کس طرح ہم نے گھریلو تشدد کا مقابلہ کیا (اشارہ : پولورائڈ کیمرے نے مدد کی)

جب ایسٹا سولر نے 1984 میں گھریلو تشدد کے خلاف قانون سازی کے لئے قائل کرنے کی مہم شروع کی، ایک سیاست دان نے اس بل کو " ازدواجی زندگی سے مزہ ختم کرنے والا قانون" کا نام دیا۔ " کاش میرے پاس اسوقت ٹوئٹر ہوتا"، اس نے کہا۔
یہ پرُ اُمید اور چھا جانے والی تقریر، پچھلے تیس سالوں میں آزمائے ہوئے حربوں اور طریقوں پر مبنی ہے، -- جو پولورائڈ کیمرے سے لیکر سوشل میڈیا تک محیط ہیں ۔۔ جو امریکہ میں گھریلو تشدد میں 64 فیصد کمی لانے کا باعث بنے۔

میں چاہتی ہوں کہ آپ تصور کریں

کہ کتنی بڑی پیش رفت ہوئی تھی

ان عورتوں کے لئے جو 1980 کی دہائی میں

تشدد کا شکار ہوتی تھیں۔

وہ ایمرجنسی روم میں ایسی حالت میں آتیں

جِس کو پولیس والے "عاشقوں کا جھگڑا" کہتے

اور مجھے نظر آتی ایک مار کھائی ہوئی عورت،

ایک ٹوٹی ہوئی ناک ، اور ایک فریکچر ہوئی کلائی کی ہڈی،

اور سوجی ہوئی آنکھیں۔

اور ایک کارکن کے طور پر ہم اپنے پولورائڈ کیمرے نکالتے،

اس کی تصویر کھینچتے،

90 سیکنڈ انتظار کرتے،

اور اس کو تصویر دے دیتے۔

اور اس طرح اس کے پاس

وہ ثبوت آجاتا جوعدالت تک جانے کے لئے ضروری تھا-

ہم پوشیدہ حقیقت کو ظاہر کرنے میں لگے ہوئے تھے۔

میں یہ کام 30 سال سے کر رہی ہوں۔

میں ایک ایسی سماجی تحریک کا حصہ رہی ہوں

جو عورتوں اور بچوں پر تشدد

ختم کرنے کی کوششوں میں مصروف ہے۔

اور ان سارے سالوں میں،

میرا پرجوش یقین رہا ہے اس بات پر

جو بعض اوقات زیادہ شہرت کی حامل نہیں،

کہ یہ تشدد کبھی بھی ناگزیر نہیں ہوتا،

کہ یہ سیکھا گیا ہوتا ہے، اور اگر اس کو سیکھا گیا ہے،

تو اس کو بھلایا جاسکتا ہے، اور اس کو روکا جا سکتا ہے۔

(تالیاں)

مجھے اس پر کیوں یقین ہے؟

کیونکہ یہ سچ ہے۔

یہ بالکل سچ ہے۔

1993 اور 2010 کے درمیان،

امریکہ میں بالغ عورتوں پر

خانگی (گھریلو) تشدد کے واقعات

میں 64 فیصد کمی واقع ہوئی،

اور یہ زبردست خبر ہے۔

(تالیاں)

64 فیصد ۔۔ ہم یہاں تک کیسے پہنچے؟

ہماری آنکھیں پوری کھلیں تھیں-

تیس سال پہلے، عورتیں مار کھاتی تھیں،

ان کا پیچھا کیا جاتا تھا، ان کی عزتوں کو پامال کیا جاتا تھا،

اور کوئی اس کے خلاف آواز نہیں اُٹھاتا تھا۔

کوئی انصاف نہیں تھا۔

اور ایک کارکن کے طور پر میرے لئے یہ قابلِ قبول نہیں تھا۔

اور اس سفر پر پہلا قدم یہ ہے کہ

ہم منظّم ہوۓ،

اور ہم نے بنایا اس غیرمعمولی

حیرت انگیز عورتوں کا خفیہ نیٹ ورک

جنہوں نے پناہ گاہیں بنائیں،

اور اگر وہ پناہ گاہ نہ بنا سکیں،

تو انہوں نے اپنے گھر کھول دیئے

تا کہ عورتیں اور بچے محفوظ رہ سکیں۔

اور آپ جانتیں ہیں کہ ہم نے مزید کیا کیا؟

ہم نے کھانے بیچے، ہم نے گاڑیاں کو دھویا،

اور ہم نے وہ سب کچھ کیا جس سے ہم پیسے اکھٹے کرسکیں،

اور ایک مرحلہ پر ہم نے کہا،

کہ اب وقت آ گیا ہے کہ ہم جائیں

وفاقی حکومت کے پاس

اور مطالبہ کریں کہ وہ خرچہ ادا کریں ان

غیرمعمولی خدمات کا جو لوگوں کی جان بچا رہے ہیں۔

صحیح کہا؟ (تالیاں)

