8-те тајни за успех на Ричард Ст.Џон

Зошто луѓето успеваат? Дали затоа што се умни? Или затоа што имаат среќа? Ниту едното ниту другото. Аналитичарот Ричард Ст.Џон сублимира години од интервјуа во 3-минутно слајд шоу за вистинските тајни на успехот, кое не смеете да го пропуштите.

Ова е двочасовна презентација која ја предавам на студентите,

скратена на три минути.

А се започна еден ден во авион, кога доаѓав на ТЕД,

пред седум години.

До мене седеше

една средношколка, тинејџерка,

која потекнуваше од сиромашно семејство.

Сакаше да направи нешто од својот живот.

И, ме праша едноставно кратко прашање.

Рече, "Што води до успех?"

И јас се почувствував навистина грозно,

бидејќи неможев да и дадам добар одговор.

Така, се симнав од авионот и дојдов на ТЕД.

И ми текна. Боже, па јас сум во сала полна со успешни луѓе!

Тогаш зошто да не ги прашам што им помогна да успеат

и потоа тоа да им го пренесам на децата.

Па еве сме тука, после 7 години и после 500 интервјуа,

да ви кажам што навистина води до успех

и ги прави ТЕД-овци посебни.

Првото нешто е страста.

Фриман Томас вели "Ме движи мојата страст."

ТЕД-овците го прават тоа од љубов, не за пари.

Карол Колета вели "Би платил некому за да го правам ова што го правам."

Она што е интересно е дека,

ако го правите од љубов, парите сами си доаѓаат.

Работа! Руперт Мурдок ми рече "Се е во напорната работа.

Ништо нема со лесно. Но јас притоа многу се забавувам."

Дали рече забава? Руперт? Да!

ТЕД-овци се забавуваат додека работат. А работат напорно.

Сфатив дека не се работо-холичари. Тие се работо-уживачи.

Добро! Алекс Гaрден вели "За да бидеш успешен, бутни го носот во нешто

и биди ѓаволски добар во тоа."

Нема магија, се е работа, работа, работа.

И фокус. Норман Џуисон ми рече,

"Мислам дека се е во фокусирањето на едно нешто."

И туркање. Дејвид Гало вели "Туркајте се себеси.

Физички, ментално, треба да се турка, турка, турка."

Треба да се турка низ преку срамежливоста и немањето самодоверба.

Голди Хоун вели, "Секогаш ми фалела самодоверба.

Не бев доволно добра, не бев доволно паметна.

Не мислев дека ќе успеам."

Но, не е секогаш лесно да се туркаш себеси,

и затоа ги измислиле мајките. (Смеа)

Френк Гери-- Френк Гери ми рече,

"Мајка ми ме туркаше."

Служење. Шервин Нуланд вели, "Беше привилегија да се служи како лекар."

Сега, многу деца ми велат дека сакаат да бидат милионери.

И првото нешто што им го кажувам е,

"Добро, но не можете да си служите себеси,

треба на другите да им пружите нешто што има вредост.

Бидејќи така луѓето навистина стануваат богати."

Идеи. ТЕД-овецот Бил Гејтс вели, "Имав идеја --

да ја формирам првата компјутерска софтверска компанија."

Би рекол дека тоа било навистина добра идеја.

А нема некоја магија за тоа како да се добиваат идеи,

треба само да се прават некои едноставни работи.

И давам многу примери за тоа.

Истрај. Џо Краус вели,

"Истрајноста е причина број еден за нашиот успех."

Мора да издржите низ неуспеси. Мора да издржите многу глупости.

Што опфаќа "Критизирања, Отфрлања, Глупаци и Притисоци"

(Смеа)

Значи, вистинскиот -- одговорот на ова прашање е едноставен:

Плати 4000 долари и дојди на ТЕД.

Или ако тоа не ви успее, правете ги осумте работи -- и верувајте ми,

тоа се големите осум работи кои водат до успех.

Ви благодарам ТЕД-овци за сите ваши интервјуа!