Դևիդ Պոգ` 10 լավագույն ժամանակ խնայող տեխնիկական հնարքները

Տեխնոլոգիաների թեմայով սյունակ վարող Դևիդ Պոգը կիսվում է 10 պարզ համակարգչային, ինտերնետային, սմարթֆոնների և ֆոտոխցիկների վերաբերող հնարքներով: Այո, սրանցից մի մասը կարող է իմանաք, սակայն հաստատ որևէ մեկը կլինի որ չէիք իմանում:

Ես մի հետաքրքիր բան եմ նկատել հասարակության և մշակույթի հետ կապված:

Ռիսկային ամեն ինչ պահանջում է արտոնագիր ունենալ`

ինչպես օրինակ մեքենա վարելը, զենք ունենալը, ամուսնանալը...

(Ծիծաղ)

Դա ճշմարիտ է ռիսկային ամեն ինչի համար, բացի տեխնոլոգիաներից:

Ինչ-ինչ պատճառով, ոչ մի ստանդարտ ուսումնական պլան չկա,

ոչ մի հիմնային դասընթաց:

Դու ուղղակի ստանում ես քո համակարգիչը

ու կարծես «վտարվում քո բնից»:

Հիմա ինչպե՞ս պիտի սովորես այս ամենը:

Քաոսային մի բան կա այստեղ: Ոչ մեկ չի նստում

ու քեզ ասում, թե «Ահա թե ինչպես է այս ամենն աշխատում»:

Այսօր ես ձեզ կպատմեմ 10 բան,

որ դուք կարծում էիք, թե բոլորը գիտեն, սակայն պարզվում է, որ չգիտեն:

Այսպես, առաջին հերթին, երբ ինտերնետում ես,

և պետք է թերթես էջը դեպի ցած, մի վերցրու մկնիկը և

սեղմիր էջի թերթող սողնակը: Դա ժամանակի մեծ ծախս է:

Միայն այդպես վարվեք, եթե ժամավճարով եք աշխատում:

Փոխարենը սեղմեք «բացատ» (Space) ստեղնը:

«Բացատը» իջեցնում է էջը:

Սեղմեք "Shift" ստեղնը` վերև թերթելու համար:

Այսպիսով, բացատը օգնում է թերթել էջը դեպի սած:

Դա աշխատում է ցանկացած համակարգչի և բրաուզերի դեպքում:

Նաև, երբ ինտերնետում լրացնում եք վեբ-ձևեր, ինչպես օրինակ հասցեները,

ես ենթադրում եմ, որ դուք գիտեք, որ կարող եք Tab ստեղնը կիրառել,

դաշտից դաշտ անցնելու համար:

Իսկ երկրները ընտրելիս, ցուցակով մենյուների դեպքո՞ւմ ինչպես անել:

Մի բացեք մենյուն մկնիկի քլիքով: Դա կալորիաների ահավոր վատնում է:

Սեղմեք երկրի անվանման առաջին տառը, էլի ու էլի, մինչև հասնեք տեղ:

Այսպես, օրինակ եթե Կոնեկտիկուտ (Connecticut) նահանգն եք ընտրում, սեղմեք C, C, C:

Եթե Տեխասն (Texas) եք ուզում, սեղմեք T, T

և կհասնեք դրան առանց նույնիսկ մենյուն բացելու:

Կրկին վեբում, երբ տեքստը շատ մանր է,

կարելի է սեղմել Control (Ctrl) ստեղնը և անմիջապես պլյուս, պլյուս, պլյուս նշանը (+++),

Ամեն + սեղմման դեպքում տեքստը կմեծանա:

Դա աշխատում է ցանկացած համակարգչի ու վեբ բրաուզերի դեպքում.

կամ մինուս, մինուս, մինուս (- - -), տեքստը կրկին փոքրացնելու համար:

Եթե Mac համակագչի վրա եք աշխատում, Ctrl-ի փոխարեն Command ստեղնն է գործում:

Երբ տեքստը գրում եք Blackberry, Android, iPhone հեռախոսների վրա,

մի տանջվեք ստեղնաշարը փոխել կետադրական նշանների վրա,

բացատ սեղմելու և յուրաքանչյուր տառը մեծատառ սարքելու համար:

Ուղղակի երկու անգամ սեղմեք «բացատ» (Space bar) ստեղնը:

Հեռախոսը կդնի վերջակետ, բացատ և մեծատառը ձեր փոխարեն:

Սեղմեք` բացատ, բացատ... ուղղակի հիասքանչ է:

Նաև, եթե խոսում ենք բջջային հեռախոսներից. բոլոր հեռախոսներում,

եթե ցանկանում եք հետ զանգահարել այն համարին, որին նոր զանգել եք,

ուղղակի պիտի զանգի կոճակը կրկին սեղմեք,

և այն կբերի նախորդ հեռախոսահամարը զանգի դաշտում,

այդ ժամանակ կարող եք ուղղակի նորից սեղմել զանգի կոճակը և զանգահարել այդ համարին:

Այսպիսով պետք չէ գնալ վերջին զանգերի ցանկին,

ու եթե ուղղակի պիտի ինչ-որ մեկի զանգահարեք,

ուղղակի կրկին սեղմեք զանգի կոճակը:

Ահա մի բան որ ինձ խենթացնում է:

Երբ ես զանգահարում եմ մեկին ու հաղորդագրություն եմ թողնում ձայնային փոստում,

ես լսում եմ «Թողեք հաղորդագրություն»,

ապա մի 15 վայրկյան ինչ-որ անկապ հրահանգներ...

