-
Ուրեմն, ես ծնվել, մեծացել եմ
էս մարզում՝ Արագածոտնում,
-
Թալին, գյուղ՝ Կաթնաղբյուր:
-
(Ծափահարություններ)
-
Երբ դպրոցական էի,
-
իմ դասարանցիների համեմատ
միշտ ավելի բարձրահասակ էի:
-
Հիմա ցույց կտամ, կհասկանաք:
-
Ըըը-----Ը--Ը
-
Մեր դպրոցում ֆիզկուլտուրայի դասերին
տարբեր մրցույթներ էին կազմակերպվում:
-
Դրանցից մեկը մեխվել է հիշողությանս մեջ:
-
Մի կարմիր գիծ հատակին
և մի ամուր պարան՝
-
այն ամենը ինչ պետք էր այս մրցույթը
կազմակերպելու համար:
-
Երկու մրցակիցները, կարմիր գծի
տարբեր կողմերում,
-
պարանի ծայրեյրից բռնած, սպասում էին
մինչև հնչում էր սուլիչի ձայնը
-
և ամբողջ ուժով ձգում էին պարանը,
-
մինչև համեմատաբար թույլ մասնակիցը
անցնում էր կարմիր գիծն այն կողմ:
-
Մրցույթը կազմակերպվում էր խմբերով՝
աղջիկների և տղաների համար:
-
Սկզբում մրցում էին աղջիկները,
հետո՝ տղաները:
-
Չգիտեմ, թե սա պատրիարխալ մշակույթի
դրսևորում էր, կամ սպորտային կանոն էր:
-
Հավանաբար սպորտային կանոն էր:
-
Աղջիկների հետ մրցելիս
ես բոլորին հաղթեցի:
-
Դե հիշում եք. Ըըը... ը...........ը
-
Տղաների մրցությից
հաղթած դուրս եկավ Եղիշը:
-
Եղիշը մեր տղաների խմբում
նույն ձևով՝ ԸԸԸ----ը:
-
Հետո նկատեցի ֆիզկուլտուրայի ուսուցչի
բազմանշանակ հայացքը՝ ուղղված ինձ:
-
Միանգամից հասկացա, թե ինչ էր ուզածը:
-
Ուզում էր, որ ես տղաների հետ մրցեմ:
-
Ես մրցեցի տղաների հետ՝ խախտելով
էն սպորտային կանոնը:
-
Էս՝ Արարատը,
-
էս՝ Արմենը...
-
Ես հաղթում էի նրանց, հասկանում եք , չէ՞:
-
Տղաները մեր դասարանում
շատ չէին՝ Վահանը, Դավիթը, Սամվելը:
-
Ու ես կամաց-կամաց սկսեցի կարմրել:
-
Այ, Եղիշի հետ մրցման ժամանակ,
ես ամբողջ ուժով չձգեցի պարանը,
-
ինքս անցա կամիր գիծն այն կողմ:
-
Ինչու հանկարծ կարմրեցի և ամբողջ ուժով
չձգեցի պարանը Եղիշի հետ մրցելիս:
-
Որովհետև հանկարծ սթափվեցի
և հասկացա, որ եթե այսպես շարունակեմ
-
(դուք հասկանում եք,
ես բավական հեռու էի գնացել),
-
բայց եթե այսպես շարունակեմ,
ընդհանրապես չեմ համապատասխանի
-
գեղեցիկ, քնքուշ, նուրբ կնոջ կերպարին:
-
Ես այդ ժամանակ շատ փոքր էի,
ընդամենը 10-11 տարեկան:
-
Բայց շրջապատն ինձ արդեն սովորեցրել էր
հաշվի նստել կարծրատիպերի հետ:
-
Եվ ես չհամաձակվեցի հակառակվել
շատ հայտնի կարծրատիպին,
-
որ տղամարդիկ ուժեղ են,
իսկ կանայք՝ թույլ էակներ:
-
Ամաչեցի ինձ տրված ֆիզիկական ուժից
և հարմարվեցի հանրային սպասելիքներին:
-
Այսքան երկար պատմությունս պատմեցի,
որպեսզի խոսքս հանգեցնեմ
-
հենց կարծրատիպերին
և հանրային սպասելիքներին:
-
Ի՞նչ են դրանք:
-
Ինչպե՞ս են դրանք անդրադառնում
մեր քայլերի, գործողությունների,
-
վարքագծի և որպես նաև դրա հետևանք՝
կյանքի որակի վրա:
-
Կարծրատիպերը հասարակության կողմից
ձևավորված
-
պայմանական հասկացություններ են,
-
տարբեր իրավիճակների համար
պատրաստի ելքեր ու պատասխաններ:
-
Հավանաբար դրանք ձևավորման փուլում
ունեցել են իրենց օբյեկտիվ պատճառները
-
և համապատասխանել ժամանակի պահանջներին:
-
Սակայն ժամանակի հետ, երբ փոխվել են
կյանքի պահանջները,
-
միանգամայն օրինաչափ է նաև, որ սրանք
կարող են հնացած լինել,
-
լինել ժամանակավրեպ և ուղղակի
մեզ վնաս հասցնել:
-
Հիմա մի օրինակ բերեմ:
-
Հնում, երբ տղամարդու ուսերին էր դրված
-
ընտանքին կերակրելու
և նրա անվտանգության հարցերը,
-
իսկ այս ամենն ապահովելու համար
-
տղամարդն ուղղակի ծանր ֆիզիկական
աշխատանքի հետ էր առնչվում,
