Шокантниот потег да се криминализира ненасилниот протест

Во 2002, истражувачкиот новинар и соработник на TED, Вил Потер одлучи да го промени својот работен ритам, пишувајќи за пукања и убиства за „Чикаго Трибјун“. Отиде да помогне на локална група која водеше кампања против тестирањето врз животни: „Мислев дека тоа е правилен начин за да направам нешто позитивно,“ вели тој. Наместо тоа, тој беше уапсен, и така започна неговото патешествие во светот, во кој мирниот протест е етикеtиран како тероризам.

Немаше поминато година од 11 Септември,

а јас бев во Чикаго Трибјун

каде пишував за пукања и убиства,

нешто што ме направи

доста депримиран.

За време на колеџ бев активист,

па одлучив да помогнам на една локална група

која се бореше против тестирањето на животни.

Мислев дека постапувам правилно

и дека нема да има проблеми,

но ме биеше толку голем малер,

што сите бевме уапсени.

Оваа матна слика на која држам

летоци им беше доказот.

Обвиненијата против мене беа отфрлени,

но по неколку недели,

двајца ФБИ агенти ми тропнаа на врата,

и ми рекоа дека морам да ги шпионирам

другите протестни групи, оти во спротивно

ќе ме стават на листата на домашни терористи.

Ќе излажам ако кажам дека не се стаписав.

Бев преплашен,

а кога стравот стивна,

морав да откријам

како дојде до ова,

зошто активистите за правата на животните и средината,

кои никогаш не повредиле никого,

како и зошто станале главна

мета на ФБИ.

По неколку години, бев повикан да сведочам

пред Конгресот за мојата репортажа.

На законодавците им реков, и додека сите

зборувате за зеленило,

некои луѓе ги ризикуваат своите животи

за да ги заштитат шумите и да ги сопрат нафтоводите.

Тие ги ставаат своите тела на линијата

меѓу харпуните и китовите.

Ова се обични луѓе,

како демонстративе во Италија,

кои спонтано се прекачија преку

бодликава жица за да ги спасат

овие зајачари од тестирање.

Овие движења биле неверојатно ефективни

и популарни,

и затоа во 1985, нивните противници смислија нов збор,

еко-терористи,

за да го сменат начинот на кој ги гледаме.

Едноставно го измислија.

Овие компании лобираа за нови закони

како ,,Терористичкиот Акт против Претпријатијата за Животни,"

кој го претвора активизмот во тероризам,

ако тој предизвикува намалување на профитот.

Повеќето никогаш и не слушнале за овој закон,

вклучувајќи ги и членовите на Конгресот.

Помалку од еден процент беа присутни

кога беше усвоен.

Другите беа на комеморација.

Му оддаваа чест на Др. Кинг,

додека неговиот активизам стануваше тероризам

доколку се прави во име на животните или средината.

Поддржувачите велат дека овие закони се потребни

за екстремистите:

вандалите, потпалувачите, радикалите.

Но во моментов, компании како ,,ТрансКанада"

ја советуваат полицијата за тоа како

да ги прикаже ненасилните демонстранти

како терористи.

ФБИ документите за обука за еко-тероризмот

не се за насилство,

туку за односи со јавноста.

Денес, во повеќе држави,

корпорациите туркаат нови закони

кои не дозволуваат фотографирање на

суровоста врз животните на нивните фарми.

Последниот беше во Ајдахо пред само две недели,

а денес поднесовме тужба

оти сметаме дека е неуставен

и дека е закана за новинарството.

Во првиот судски случај од ваков вид,

беше инволвирана

една млада жена, Ејми Мејер.

Ејми забележала како пренесуваат болна

крава со булдожер надвор од кланица,

додека била на улицата.

И Ејми го сторила тоа што секој од нас би го сторил:

Снимала.

Кога дознав за нејзината приказна, пишував за тоа,

и во рок од 24 часа, создаде толкава галама

што обвинителите едноставно ги отфрлија сите обвиненија.

Но, очигледно, дури и ваквите работи

ги сметаат за закана.

Преку ,,Актот за Слобода на Информациите,"

дознав дека единицата за борба против тероризмот

ги следи моите статии

и говори како што е овој.

Дури го вклучија и овој убав мал опис на мојата книга.

Ја опишаа како „неодолива и добро напишана.“

(Аплауз)

Реклама за наредната книга, така?

Поентата на сето ова е да нè исплашат,

но како новинар, имам непоколеблива верба

во моќта на образованието.

Нашето најдобро оружје е сончевата светлина.

Достоевски напиша дека целиот труд на човекот

е да докаже дека е човек, а не дирка на пијано.

Одново и одново низ историјата,

луѓето на власт го употребувале стравот

да ја замолчат вистината и несогласувањето.

Време е да отсвириме нова нота.

Ви благодарам.

(Аплауз)