اور پھر، دوسرا قدم،

ہم جانتے تھے کے ہمیں قانون کو بدلنے کی ضرورت تھی۔

تو پھر ہم واشنگٹن گئے،

اور ہم نے پہلی قانون سازی کے لئے قائل کرنےکی کوششیں کیں-

اور مجھے یاد ہے کیپیٹل بلڈنگ کے

برآمدوں میں سے گزرنا،

میں اس وقت 30 سال کی تھی، میری زندگی میں ایک مقصد تھا،

اور میں سوچ بھی نہیں سکتی تھی

کہ کوئی اس اہم قانون کے بننے کو

چیلنج کرے گا۔

میں شاید 30 سال کی تھی اور ناسمجھ بھی۔

مگر میں نے ایک کانگریس مین کے بارے میں سنا

جس کا بہت ہی مختلف نقطہ نظر تھا۔

آپ کو پتہ ہے اس نے

اس اہم قانون کو کیا نام دیا؟

اس نے اس کو"ازدواجی زندگی میں سے مزہ ختم کرنے والا قانون" کہا-

"ازدواجی زندگی میں سے مزہ ختم کرنے والا قانون"

خواتین و حضرآت، یہ 1984 کی بات ہے

امریکہ میں اور کاش میرے پاس اس وقت ٹوئٹر ہوتا۔

(ہنسی)

دس سال بعد، بہت زیادہ محنت کے بعد،

آخرکار عورتوں کے خلاف تشدد کا قانون پاس ہو گیا،

جو کہ زندگی بدل دینے والا قانون ہے

جس کی مدد سے بہت ساری زندگیاں بچائی گئیں۔ (تالیاں)

شکریہ۔

مجھے فخر تھا کہ میں اس کام کا حصّہ رہی،

اور اس نے قوانین بدلے

اور اس نے لاکھوں ڈالر مقامی آبادیوں میں ڈالے۔

اور آپ جانتے ہیں کہ اس نے مزید کیا کیا؟
اس نے اعدادوشمار جمع کئے۔

اور مجھے آپ کو یہ بتانا پڑے گا، کہ میں
اعدادوشمار کی بےحد شوقین ہوں۔

دراصل، میں اعدادوشمار کی جنونی ہوں-

مجھے یقین ہے یہاں پر اعدادوشمار کے بہت سارے جنونی ہیں۔

میں اعدادوشمار کی جنونی ہوں،

اور اسکی وجہ یہ ہے کے میں اس بات کا یقین کر لینا چاہتی ہوں

کہ اگر ہم ایک ڈالر خرچ کریں، تو پروگرام چلے،

اور اگر نہ چلے، تو ہمیں منصوبہ بدل دینا چاہیے۔

اور میں مزید ایک بات کہنا چاہتی ہوں:

ہم اس مسئلے کو حل نہیں کرسکتے

مزید جیل بناکر

یا مزید پناہگاہیں بناکر-

یہ عورتوں کی معاشی خودمختاری کا معاملہ ہے،

دکھی بچوں کے زخموں پر مرہم رکھنے کا معاملہ ہے،

اور تشدد کی روک تھام کا معاملہ ہے۔

چنانچہ، تیسرا قدم اس سفر کا:

ہم جانتے ہیں، کہ اگر اس کامیابی کو جاری رکھنا ہے،

تو ہمیں اپنی آوازوں کو بلند کرنا ہو گا،

زیادہ سے زیادہ منظرِ عام پر آنا ہو گا،

اس اہم کام میں عوام کو شامل کرنا ہو گا۔

اور اس بات کو جانتے ہوۓ، ہم اشتہاری کاؤنسل کے پاس گئے،

اور ان سے مدد مانگی

کہ ایک عوامی تعلیم کی مہم کو بنائیں-

ہم نے دنیا بھرمیں نظریں دوڑائیں، کینیڈا سے لیکر

آسٹریلیا اور برازیل اور افریقہ کے کچھ حصوں تک،

اور اس معلومات کو لیکر گئے

اور ہم نے ملک کی پہلی

عوامی تعلیم کی مہم بنائی

جس کا نام "گھریلو تشدد کا کوئی جواز نہیں" تھا-

یہ دیکھئے ان میں سے ایک اشتہار۔

(وڈیو) مرد: کھانا کہاں ہے؟

عورت: وہ، میں نے سوچا کہ آپ دو گھنٹے پہلے
آئیں گے، تو میں نے کھانا سمیٹ دیا، تو ۔۔۔۔

