Џена МекКарти: Што не знаете за бракот

Во овој забавен, неформален говор од TEDx, писателката Џена МекКарти споделува едно изненадувачко истражување за тоа како браковите (особено оние среќните бракови) навистина функционираат. Една забелешка: Немојте да се обидувате да го освоите Оскарот за најдобра актерка.

Секоја година само во Америка,

2,077,000 парови

донесуваат легална и духовна одлука

да го поминат остатокот од животот заедно...

(смеење)

без да имаат секс со било кој друг,

некогаш.

Тој купува прстен, таа купува фустан.

Тие одат да купуваат

најразлични работи.

Таа го носи кај Артур Мареј

на часови за балско танцување.

И големиот ден доаѓа.

И тие ќе застанат пред Господ и фамилијата

и некое момче со кое нејзиниот татко порано работел,

и тие ќе си ветат дека ништо,

ниту потполната сиромаштија,

ниту животно опасните болести,

ниту комплетната и крајна мизерија

никогаш нема ни малку да ја намали

нивната вечна љубов и приврзаност.

(смеење)

Овие оптимистични млади будали

ветуваат дека ќе се почитуваат и ценат меѓусебно

и во зло

и во животните кризи

и при накачени 20 кг вишок,

сè до оној далечен ден

кога еден од нив конечно ќе може

да почива во мир.

Знаете, бидејќи тогаш нема веќе да го слуша 'рчењето на другиот.

И тогаш тие ужасно ќе се опијанат

и ќе си фрлат парче од тортата в лице и ќе играат „Макарена“,

а ние ќе бидеме таму

да ги опсипеме со салфетки и здравици

да ги испиеме нивните бесплатни пијачки

и да фрламе жито над нив

секој пат,

и покрај тоа што знаеме дека,

статистички,

половина од нив ќе се разведат во рок од десетина години.

(смеење)

Секако, другата половина ќе остане, нели?

Тие постојано ќе ја забораваат годишнината

и ќе се расправаат за тоа каде да одат за празниците

и ќе дебатираат на која страна

тоалетната хартија

треба да се одмотува.

А некои од нив

и покрај тоа, ќе уживаат во живеењето заедно

дури и кога ниту еден од нив нема да може да џвака нешто цврсто.

И истражувачите посакаа да дознаат зошто.

Мислам, погледнете, не е потребна плацебо контролирана студија

за да се открие поради што бракот не функционира.

Непочитување, здодевност,

премногу време на Фејсбук,

секс со други луѓе.

Но можете да го имате и тотално спротивното од ова,

почитување, возбуда,

прекината интернет врска,

затапувачка моногамија,

и пак работите може да отидат по ѓаволите.

Па, што се случува кога тоа нема да се случи?

Што имаат заедничко луѓето кои

стигнуваат до тоа да лежат

еден покрај друг во земјата?

Што прават тие правилно?

Што можеме да научиме од нив?

А ако вие сè уште среќно си спиете сами,

зошто би требало да престанете со тоа

и да го посветите животот

на барање на таа посебна личност

која ќе можете да ја нервирате до крајот на животот?

Истражувачите потрошија милијарди од вашите даноци

за да го дознаат тоа.

Тие ги прогонуваат среќните парови

и го проучуваат секое нивно движење и однесување.

Се обидуваат точно да утврдат што е тоа

што ги прави различни

од нивните мизерни соседи и пријатели.

Произлегува дека,

успешните приказни

имаат неколку сличности,

всушност, освен тоа што немаат секс со други луѓе.

На пример, кај најсреќните бракови,

сопругата е повитка и подобро изгледа од сопругот.

(смеење)

Очигледно, нели.

Очигледно дека ова доведува до благосостојба во бракот

бидејќи, ние жените многу се грижиме

за тоа да бидеме витки и да изгледаме добро,

а повеќето мажи најмногу им е грижа за сексот....

идеално со жени

кои се витки и подобро изгледаат од нив.

Убавината на ова истражување е

во тоа што никој не предлага

дека жените треба да бидат витки за да бидат среќни;

туку едноставно треба да бидеме повитки од нашите партнери.

Па наместо сите тие напорни

диети и вежби,

ние само треба да чекаме мажите да се здебелат,

можеби да направиме неколку пити.

Добро е да се има оваа информација,

и воопшто не е комплицирано.

Истражувањето исто така препорачува

дека најсреќните парови

се оние кои се фокусираат на позитивноста.

На пример, среќната сопруга.

Наместо да го потенцира зголемувањето на стомакот на сопругот

или да му предлага да оди да трча,

таа може да каже,

„Леле, драги, ти благодарам што толку се здебели

за да јас бидам релативно витката.“

Ова се парови кои можат да го најдат доброто во секоја ситуација.

„Да, беше ужасно

кога изгубивме сè во тој пожар,

но некако е убаво да се спие овде вака под ѕвездите,

и добро е што си ти вака здебелен

за да можеш да нè згрееш.“

Една од моите омилени студии откри

дека колку повеќе е спремен сопругот да ги извршува домашните работи,

толку повеќе ќе биде атрактивен за неговата сопруга.

Бидејќи ни требаше истражување за да ни го каже ова.

Но еве што се случува овде.

Колку поатрактивен е тој за нејзе, толку повеќе ќе имаат секс;

колку повеќе секс имаат, толку повеќе тој е фин со нејзе;

колку е пофин со нејзе,

толку помалку таа ќе го заморува за тоа што ги оставил мокрите пешкири на креветот,

и така, тие ќе си живеат среќно до крајот на животот.