-
մեկնում էր ռազմաճակատ,
եզը լծած՝ ցորենի դաշտ մշակում,
-
միանգամայն օրինաչափ էր
և տրամաբանական էր,
-
որ նա ազատված էր կենցաղային գործերից
կամ երեխաների խնամքից:
-
Այսօր, երբ տղամարդկանց զգալի մասը,
չասեմ բոլորը, բայց զգալի մասը,
-
հազվադեպ կամ գրեթե չեն առնչվում
ֆիզիկական աշխատանքի հետ,
-
շարունակում են մտածել
այդ կարծրատիպով
-
որ կենցաղային գործերը կամ
երեխաների խնամքը իրենց համար չեն:
-
Դրանք բացառապես
կնոջ պարտականություններ են:
-
Քիչ չեն նաև այնպիսի դեպքերը,
երբ ընտանիքում աշխատում է կինը,
-
հոգում ընտանիքի նյութական ծախսերը,
բայց միևնույնն է,
-
կենցաղային գործերի կամ երեխաների
խնամքի հարցում նրան ոչ ոք չի օգնում:
-
Նա միայնակ է այդ գործերում:
-
Ես մասնագիտությամբ ֆոտոժուռնալիստ եմ:
-
Չեմ մանրամասնի մասնագիտությանս
առանձնահատկությունները,
-
սակայն մի բան, որ հաճախ
ինձ հետ պատահում է.
-
Ես, ուսապարկս ուսերիս, ավտոբուսով,
երթուղայինով, տաքսիով, քայլելով,
-
քարտեզի օգնությամբ,
մարդկանց հարցուփորձ անելով
-
գնում և գտնում եմ իմ նյութի հերոսներին:
-
Անհավանական է,
-
սակայն իմ պարզ ուսապարկը
ունի հրաշագործ հատկություն:
-
Այն ինձ միանգամից երիտասարդացնում է
10-15 տարով:
-
Ես կարծում եմ, որ տարիքիս համեմատ
շատ երիտասարդ չեմ երևում:
-
Հակառակը, երևում եմ , որքան եմ:
-
Բայց միայն այն պատճառով,
որ ունեմ ուսապարկ,
-
և ֆոտոժուռնալիստ եմ, պետք է
որ բավականաչափ երիտասարդ լինեմ:
-
Իսկ որ այդ ուսապարով աղջիկը
կարող է ամուսանացած լինել
-
և հետն էլ ունենալ երեխա,
-
ուղղակի ֆանտաստիկայի ժանրից է հնչում:
-
Դրանից հետո առաջին հարցը, որ ծագում է
այն է, թե բա ինչու եք եկել հասել այստեղ:
-
Եվ մինչև աշխատանքիս անցնելը ես պիտի
հերոսներիս հետ աշխատանք տանեմ,
-
որ իմ տանը ամեն ինչ կարգին է,
-
սառնարանում ճաշ կա,
երեխաս մանկապարտեզում չի մնա,
-
որ ես լավ տնտեսուհի եմ,
լավ կին, լավ մայր:
-
Հասարակությունը կանանցից շատ
կոնկրետ սպասելիքներ ունի:
-
Եվ կանանց համար դժվար է լինում կյանքի
ինչ–որ փուլում չզիջելը:
-
Ընդունված է անպայման հակադրել
-
կանանց դեպքում աշխատանքն
ու ընտանիքը:
-
Բարեբախտաբար բազմաթիվ են
այնպիսի դեպքերը, երբ կանայք չեն զիջում:
-
Չեն զիջում կյանքի որևէ փուլում
և դա նրանց ոչնչով չի վնասում:
-
Ճիշտ հակառակը, այսպիսի կանայք
ունենում են ամեն ինչ՝
-
լավ աշխատանք, ընտանիք, երեխաներ
և բազմաթիվ այլ հնարավորություններ:
-
Նորից աշխատանքի բերումով շատ հաճախ
առնչվում եմ կանանց հետ
-
և լսում եմ իրենց պատմությունները, որը
իմ աշխատանքի ամենասիրած մասն է:
-
Մի ընդհանրություն, որ նկատել եմ,
-
այն է, որ կանայք իրենց կյանքի
հիմնական հարցերի դեպքում
-
որոշումը զիջում են ուրիշներին:
-
Իրենք չեն կայացնում որոշում:
-
Զիջում են հորը, մորը, ընտանիքի
մյուս անդամներին, ամուսնուն,
-
ամուսնու ծնողներին:
-
Եվ գիտեք, ես ինչ որ ասում եմ,
-
անկարևոր, երկրորդական հարցերի
մասին չեմ խոսում:
-
Ճիշտ հակառակը:
-
Կրթություն,
մասնագիտության ընտրություն,
-
ամուսնություն Պողոսի թե Պետրոսի հետ,
-
երեխաների թիվ, երեխաների սեռ,
առողջությանը վերաբերող հարցեր:
-
Այսպիսի կարևոր, առանցքային
հարցերի դեպքում
-
կանայք որոշումը զիջում են ուրիշներին:
-
Եվ այն հարցին, թե իսկ ինչու՞ չարեցիր
այնպես, ինչպես դու էիր ուզում,
-
ինչու՞ չպնդեցիր քո որոշումը,
-
կանանց մեծ մասը՝
գրեթե տասից տասը պատասխանում է.
