Ang walong lihim ng tagumpay ayon kay Richard St. John

Bakit nagtatagumpay ang isang tao? Dahil ba matalino siya? O dahil ba sa swerte? Parehong hindi. Inipon ni Richard St. John ang tatlong taong pakikipanayam sa loob ng tatlong minuto upang talakayin ang mga tunay na lihim ng tagumpay.

Sa totoo lang, ito ay dalawang oras na pagtalakay na binibigay ko sa mga mag-aaral ng high school

na pinaikli sa tatlong minuto.

Nagsimula ito isang araw sa eroplano habang papunta ako sa TED

pitong taon na ang nakakalipas.

At sa upuang katabi ko

ay isang mag-aaral ng high school, isang dalaga,

na nanggaling sa isang mahirap na pamilya.

At gusto niyang gumawa ng mahalaga ang buhay nya

kaya tinanong niya ako.

Wika niya, "Anu-ano ang magdadala sa tagumpay?"

Sumama ang loob ko,

dahil wala akong maibigay na makabuluhang sagot sa kanya.

Kaya nang makalapag ang eroplano, at makarating ako sa TED

Naisip ko, grabe, napalilibutan ako ng mga matagumpay na tao!

Paano kung itanong ko na lang kung anu-ano ang nagtulak sa kanila upang magtagumpay,

at maibahagi ko sa mga bata?

Kaya andito tayo, makalipas ang pitong taon, at limang daang pakikipanayam,

sasabihin ko na sa inyo kung paano talaga magtagumpay

at kung anong meron ang mga TED-sters.

Ang pinaka-una ay ang silakbo ng damdamin.

Sabi ni Freeman Thomas, "Mahal ko ang ginagawa ko."

Mahal ng mga TED-ster ang ginagawa nila, at hindi lang dahil sa pera.

Wika nga ni Carol Coletta, "Kahit pa magbayad ako upang gawin ang ginagawa ko ngayon."

At ang maganda doon,

kapag mahal mo ang ginagawa mo, susunod din naman ang pera.

Pagsisikap! Sabi ni Rupert Murdoch sa akin, "Nasa pagsisikap yan.

Walang madali sa buhay. Pero masaya naman ako."

"Masaya" ba ang sinabi ni Rupert? Oo!

Masaya ang mga TED-sters sa kanilang pagsisikap. At nagtratrabaho sila ng maigi.

Sa tingin ko, hindi naman sila workaholics. Sila ay workafrolics.

Kahusayan! Sabi ni Alex Garden, "Para magtagumpay, pumili ka ng pagkakaabalahan

at paghusayan mo."

Walang salamangka, praktis, praktis, at praktis lang yan.

At ang pagtuon ng pansin. Wika ni Norman Jewison sa akin,

"Palagay ko, ang pinakamahalaga ay ang pagtutok ng sarili sa iisang bagay"

At paghamon! Ayon kay David Gallo, "Hamunin ang sarili.

sa gawa, sa isip, hamunin mo ng lubos."

Lagpasan mo ang pagkamahiyain at pagdududa sa sarili.

Sabi ni Goldie Hawn, "Noon lagi akong may pagdududa sa sarili.

Di sapat ang galing ko, di sapat ang talino ko.

Hindi ko naisip na magagawa ko."

Gayunman, hindi madaling hamunin ang sarili,

kaya nandiyan ang mga nanay. (Tawanan)

Frank Gehry -- Sabi ni Frank Gehry sa akin,

"Ang nanay ko ang nagtulak sa akin."

Magsilbi! Sabi ni Sherwin Nuland, "Isang karangalan ang magsilbi bilang doktor."

Gayunman, maraming bata ang nagsasabi sa akin na gusto nilang maging milyonaryo.

At ang una kong sinasabi sa kanila ay,

"OK, ngunit hindi naman maaring pagsilbihan ang sarili,

kaya't marapat lang na magbigay ng pagpapahalaga sa iba.

Dahil iyon ang tunay na yaman."

Ideya. Sabi ni TED-ster Bill Gates, "May naisip akong ideya --

na simulan ang pinaka-unang kumpanya ng micro-computer software."

Masasabi kong napakaganda ng ideyang iyon.

At walang salamangka sa paglikha ng mga ideya,

Kinakailangan lang na gumawa ng mga madadaling bagay.

At marami akong binibigay na halimbawa.

Magtiyaga. Sabi ni Joe Kraus,

"Pagtitiyaga ang pangunahing dahilan ng aming tagumpay."

Magtiyaga ka kahit mabigo man. Magtiyaga ka, kahit ito ay CRAP(basura)!

na ang ibig sabihin ay "Criticism (panlalait), Rejection (pagtakwil), Assholes (mga gago), at Pressure (sapilitan)."

(Tawanan)

Kung kaya, ang malaking sagot sa ating tanong ay simple lang:

Magbayad ka ng apat na libong dolyar at dumalo sa TED.

Kung hindi man, gawin mo ang walong ito -- at maniwala ka sa akin,

ito ang walong malalaking bagay na magdadala ng tagumpay.

Salamat mga TED-ster sa lahat ng pakikipanayam!