կարծես թե մի 45 տարի այդ ինքնապատասխանիչներից չենք ունեցել:

(Ծիծաղ)

Ոչ, ես դառնացած չեմ:

Պարզվում է, որ կա մի կարճ ստեղնային դյուրանցում

որը օգնում է միանգամից հասնել այս ազդանշանին:

Ինքնապատասխանիչ` այս ազդանժանով, խնդրեմ.. ԶՆԳ:

Դեվիդ Պոգ` ցավոք, ոչ բոլոր բջջային օպերատորներն են

միևնույն ստեղնը տրամադրել, այնպես որ այն տարբեր է օպերատորների մոտ,

այսինքն դա ձեր վրա է, որ սովորեք ճիշտ ստեղնը

այն մարդու համար, ում զանգում եք:

Դե, չէի ասել, որ անթերի է լինելու:

Այսպես, շատերը մտածում են Գուգլի մասին, որպես

մի գործիք, որ օգնում է գտնել վեբ կայք: Սակայն այն նաև բառարան է:

Հավաքեք "define" բառը և ապա այն բառը, որը ցանկանում եք բացատրություն ստանալ:

Ոչնչի վրա քլիք անելու կարիք էլ չկա:

Բացատրությունը գալիս է երբ տեքստը հավաքում եք:

Այն նաև ավիա թռիչքների տվյալների բազա է:

Հավաքեք ավիաընկերության անունը և թռիչքի համարը:

Այն ցույց կտա, թե որտեղ է թռիչքը, ելքը, տերմինալը,

որքան ժամանակ հետո է վայրէջք կատարում: Ոչ մի ծրագիր պետք չէ դրա համար:

Այն նույնիսկ միավորների և տարադրամների փոխարկիչ է:

Եվ նորից, կարիք չկա քլիք անելու փնտրման արդյունքների վրա:

Ուղղակի հավաքեք հարցումը դաշտում և պատասխանը կհայտնվի:

Քանի դեռ տեքստի մասին ենք խոսում,

երբ ցանկանում եք նշել...

սա ուղղակի օրինակ է: (Ծիծաղ)

Երբ ցանկանում եք ընդգծել մի բառ,

մի տանջվեք դրա վրայով մկնիկով նշում անել,

կարծես սկսնակ լինեք:

Ուղղակի կրկնակի հպում արեք: Տեսեք, ես կրկնակի հպում եմ անում:

Դա գեղեցիկ կերպով ընդգծում է միայն այդ բառը:

Նաև, մի ջնջեք բառը, որը նշել եք:

Կարող եք վրայից այլ տեքստ հավաքել: Սա ցանկացած ծրագրում գործում է:

Նաև կարող եք կրկնակի հպում անել, քաշել

ընդգծելու համար մեկ-բառանոց բաժիններով:

Շատ ավելի ճշգրիտ է: Կրկին, էլ մի փորձեք ջնջել:

Ուղղակի վրայից հավաքեք: (Ծիծաղ)

Ֆոտոբռնկման ուշացումը այն ժամանակն է, որն անցնում է ֆոտոխցիկի կոճակի սեղմումից

մինչ ֆոտոխցիկի նկարելը:

Դա շատ նյարդայնացնող բան է մինչև 1000 դոլար արժողության ցանկացած ֆոտոխցիկի դեպքում:

(Ֆոտոխցիկի չխկոց)

(Ծիծաղ)

Դա լինում է, քանի որ ֆոտոխցիկին ժամանակ է անհրաժեշտ,

որպեսզի հաշվարկի ֆոկուսը և էքսպոզիցիան,

սակայն, եթե ֆոկուսը նախապես բռնել կոճակի կիսա-սեղմումով,

և անմիջապես սեղմել` ուշացում չի լինի:

Ամեն անգամ այդպես է:

Հենց նոր ես ձեր $50-անոց ֆոտոխցիկը

վերածեցի $1000-ի, այս պարզ հնարքի միջոցով:

Եվ վերջապես, հաճախ պատահում է, որ դուք ելույթ եք ունենում,

և, ինչ-ինչ պատճառով լսարանը նայում է ձեր սլայդին,

ձեզ նայելու փոխարեն: (Ծիծաղ)

Երբ այդպես է լինում (սա աշխատում է և Keynote և Powerpoint ծրագրերում),

դուք միայն պետք է B ստեղնը սեղմեք,

B` սլայդը սևացնելու համար,

ստիպելով բոլորին ձեզ նայել, և երբ պատրաստ եք շարունակել`

կրկին սեղմում եք B: Եթե հավես ունեք, կարող եք W ստեղնը սեղմել,

սպիտակեցնելու համար: W` սպիտակեցնում է,

ապա նորից սեղմում եք W ու սլայդը վերադառնում է,

իր նախնական տեսքին:

Գիտեմ, որ շատ արագ ասեցի ամեն ինչ: Եթե ինչ-որ բան բաց թողեցիք,

ուրախ կլինեմ ուղարկել այս հնարքների ցանկը:

Միևնույն ժամանակ, շնորհավորում եմ ձեզ:

Դուք բոլորդ ստանում եք Կալիֆորնիայի տեխնոլոգիական արտոնագիր:

Հաճելի օր եմ մաղթում:

(Ծափահարություններ)