Што мислат девојките за нивното сексуално задоволство

Зошто девојките имаат смелост да се впуштат во сексуални активности но, не и да уживаат во нив? Пеги Орентеин, цели три години водеше разговори со девојки на возраст од 15-20 години за нивниот однос и искуствата во сексот. Таа зборува за задоволството кое во голема мера отсуствува во нивните сексуални активности и нè повикува да го премостиме јазот на оргазмот со тоа што ќе зборуваме отворено со нашите девојчиња за сексот, телото, задоволството и интимноста.

Неколку години веќе,

водиме национални дебати за сексуалните
напади на универзитетите.

Без сомнение,

значајно е младите да ги разберат основите
на согласноста за сексуален однос,

но токму тука завршува
дискусијата за сексот.

Во овој вакуум на информации,

медиумите и интернетот-

новите дигитални маала-

ги образуваат нашите деца наместо нас.

Ако навистина сакаме младите
да ги вклучиме безбедно, етички

и да, со задоволство,

време е отворено да проговориме
за она што се случува после „Да“

и да го срушиме најголемото табу од сите

и да зборуваме со младите

за способноста на жените и нивните
права на сексуално задоволство.

Да.

(Аплауз)

Ајде, дами.

(Аплауз)

Три години поминав зборувајќи
со девојки од 15-20 години

за нивните ставови и искуства со сексот.

Открив дека

младите жени може чувствуваат дека
имаат право на сексуално искуство,

но не секогаш се чувствуваат
слободни да уживаат во него.

На пример, студентка од престижен колеџ

ми рече:

„Потекнувам од семејство
со редица умни и силни жени.

Баба ми била пожарникар,

мајка ми има кариера,

сестра ми и јас сме гласни
и тоа е нашата форма на феминизам.“

Потоа ми го опиша
нејзиниот сексуален живот:

редица на врски за една ноќ

кои започнале на 13 години,

кои биле..

не посебно одговорни,

ниту реципрочни

и не многу пријатни.

Таа крена раменици.

„Изгледа ние девојките се социјализираме
да бидеме покорни суштества

кои не ги искажуваат
своите желби и потреби.“

„Чекај,“-реков.

„Не рече пред малку дека
сте биле умни и силни жени?“

Се поколеба за миг.

Потоа рече: „Изгледа,

никој не ми кажа дека
„силна и умна“ се однесува и на сексот.“

Можеби треба да кажам
отворено дека и покрај поривот

тинејџерите не влегуваат во сексуални
врски почесто или на помлада возраст

за разлика од пред 25 години.

Но, започнуваат со друг вид на однесување.

Кога го игнорираме тоа,

кога го обележуваме како „не е секс“,

тоа отвора пат кон ризично
однесување и непочитување.

Ова особено се однесува на оралниот секс

кој тинејџерите сметаат дека
е помалку интимен од имањето однос.

Девојките велат :„Не е голема работа,“

како да го читаат истиот прирачник-

барем кога на другата
страна се момчињата.

Младите жени имаат многу
причини за да учествуваат.

Тоа ги прави да се посакувани;

тоа е начинот на подигнување
на социјалниот статус.

Понекогаш тоа е начинот
на излегување од зоната на комфор.

Како што изјави еден бруцош:

„Девојка ќе му пружи орален секс
на тип на крајот на вечерта

бидејќи не сака да има секс со него,

а, тој очекува да биде задоволен.

Така што ако сакам да си оди

и не сакам ништо да се случи....“

Имам слушнато толку многу приказни за
девојки кои пружиле едностран орален секс.

што почнав да прашувам:

„Што ако секогаш кога си сама со момче

ти побара да му донесеш чаша вода,

а тој никогаш не ти донел чаша вода,

или ако ти донел, било вака:

„Сакаш да те...?“’

Онака, безволно.

Нема да го трпите тоа.

Но, не дека момчињата не сакаат и обратно.

Девојките не сакаат тоа да им се прави.

Девојките се срамат
кога се работи за гениталиите.

Имаат чувство дека e непријатно и свето.

Нивните чувства за интимните делови

се директно поврзани
со нивното уживање во сексот.

Деби Херберик, истражувач
на Универзитетот Индијана,

смета дека претставата
за гениталиите кај жените е под опсада,

со најголем притисок досега

да се видат како неприфаливи
во нивната природна состојба.

Според истражувањата,

околу 3/4 од студентките
ги острануваат пубичните влакна, целосно

или повремено

и поголемиот дел го прават тоа редовно.

Велат дека отстранувањето на влакната
ги прави да се чувствуваат почисто,

дека тоа е личен избор.

Но, се прашувам кога би биле
сами на пуст остров,

дали тоа ќе беше нивниот избор.

(Смеа)

Кога отидов подалеку,

се појави една уште помрачна страна:

избегнување на понижување.

„Момчињата се однесуваат
како да се гадат од тоа“-

рече една млада жена.