مرد: یہ کیا ہے؟ پیزا۔
عورت: اگر آپ مجھے کال کر دیتے، مجھے پتہ چل جاتا ۔۔۔

مرد: کھانا؟ یہ کھانا تیار کا مطلب ہے پیزا؟
عورت: جان، پلیز اونچی آواز میں نہ بولو۔

پلیز مت کرو ۔۔۔۔۔۔ چھوڑو مجھے!

مرد : کچن میں چلو!
عورت: نہیں! بچاؤ!

مرد : تمہیں بتاؤں تکلیف کیسے ہوتی ہے؟
(عورت کو تھپڑ مارتا ہے)

ایسے درد ہوتا ہے! ایسے درد ہوتا ہے! (شیشہ ٹوٹنے کی آواز)

عورت: مجھے بچاؤ!

[بچے تو بیٹھ کر صرف دیکھ ہی سکتے-
تمہارا کیا بہانہ ہے؟"]

ایسٹا سولر: جب ہم مصروف تھے

اس مہم کو شروع کرنے میں،

او۔ جے ۔ سمپسن کو گرفتار کرا گیا

اپنی بیوی اور بیوی کے دوست کے قتل کی وجہ سے-

ہمیں معلوم ہوا کہ وہ ایک لمبے عرصے سے

خانگی تشدد میں ملوث تھا۔

ذرائع ابلاغ نے گہری توجہ دی۔

گھریلو تشدد کی داستان

اخبار کے پچھلے صفحے سے،

بلکہ دراصل غیر صفحے سے پہلے صفحے پر شائع ہوئی۔

ہمارے اشتہارات ہر جگہ چھا گئے،

اور عورتیں، پہلی بار،

اپنی کہانیاں سنانا شروع ہوئیں۔

تحرکیں لمحوں سے بنتی ہیں،

اور ہم نےاس لمحے کو استعمال کیا۔

میں صحیح صورتحال بتاتی ہوں۔

1980 سے پہلے، کیا آ پ کو اندازہ ہے کہ

نیویارک ٹائیمز میں کتنے کالم

گھریلو تشدد کے بارے میں شائع ہوئے؟

میں آپکو بتاتی ہوں: 158-

اور 2000 کی دہائی میں، 7000 سے زیادہ۔

ظاہر ہے کہ ہم فرق ڈال رہے ہیں-

مگر ابھی بھی ایک انتہائی اہم عنصر موجود نہ تھا۔

تو، چوتھا قدم: ہمیں ضرورت تھی کہ مردوں کو شامل کریں-

ہم اس مسئلے کو حل نہیں کرسکتے تھے

کہ جب 50 فیصد آبادی ایک طرف کھڑی ہو-

اور میں پہلے بتا چکی ہوں، مجھے اعداد و شمار کا جنون ہے-

قومی آراء کے سروے سے پتہ چلا کہ مرد محسوس
کرتے ہیں کہ ان کو مجرم قرار دیا جارہا ہے

اور ان کو اس گفتگو میں شامل نہیں کیا گیا-

تو ہم نے سوچا کہ مردوں کو کس طرح شامل کیا جائے؟

ہم مردوں کو کس طرح عورتوں اور بچوں پر تشدد

کی مذمت کرنے پر تیار کر سکتے ہیں؟

میرے ایک مرد دوست نے مجھے ایک لے جاکر کہا

"تم چاہتی ہو کہ مرد عورتوں اور
بچوں پرتشدد کے خلاف بات کریں۔

مرد بات نہیں کرتے۔"

(ہنسی)

یہاں موجود مرد حضرات سے معذرت کے ساتھ ،

میں جانتی ہوں کہ آپ لوگ بات کرتے ہیں۔

مگر میرے دوست نے کہا، " تمہیں پتہ ہے وہ کیا کرتے ہیں؟

وہ اپنے بچوں سے بات کرتے ہیں۔

وہ بچوں سے باپ اور کوچ (استاد) کی حیثیت سے بات کرتے ہیں۔"

