நான் நானாக இருக்க எனக்கு ஆடிஸம் எப்படி சுதந்திரமளித்தது

விளக்கம்
(AUTISM)ஆடிஸமுள்ள , துணிவும் துடிப்பும் கொண்ட 16 வயதான ரோஸி கிங்க் கூறுகிறாள்: " வகைகளில் பல இருப்பது மக்களுக்கு மிகுந்த பயமளிப்பதால் அவர்கள் எல்லாவற்றையும் ஒரு சிறிய பெட்டியில் போட்டுக் குறியிட முயலுகிறார்கள்". அவள் கேட்கிறாள்:ஏன் எல்லோரும் இயல்பாக இருக்க வேண்டுமென்று அவ்வளவு கவலைப் படுகிறார்கள்? ஒவ்வொரு குழந்தைக்கும் , பெற்றோர்களுக்கும் , ஆசிரியருக்கும் , மற்றவர்களுக்கும் தனித்துவத்தைக் கொண்டாட அறைகூவல் விடுக்கிறாள்.மனிதனின் பல்வகைத் திறைமைகளுக்கு ஒரு சக்தி வாய்ந்த பிரகடனம்.

நான் பலரிடம் இதைச் சொன்னதில்லை,

ஆனால் என் தலைக்குள்

ஆயிரக் கணக்கான உலகங்கள்

அனைத்தும் ஒரே நேரத்தில் ஓடுகின்றன.

எனக்கு "ஆடிஸம்" இருக்கிறது.

எல்லா ஆடிஸத்தையும்

மக்கள் ஒரே மாதிரி விவரிக்கிறார்கள்.

ஆனால் உண்மையில் அவை பலதரப்பட்டவை.

உதாரணத்திற்கு என் தம்பி இருக்கிறான்,

அவனுக்கு கடுமையான ஆடிஸம்.

அவனால் பேசக்கூட முடியாது.

ஆனால் எனக்கு பேசுவது பிடிக்கும்.

மக்கள் அடிக்கடி ஆடிஸத்தை , கணக்கு மற்றும்

விஞ்ஞானத்தோடு மட்டும் இணைக்கிறார்கள்.

ஆனால் நானறிந்த பல ஆடிஸம் நபர்கள்

ஆக்கபூர்வமாக இருக்கிறார்கள்.

ஆனால் அதுவும் ஒரு வகை தான்

ஒரே மாதிரி இருக்கும் விஷயங்கள்

சில நேரங்களில் தவறாகவும் இருக்கலாம்.

உதாரணத்திற்கு பலர் ஆடிஸம் என்றவுடன்

"ரெய்ன் மேன்" பற்றி நினைக்கிறார்கள்.

ஒரு பொதுவான எண்ணம் நிலவுகிறது,

எல்லா ஆடிஸம் நபரும் டஸ்டின் ஹாஃப்மேன் என்று.

அது உண்மையில்லை.

இது ஆடிஸம் பற்றி மட்டுமல்ல

LGBTQ மக்கள் பற்றியும் இப்படித் தான்,

பெண்கள் , POC மக்கள் பற்றியும் இப்படியே.

இயல்பிலிருந்து மாறுபட்டால் மக்களுக்கு பயம்

எல்லாவற்றிற்கும் ஒரு சிறிய பெட்டி

குறிப்பிட்ட தலைப்புகளுடன் அடைக்கிறார்கள்.

இது நிஜமாக

என் வாழ்க்கையில் நடந்த சம்பவம்.

ஆடிஸம் நபர்கள் யாரென்று கூகுள் செய்தேன்

உடனே தேர்ந்தெடுக்க ஒரு பட்டியல்

ஆலோசனைகள் வந்தன.

கூகுள் செய்தேன் "ஆடிஸம் நபர்கள் ..."

முதலில் வந்தது "அரக்கர்கள்."

ஆடிஸம் பற்றி நினைக்கும்போது

மக்கள் முதலில் நினைப்பது அது தான்.

அவர்களுக்குத் தெரியும்.

(சிரிப்பு)

என்னால் செய்ய முடிந்த ஒன்று-

அது உண்மையில் என் ஊனமல்ல, திறமை-

சிறந்த உயிர்ப்புள்ள கற்பனைகள்.

சற்று உங்களுக்கு விளக்குகிறேன்.

அதாவது நான் பெரும்பாலும் இரண்டு உலகங்களில் நடப்பதுபோல.

நம் எல்லோருக்கும் தெரிந்த உலகம் ஒன்று,

மற்றொன்று என் மனதில் உள்ள உலகம்,

உண்மை உலகத்தை விட,

அனேகமாக என் மன உலகமே எனக்கு நிஜம்.

என் மனதை கட்டவிழத்து விடுவது எனக்கு சுலபம்.

ஏனெனில் அதைப் போட சிறிய பெட்டி வேண்டாம்.

ஆடிஸம் நபராய் இருப்பதின் தனிச் சிறப்பு

உங்களுக்கு அந்த உந்துதல் இல்லை.

என்ன செய்ய வேண்டுமென்று நினைக்கிறீர்கள்,

அதற்கு வழி தேடி அதைச் செய்கிறீர்கள்

என்னை ஒரு பெட்டிக்குள் அடக்க முயன்றால்,

நான் இங்கு இருந்திருக்க மாட்டேன்; என்னுடைய

சாதனைகளில் பாதி இருந்திருக்காது.