„Никој не сака да биде озборуван за тоа.“

Отстранувањето на пубичните влакна
ме потсети на почетокот на 20 век

кога жените почнале
да ги бричат пазувите и ноѕете.

Ова е кога новите фустани почнаа

да ги откриваат нозете на жените

пред јавноста.

Има уште нешто што сметам дека е знак.

Дека најитимниот женски дел
е изложен на јавното мислење,

изложен на критика,

за изгледот на тој дел во очите на другите

а не во очите на самата жена.

Трендот на бричење прерасна
во друг тренд-лабиопластика.

Лабиопластика, корекција на надворешните
и внатрешни интимни усни,

станува популарна козметичка
интервенција кај тинејџерките.

Од 2014-2015 се зголеми за 80 проценти,

и ако девојките под 18 год. сочинуваат
2% од сите козметички интервенции,

5% се лабиопластики.

Најбараниот изглед, случајно,

каде надворешните усни
се споени како школка,

и овој изглед се вика...

слушнете само..

„Барби“.

(Негодување)

Мислам не треба да ви кажам

Барби е направена од пластика,

и нема гениталии.

(Смеа)

Трендот на лабиопластика
станува толку загрижувачки

што Здружението
на гинеколози-акушери во САД

дадоа изјава за процедурата,

што ретко е медицински неопходно,

не е докажано дека е безбедна

и има несакани ефекти
како чешање, тапост, болка

и намалена сексуална чувствителност.

Сега, да признаеме

и за среќа,

бројот на девојките
кои го прават тоа е прилично мал,

но, може да ги видите како птички наоколу

кои ни кажуваат важни информации за тоа
како девојките ги гледаат своите тела.

Сара Меклеланд,

психолог на Университетот во Мичиген,

ја срочи мојата
омилена фраза на оваа тема:

„Интимна правда“.

Тоа значи дека сексот има политички
и лични последици,

слично како на тоа кој
ги мие садовите во вашиот дом

или кој го чисти тепихот.

Тоа исто повлекува прашања
и за нееднаквоста,

за економската неусогласеност,

насилството,

физичкото и металното здравје.

Интимната правда нè тера да размислиме

кој има право да се вклучи во искуството.

Кој има право да ужива во него?

Кој има најмногу корист од тоа?

Како секој од партнерите
го дефинира „доволно добро“?

Искрено, мислам дека такви прашања
се незгодни и понекогаш трауматски

и за возрасни жени,

но, кога зборуваме за девојките,

пак се враќам на мојата идеја
дека нивното рано сексуално искуство

не треба да е нешто што
тие треба да го преболат.

Во својата работа,

Меклеланд открива дека младите
жени за разлика од младите мажи

го користат задоволството на партнерот
како мерка за сопствено задоволство.

Велат нешто како ова:

„Ако тој е сексуално задоволен

и јас сум сексуално задоволена.“

Младите мажи го мерат своето задоволство
со своите оргазми.

Младите жени исто различно
го дефинираат лошиот секс.

Во најголемата анкета досега

за сексуалното однесување на Американците,

тие наведуваат болка
во нивните сексуални искуства

во текот на 30 проценти од времето.

Истотака употребуваат зборови
како „депресивно“,

„омаловажувачко“,

„„понижувачко“.

Младите мажи никогаш
не ги употребиле тие зборови.

Кога млади жени изразуваат
нивоа на сексуални задоволства

кои се еднакви или повисоки
од оние на младите мажи-

а ги има во истражувањата-

тоа може да е лажно.

Ако девојка има однос
со надеж дека нема да боли,

сакајќи да е поблиска со партнерот

и очекувајќи го неговиот оргазам,

ќе биде задоволна ако
тие критериуми се исполнат.

И нема ништо погрешно да сакаш
да си поблиску до партнерот

или да сакаш да е среќен,

а, оргазмот не е единственото
мерило на искуството-

но отсуството на болка-

тоа е доста низок праг
за сопственото задоволство.

Го слушав сето тоа и размислував,

почнав да сфаќам дека правиме
психолошка клиторидектомија

на американските девојки.

Од раното детство,

најчесто родителите на машките деца
ги именуваат деловите на телото

и најчесто велат: Еве го „пипето“.

Родителите на девојчињата вообичаено
делот меѓу папокот и колената

избегнуваат да го именуваат.

(Смеа)

Најдобар начин да се избегне темата

е да не се именува.

Подоцна кога почнуваат
со сексуално образование

децата учат дека машките
имаат ерекција и ејакулација

а девојчињата имаат

циклуси и несакани бремености.

Го гледаат дијаграмот на женскиот
репродуктвен систем,

знаете кој, оној што
наликува на телешка глава-

(Смеа)

И секогаш е сиво меѓу нозете.

Така, никогаш не велиме вулва,

никогаш не велиме клиторис.

Без сомнение,

помалку од половина
тинејџерки од 14-17 год.

никогаш не маструрбирале.

