin tonë.

University of the People tani është plotësisht i akredituar.

(Duartrokitje)

Faleminderit.

Me këtë akreditim

është tani koha jonë e ngritjes.

Ne kemi dëshmuar se modeli ynë funksionon.

Unë ftoj universitetet, më e rëndësishmja,

qeveritë e vendeve në zhvillim

që të kopjojnë këtë model

për të siguruar që dyert e edukimit të lartë

të hapen plotësisht.

Një epokë e re po vjen,

epoka që do të jetë dëshmitare

e përçarjes së modelit të edukimit të lartë ,

siç është sot,

nga të qenit privilegj vetëm për disa

në të qenurit një e drejtë themelore,

e përballueshme dhe e qasshme për të gjithë.

Ju faleminderit.

(Duartrokitje)