Со други зборови, мажи, вие би можеле малку да поработите

низ домот.

Еве нешто интересно.

Едно истражување откри

дека луѓето кои се смеат на фотографиите од детството

помала е веројатноста дека ќе се разведат.

Ова е вистинско истражување,

и дозволете да го објаснам.

Истражувачите не бараа

документирани изјави за среќно детство

ниту пак ги проучуваа старите дневници.

Податоците се базираа целосно

на тоа дали луѓето изгледале среќно

на сликите од детството.

Сега јас не знам на која возраст сте сите вие овде,

но јас кога бев дете,

вашите родители ги правеа сликите со специјални камери

кои имаа во себе филм,

а, Бога ми, филмот беше скап.

Тие не правеа по 300 слики од вас

на оној брз дигитален видео начин

а потоа да ги изберат само најубавите, на кои најмногу се смеете

за Божиќната честитка.

О, не.

Тие би ве облекле, ќе ве наределе,

и ќе му се смеете на ебениот апарат како што ќе ви кажат

во спротивно ќе се збогувате со роденденската забава.

Но сепак, јас имам голем број

на лажно среќни слики од детството

и мило ми е што според нив, имам помали шанси

да се разведам.

Па што друго би можеле да направите

за да го заштитите вашиот брак?

Да не го освоите Оскарот за најдобра актерка.

(смеење)

Сериозна сум.

Бети Дејвис, Џоан Крафорд, Хали Бери, Хилари Свонк,

Сандра Булок, Рис Видерспун,

сите тие останаа сами

набрзо по добивањето на таа статуетка.

Тие всушност ја нарекуваат клетвата на Оскарот.

Тоа е смртен бакнеж за бракот

и нешто што треба да се избегнува.

И не е само успешното глумење во филмот

е она што е опасно.

Се чини дека, самото гледање на една романтична комедија

доведува до драстично намалување на задоволството во врската.

(смеење)

Очигледно, огорченото сфаќање

дека можеби тоа би можело да ни се случи и нам,

но очигледно е дека не се случило и нема никогаш да се случи,

го прави нашиот живот неподносливо тмурен

кога правиме споредба.

И теоретски,

претпоставувам дека ако гледаме филм во кој некој е брутално убиен

или умира во ужасна сообраќајна незгода,

многу е веројатно дека ќе излеземе од киното

чувствувајќи дека тоа што го имаме е прилично добро.

Пиењето алкохол, се чини,

дека е лошо за вашиот брак.

Да.

Не можам да ви кажам нешто повеќе за тоа

бидејќи престанав со читањето после насловот.

Но ова е страшно:

Разводот е заразен.

Така е, кога имате блиски пријатели кои се развеле,

тоа ги зголемува шансите да се разведете

за околу 75 проценти.

Сега морам да ви кажам, дека ова воопшто не го разбирам.

Мојот сопруг и јас

гледавме прилично многу пријатели кои го делат својот имот

а потоа се измачуваат

на наши години да бидат сами

во ерата на сексуално допишување и вијагра

и електронска хармонија.

И мислам дека тие направиле многу повеќе за мојот брак

отколку што би можела да направи доживотната терапија.

Па сега сигурно се прашувате,

зошто воопшто луѓето се венчаат?

Па сојузната влада на Соединетите Држави

добива повеќе од илјада правни бенефити

кога ќе станете нечија сопруга,

листа која вклучува и право на посета во затвор,

но да се надеваме дека тоа никогаш нема да ви затреба.

Но освен темелните федерални права,

венчаните луѓе заработуваат повеќе пари.

Ние сме по здрави,

физички и емоционално.

Создаваме посреќни, постабилни

и поуспешни деца.

Имаме повеќе секс

отколку нашите наводно расипнички пријатели самци,

верувале или не.

Ние дури и живееме подолго,

што е прилично привлечен аргумент

за да се венчате со некој што многу ви се допаѓа

што побрзо.

Сега, доколку во моментов не ја доживувате

радоста на заедничкото плаќање на данокот,

јас не можам да ви кажам како да најдете личност која ги сака домашните работи

која е приближно со идеална величина и атрактивност

која преферира хорор филмови и која нема многу пријатели

кои лебдат на работ од разводот,

но би можела да ве охрабрам да се обидете,

бидејќи бенефитите, кои ги истакнав,

се огромни.

На крајот, без разлика дали сте во брак или сè уште го барате,

верувам дека бракот е институција

кон која вреди да се стремите и да ја заштитите.

Па се надевам дека ќе ги искористите информациите кои ви ги дадов денеска

за да ја измерите сопствената снага

во однос на вашите ризици.

На пример, во мојот брак,

би рекла дека добро ми оди.

Од една страна,

имам маж кој е иритирачки самоуверен

и е неверојатно згоден.

Па очигледно е дека ќе морам да го здебелам.

И како што реков, ги имаме оние разведени пријатели

кои би можеле тајно или несвесно

да се обидат да не разделат.

Па би морале да внимаваме на тоа.

И ние сакаме по еден коктел или два.

Од друга страна пак,

јас ја имам и работата со лажно среќните слики.

И исто така, мажот ми прилично ми помага низ домот,

и не би сакал никогаш повеќе да гледа

романтични комедии до крајот на животот.

Значи тие работи ми одат во прилог.

Но за секој случај,

планирам дополнително да се потрудам

за да не го освојам Оскарот во блиска иднина.

И за доброто на вашите врски,

би ве охрабрила да го направите истото.

Ќе се видиме кај барот.

(аплауз)