Потоа влегуваат во врски

и очекуваме да мислат
дека сексот е за нив,

дека ќе можат гласно да ги кажат
своите потреби, желби и граници.

Ове е нереално.

Сепак, еве нешто.

Влогот на девојките во уживањето
на нивните партнери останува

без разлика на родот на партнерот.

Во истополовите односи,

јазот помеѓу органите го нема.

Младите жени имаат оргазам
на исто ниво како мажите.

Лезбејки и бисексуални девојки ми кажуваат

дека се чувствуваат ослободени
да излезат од шаблоните-

ослободени да формираат врски
кои се успешни за нив.

Геј девојките ги нарекуваат првите односи

со дефиниција на невиност.

Не затоашто односот не е нешто сериозно

туку затоашто вреди да видиме
зошто активноста,

која многу девојки ја поврзуваат
со нелагодност или болка,

е крајната линија на сексуалната зрелост-

толку многу позначајна,

и потрансформативна од било што друго.

Вреди да се види и како
сето тоа им служи на девојките;

дали ги заштитува од болести,

присила, предавство, напад.

Дали е охрабрувачко и внимателно
за двата партнери;

што значи за начинот на кој
ги гледаат другите сексуални дејствија;

дали им дава повеќе контрола над

уживањето и нивното искуство

и што значи за геј тинејџерите,

кои можат да имаат повеќе
геј партнери без хетеросексуален однос.

Прашав геј девојка која ја запознав,

„Како ќе знаеш дека не си невина?“

Рече дека ќе мора да изгугла.

(Смеа)

И Гугл не беше сигурен.

(Смеа)

На крај одлучи дека не е веќе невина

откако го имала првиот оргазам
со партнерката.

Си реков:

Вау!

Што ако за миг помислиме

дека таа е дефиницијата?

Повторно, не зашто
односот е голема работа-

се разбира дека е-

но не е единствената,

и наместо да мислиме на сексот
како на трка да се стигне до целата,

ова ни помага да му дадеме содржина
како на збир на искуства

кои вклучуваат топлина,
прирзаност, возбуда,

желба, допир, интимност.

Вреди да ги запрашаме младите,

кој е навистина сексуално поискусен?

Тој што бил со партнерот три саати

и експериментирал со сензуалната
напнатост и комуникација,

или оној кој се досадува на забава
и случајно завршува со некој

за да ја „среди“ невиноста
пред да замине на факултет.

Единствен начин на кој може
да настане пресврт во размислувањето

е да зборуваме почесто
со младите за сексот-

ако ги нормализираме тие дискусии,

ги вметниме во секојдневниот живот,

зборувајќи за интимните дејствија
на различен начин-

на начинот на кој најмногу се променивме,

на начинот на кој зборуваме
за жените во јавниот живот.

Во една анкета на 300 случајно
избрани девојки

од холандски и американски универзитет,

два слични универзитети,

зборуваат за нивните
рани сексуални искуства.

Холанѓанките опфатија сè
што велиме дека сакаме од девојките.

Тие имаа помалку негативни последици,

како болести, бремености, каење,

повеќе позитивни исходи

како способност да
комуницираат со партнерот,

за кој рекоа дека добро го познаваат;

се подготвиле за искуството одговорно

уживајќи во активноста.

Која беше нивната тајна?

Холанѓанките рекоа дека лекарите,
наставниците и родителите

уште од рана возраст и отворено,

разговарале со нив,

за сексот, задоволството и важноста
на заедничката доверба.

Уште повеќе,

додека Американците не се помалку спремни
да зборуваат со своите деца за сексот,

разговорите се сведуваат во рамките

на опасностите и ризиците,

за разлика од Холанѓаните кои ги изедначуваат
уживањето и одговорноста.

Морам да ви кажам,

мене како родител,

ова ме погоди многу,

бидејќи знам,

ако не продрев длабоко во истражувањето,

ќе зборував отворено
со моето дете за контрацепција,

за заштита од болести,

за согласноста зашто сум современ родител,

и ќе си речев-

браво себе си.

Сега знам дека тоа не е доволно.

Исто така знам што очекувам од девојките,

сакам да ја видат сексуалноста
како извор на само-спознание,

креативност и комуникација

и покрај потенцијалните ризици.

Сакам да можат да се нурнат
во сензуалноста на своето тело

без да бидат ограничувани.

Сакам да можат да побараат
што сакаат во постела

и да го добијат тоа.

Сакам да бидат безбедни
од несакана бременост,

болест,

суровост,

нечовечност,

насилство.

Ако се нападнати,

сакам да имаат заштита од училиштето,

работодавецот,

судовите.

Многу барам,

но, не е премногу.

Како родители, наставници,
активисти и поборници

воспитуваме генерација на девојки
кои имаат право на глас,

право да имаат еднаков третман дома,

на училиште,

на работно место.

Сега е време да ја бараме
оваа интимна правда

и во нивните лични животи.

Ви благодарам!

(Аплауз)