-
«Իսկ ո՞վ էր ինձ հարցնում»:
-
Պատկերացնում եք, նա ուներ որոշումը,
-
սակայն միայն այն պատճառով որ իրեն
չեն հարցրել, նա զիջում է,
-
որովհետև պետք է առաջնորդվենք,
-
իրականում պետք չէ,
բայց առաջնորդվում ենք,
-
«Կին ես, պետք է համեստ և հնազանդ
լինես» կարծրատիպով:
-
Սոցիալական պարտադրանքները
-
արվում են տարբեր
ինստիտուտների միջոցով:
-
Այսօր ես կանդրադառնամ դրանցից
երկուսին՝ համայնք և մեդիա:
-
Եվ իմիջիայլոց, այս երկու ինստիտուտները
շատ կտրուկ միմյանցից տարբերվում են:
-
Համայնքի սպասելիքները կանացից
մոտավորապես այսպիսինն են,
-
որ կինը կրթություն պետք է ստանա
սահմանափակ մասնագիտությունների մեջ,
-
ժամանակին ամուսնանա,
երեխաներ ունենա, մեծացնի նրանց
-
և եթե ընտանիքի անդորրը չխաթարող
մի մասնագիտություն էլ
-
հնարավոր լինի համատեղել, դա կլինի
ուղղակի սպասելիքների գերազանցում:
-
Մեդիա սպասելիքները կանանց
դեռ մանկուց սովորեցնում են ունենալ
-
էկրանային գեղեցկություն՝ երկար ոտքեր,
բարակ մեջք, փարթամ կուրծք,
-
գծած շուրթեր, գծած հոնքեր,
-
երկար թարթիչներ,
խնամված երկար մազեր,
-
երկար խնամված եղունգներ,
երկարն էստեղ շատ կարևոր է,
-
ընդգծող հագուստ
և բարձրակրունկ կոշիկներ:
-
Այնքան բարձր, որ քայլել հնարավոր չլինի:
-
Ուրիշ խոսքով ասած, կին
ում միակ նպատակը
-
տղամարդկանց համար ցանկալի լինելն է:
-
Այս կարծրատիպի զոհ են դառնում
տարբեր տարիքի
-
և իմիջիայլոց տարբեր
կրթվածության աստիճանի կանայք:
-
Նրանք իրենց հիմնական ժամանակը
և հսկայական գումար
-
վատնում են գեղեցկության սրահներում
և պլաստիկ վիրահատության նպատակով,
-
որպեսզի համապատասխանեն
սահմանված չափանիշներին:
-
Այս կարծրատիպի զոհ դառնում են
-
իսկապես տարբեր
սոցիալական շերտերի կանայք:
-
Եվ իմիջիայլոց այս կանաց կսիրեն,
նրանց հետ կամուսնանան,
-
երեխաներ կունենան,
կհարգեն որպես երեխաների մոր,
-
թանկ նվերներ կնվիրեն,
-
ավտոմեքենա՝ խնդրեմ, դրամ՝ որքան ուզես,
-
ուզում ես աշխատել,
ուզում ես տնից դուրս գալ,
-
քո համար գործ կդնեմ,
-
դու միայն մի մտածիր
և որոշումներ մի կայացրու:
-
Դու սահմանափակվիր ցանկություններով,
իսկ որոշումը կլինի իմը:
-
Սիրելի կանայք և աղջիկներ,
որոշումն ամենակարևորն է:
-
Եկեք զիջենք ամեն ինչ՝ մեզ պահելով
սեփական գիտակցված որոշումը:
-
Հասարակությունը մեզ կզրկի երազելու
և որոշում կայացնելու կարողությունից
-
և դա այն պատճառով, որ մենք
ակնկալել ենք նրանից կարծիք:
-
Եկեք զիջենք նյութական բոլոր բաները՝
-
օծանելիք, ավտոմեքենա, դրամ,
կոշիկ, ադամանդ, մուշտակ,
-
զիջենք այս բոլոր բաները՝
մեզ պահելով ամենակարևորը՝
-
սեփական գիտակցված որոշումը:
-
(Ծափահարություններ)