பிரச்சினைகள் இல்லாமலில்லை,

ஆடிஸம் ஒரு பிரச்சினைதான்,

அதிகமான கற்பனைகளும் பிரச்சினை தான்,

பொதுவாக பள்ளி ஒரு பிரச்சினையாக இருக்கும்,

நான் என் ஆசிரியரிடம் விளக்க வேண்டும்

ஒவ்வொரு நாளும்

உங்களுடைய பாடம் ரொம்ப சோர்வு தருகிறது

அதனால் நான் ரகசியமாக சரணடைகிறேன்

உங்கள் பாடமில்லாத என் மன உலகில் என்று

பிரச்சினைப் பட்டியலில் மேலும் ஒன்றாக சேருகிறது.

(சிரிப்பு)

என் கற்பனை என்னை ஆட்கொள்ளும்போது

என் உடல் வேறொரு வாழ்க்கையை எடுக்கிறது.

என் உள் உலகம் மிக சுவாரசியமாக ஆகும்போது,

நான் ஓடிப் போயே ஆக வேண்டும்

முன்னும் பின்னும் ஆட வேண்டும்

சில சமயம் கூக்குரலிட வெண்டும்.

அது எனக்கு அவ்வளவு சக்தி தருகிறது

என் சக்திக்கெல்லாம் ஒரு வடிகால் வேண்டுமே.

குழந்தைக் காலம் முதல் இதைச் செய்கிறேன்.

சின்னஞ்சிறு சிறுமியாக இருந்த போதும்,

என் பெற்றோர்கள் இதை அழகென்று நினைத்தார்கள்

ஆனால் நான் பள்ளிக்குச் சென்றபோது,

அவர்கள் அதை ஏற்றுக் கொள்ளவில்லை.

ஒரு வேளை மக்களுக்கு அல்ஜிப்ரா பாடத்தின் போது கத்தும் பெண்ணுடன்

நண்பர்களாக இருக்க பிடிக்கவில்லை போலும்.

ஆனால் இப்பொழுது அது அவ்வளவாக நடப்பதில்லை

மக்களுக்கு ஆடிஸம் பெண்ணைப்

பிடிக்காமலிருக்கலாம் .

தங்களிடமிருந்து வேறுபட்டவர்களை

இயல்பாக இல்லாதவர்களை

என்னை அது பாதிக்கவில்லை, ஏனெனில்

அது கோதுமையை பதரிலிருந்து நீக்குகிறது

நல்லவர்களை என்னால் அறிய முடிகிறது

அவர்களை என் நண்பர்களாக்கிக் கொள்ளலாம்

சிந்தியுங்கள்! எது இயல்பானது?

அதன் பொருள் என்ன?

உங்களுக்கு கிடைக்கும் சிறந்த பாராட்டு

"வாவ், நீ உண்மையாகவே இயல்பாக இருக்கிறாய்."

(சிரிப்பு)

பாராட்டு எப்படி இருக்க வேண்டும்,

"நீ அசாதாரணமானவன்" அல்லது

"நீ புதியதாக சிந்திக்கிறாய்"

"நீ ஆச்சரியப்படுத்துகிறாய்"

மக்கள் உண்மையிலேயே இதை விரும்பினால்

ஏன் இயல்பாக இருக்க விரும்புகிறார்கள் ?

தம் தனி ஒளியை ஏன் அச்சில் ஊற்றுகிறார்கள்?

வகைகள் இருப்பதை ஒத்துக் கொள்ள முடியவில்லை

இயல்பாக இருக்க கட்டாயப்படுத்துகிறார்கள்

LGBTQ / ஆடிஸம் மக்களுக்கு தனி முகாம்

இப்படி அவர்களை இயல்பாக்க முயலுகிறார்கள்

இந்த யுகத்தில் இப்படியா? பயமாக இருக்கிறது

என் ஆடிஸமும் கற்பனையும் விலை மதிப்பற்றது

எனக்கு ஆடிஸம் இருப்பதால் , பீ பீ ஸீ க்கு

டாகுமென்டரிகள் செய்து கொடுத்திருக்கிறேன்

ஒரு புத்தகம் எழுதிக் கொண்டிருக்கிறேன்

நான் - இதைச் செய்வது அற்புதமல்லவா-

நான் சாதித்தவைகளில் சிறந்தது

அப்படி நான் நினைக்கிறேன் -

தொடர்பு கொள்ள வழி கண்டு பிடித்தது

என் சின்னத் தம்பியோடும் தங்கையோடும்

அவர்களால் பேச முடியாது - முன்பே சொன்னேனே

பேச முடியாதவர்களை மக்கள் ஒதுக்குகிறார்கள்

மிக மோசம் . என் தம்பியும் தங்ககையும்

எனக்கு கிடைத்த சிறந்த உடன் பிறப்புகள்

அவர்களை நான் மிகவும் நேசிக்கிறேன்

வேறு எதையும் விட அவர்கள் எனக்கு முக்கியம்

கடைசியாக உங்களிடம் ஒரு கேள்வி

ஒருவர் மனது புரியாவிட்டால் அவர்களுக்கு

ஆடிஸம் இருந்தாலும் இல்லையானாலும்

இயல்பிலிருந்து மாறுபட்டதை தண்டிக்காமல்

அதன் சிறப்பை ஏன் கொண்டாடக் கூடாது?

அவர் கற்பனைகளை ஏன் பாராட்டக் கூடாது?

நன்றி.

(கை தட்டல்)