تو ہم نے یہی کیا۔

ہم مردوں سے ملاقات کی جہاں وہ موجود ہوتے تھے

اور ایک پروگرام بنایا کیا۔

اور ایک دفعہ ایک ایسا واقعہ ہوا

جو میرے دل میں ہمیشہ رہے گا

جب ایک باسکٹ بال کا استاد

ایک بھرے ہوئے کمرے میں، اپنے مرد کھلاڑیوں

اور زندگی کے مختلف شعبوں سے جڑے مردوں سے بات کر رہا تھا۔

اور وہ لڑکوں کو مرد بنانے کی تربیت کی اہمیت

کےبارے میں بات کر رہا تھا

اور لاکر روم کے ماحول کو بدلنے

اور مردوں کو صحتمند رشتے رکھنے کرنے کے گر بتا رہا تھا-

اور اچانک اس کی نظر کمرے میں، پیچھے کھڑی ہوئی

اپنی بیٹی پر پڑی،

اور اس نے اپنی بیٹی کا نام پکارا، مکیلا،

اس نے کہا، " مکیلا، ادھر آگے آؤ۔"

وہ نو سال کی بچی تھی اور تھوڑی شرمیلی بھی،

اور وہ آگے آئی،

اوراس نے کہا،" میرے پاس بیٹھو۔"

وہ بچی اس کے پاس بیٹھ گئی۔

اس نے اپنی بچی کو گلے لگایا اور کہا،

"لوگ پوچھتے ہیں کہ میں یہ کام کیوں کرتا ہوں۔

میں یہ کام اس لئے کرتا ہوں کیونکہ میں اسکا باپ ہوں،

اور میں نہیں چاہتا کہ کوئی کبھی اسے کوئی تکلیف پہنچائے۔"

اور ایک ماں کے طور پر میں سمجھ سکتی ہوں۔

میں سمجھ سکتی ہوں،

میں جانتی ہوں کے کالج کمپسوں میں بہت سارے

جنسی حملوں کے واقعات ہوتے ہیں

جو بہت عام ہیں مگر ان کی رپورٹ بہت کم ہوتی ہے۔

ہم نے بالغ عورتوں کے لئے بہت کام کیا ہے۔

ہمیں اپنے بچوں کے لیے مزید بہتر کام کرنے کی ضرورت ہے۔

ہمیں ضررورت ہے- ہمیں کرنا ہے۔ (تالیاں)

ہم ایک لمبا سفر طے کر کے آئے ہیں

پولورائڈ کے زمانے سے یہاں تک ۔

ٹیکنالوجی ہماری دوست رہی ہے۔

موبائل فون نے حالات یکسر بدل دیئے

عورتون کی خودمختاری کے حق میں،

اور فیس بک نے اور ٹوئٹر نے اور گوگل نے اور یو ٹیوب نے

اور تمام سوشل میڈیا نے مدد کی ہمیں منظم ہونے میں

اور ایک طاقتور انداز سے اپنی کہانی سنانے میں۔

اور آپ سب حاضرین میں جنہوں نے

ان اپلیکیشنز اور پلیٹ فارم کو بنانے میں مدد کی

ایک منتظم کی طور پر،

میں کہنا چاہتی ہوں، آپ کا بہت بہت شکریہ۔

واقعی ۔ میں آپ کےلئے تالیاں بجاتی ہوں۔

( تالیاں )

میں ایک ایسے شخص کی بیٹی ہوں

جو زندگی میں صرف ایک کلب کا حصہ بنا،

'پرامید' کلب ۔

یہ بات آپ بنا نہیں سکتے-

اوریہ ان کی ہی پرامیدی اور جذبہ ہے

جو میرے ڈی این اے میں شامل ہے۔

میں یہ کام کر رہی ہوں

پچھلے 30 سالوں سے،

اور میں پہلے سے زیادہ قائل ہوں،

انسان کے بدلنے کی صلاحیت میں۔

میرا یقین ہے کہ ہم انسانی تاریخ کا رخ

محبت اور برابری کی طرف موڑ سکتے ہیں،

اور میں بنیادی طور پر یقین رکھتی ہوں

اور شدت سے یقین رکھتی ہوں

کہ اس تشدد کو انسانی حالت کا

حصّہ نہیں بننا چاہیے-

اور میں آپ سے گزارش کرتی ہوں، کہ ہمارے ساتھ کھڑے ہوں

ایسے مستقبل کو بنانے کے لئے جو ہر جگہ

عورتوں اور لڑکیوں اور مردوں اور لڑکوں سب کے لئے تشدد سے پاک ہو۔

بہت بہت شکریہ-

( تالیاں)