Для большай талерантнасці нам трэба больш.. турызму?

Азіз Абу Сара -- палестынскі актывіст з незвычайным падыходам да міратворчасці: Будзьце турыстамі. Гэты TED Fellow паказвае, як простыя зносіны з людзьмі розных культур могуць перакрэсліць дзесяцігоддзі нянавісці. Ён пачынае з гісторыі пра палестныцаў, што наведваюць ізраільцян і рухаецца далей ...

Я прадпрымальнік у сферы турызму
і міратворац,

але гэта не тое, з чаго я пачынаў.

Калі мне было сем гадоў, я памятаю,
як глядзеў тэлевізар

і бачыў людзей, якія кідаюць камяні.

Я думаў, што гэта павінна быць весела.

Таму я выйшаў на вуліцу і кідаў камяні,

не ўсведамляючы, што павінен быў кідаць
камяні ў ізраільскія машыны.

Замест гэтага, я кідаў камяні
ў машыны суседзяў. (Смех)

Яны не былі ў захапленні
ад майго патрыятызму.

Гэта фотаздымак з маім братам.

Гэта я, паменш, і я ведаю,
што вы падумалі:

"Ты быў такім мілым,

што, каб іх чорт узяў,
з табой адбылося?"

Але мой старэйшы брат

быў арыштаваны, калі яму было 18,

ён сеў у турму з-за кідання камянёў.

Яго збілі, калі ён адмовіўся
прызнацца ў гэтым

але ў выніку,
маючы ўнутраныя пашкоджанні,

ён памёр неўзабаве пасля таго
як выйшаў з турмы.

Я быў злы, мне было балюча,

і я жадаў помсты.

Але ўсё змянілася, калі мне было 18 гадоў.

я зразумеў, што мне патрэбен іўрыт,
каб атрымаць працу,

і я пачаў вывучаць іўрыт у класе,

у якім упершыню сустрэў габрэяў,
якія не былі салдатамі.

І нас згуртавалі такія рэчы, як, напрыклад,
мая любоў да музыкі кантры,

што вельмі дзіўна для палестынцаў.

Але я таксама зразумеў,
што паміж намі сцяна зла,

нянавісці і невуцтва,
якая падзяляе нас.

Я вырашыў, што ўсё роўна,
што адбываецца са мной.

Важна тое, як я зладжуся з гэтым чыннікам.

Таму, я вырашыў прысвяціць сваё жыццё

разбурэнню сцен, якія падзяляюць людзей.

Я раблю гэта рознымі шляхамі.

Турызм - адзін з іх, а таксама
СМІ і адукацыя.

Вы, магчыма, здзівіцеся:
як турызм можа змяніць нешта?

Ці можа ён разбурыць сцены?
Так.

Турызм -- гэта найлепшы ўстойлівы шлях
для таго, каб разбурыць гэтыя сцены

і стварыць устойлівыя сувязі
людзей для зносін адзін з адным

і наладзіць сяброўства.

У 2009 годзе я заснаваў Mejdi Tours,

сацыяльны бізнэс, мэтай якога
з'яўляецца згуртаванне людзей.

Заснаваў з двума сябрамі габрэямі,
між іншым.

І вось што мы робім.

Напрыклад, у Іерусаліме мы арганізавалі
экскурсію з двума гідамі,

адзін з іх ізраільцянін,
другі -- палестынец,

яны разам праводзілі экскурсію,

распавядаючы пра гісторыю,
археалогію і канфлікты

з дзвюх абсалютна розных пазіцый.

Я памятаю неяк я праводзіў экскурсію
са сваім сябрам Кобі

для габрэйскай абшчыны з Чыкага.
Экскурсія была ў Іерусаліме,

і мы адвезлі іх у Палестынскі лагер
для ўцекачоў

і там была неверагодна смачная ежа.

Дарэчы гэта мая мама. Яна класная.

А гэта палестынская ежа, якая
завецца "малікба",

што азначае "пярэкрут".

Яна робіцца з рысу і курыцы,
а потым пераварочваецца дагары нагамі.

Гэта самая смачная страва.

І гэта ядуць разам.

А потым мы ўладкавалі зборны аркестр
з ізраільскімі і палестынскімі музыкамі.

і ў нас былі ўсходнія танцы.

Калі вы ніколі не спрабавалі,
я навучу вас пазней.

А калі мы сыходзілі,

усе плакалі, бо не жадалі сыходзіць.

Прайшло тры гады, а нашы адносіны
дагэтуль існуюць.

Уявіце, калі адзін мільярд людзей

будзе падарожнічаць, як мы штогод,

не седзячы ў аўтобусе,

не пераязджаючы з аднаго гатэля ў іншы,

не фатаграфуючы з вокнаў сваіх аўтобусаў
людзей і помнікі,

а проста маючы зносіны з людзьмі.

Я памятаю, у нас была група мусульман
з Вялікабрытаніі,

якія пайшлі ў артадаксальную
габрэйскую сям'ю,

дзе ўпершыню паспрабавалі
пятніцкую вячэру, гэта значыць Шабат,

елі разам хамін, традыцыйную страву,
кшатлту рагу,

а пасля кароткага часу даведаліся,

што іх сем'і больш за 100 гадоў таму

жылі ў адной мясцовасці ў Паўночнай Афрыцы.

Гэта не профіль да вашай
старонкі на Фэйсбуку.

Гэта не турызм па месцах катастроф.

Гэта будучыня вандраванняў.

І я запрашаю далучыцца да мяне,

каб змяніць звыклыя для вас вандраванні.

І мы робім гэта цяпер па ўсім свеце,

ад Ірландыі да Ірана да Турцыі,

і мы будзем працаваць усюды, для таго,
каб змяніць свет да лепшага.

Дзякуй.

(Воплескі)