ကျွန်မမှာ ဝန်ခံစရာတစ်ခုရှိပါတယ်။

ဒါပေမဲ့ ပထမဆုံး သင်တို့ကို 
ဝန်ခံချက်လေးတစ်ခု လုပ်စေချင်ပါတယ်။

လွန်ခဲ့တဲ့နှစ်မှာ အတော့ကို 
သေးငယ်တဲ့ စိတ်ဖိစီးမှု

ခံစားခဲ့ရတယ်ဆိုရင်
လက်ထောင်ပြစေချင်ပါတယ်။

တစ်ယောက်ယောက်များ။

အသင့်အတင့် စိတ်ဖိစီးမှုဆိုရင်ရော။

ဘယ်သူတွေ စိတ်ဖိစီးမှု 
အများကြီးခံစားခဲ့ရလဲ၊

ဟုတ်ကဲ့၊ ကျွန်မရောပဲ။

ဒါပေမဲ့ ဒါက ကျွန်မရဲ့ဝန်ခံချက် မဟုတ်ဘူး။

ကျွန်မရဲ့ဝန်ခံချက်က ဒါပါ။

ကျွန်မက ကျန်းမာရေး စိတ်ပညာရှင်ဖြစ်ပြီး

ကျွန်မရဲ့တာဝန်က လူတွေကို ပိုပျော်ရွှင်၊
ပိုကျန်းမာစေဖို့ ကူညီဖို့ပါ။

ဒါပေမဲ့ ကျွန်မ ကြောက်တာတစ်ခုက 
လွန်ခဲ့တဲ့ ၁၀ နှစ်လုံးလုံး

အကောင်းထက် ဘေးအန္တရာယ်
ပိုဖြစ်စေတာကို သင်နေမိတာပါ၊

ဒါက စိတ်ဖိစီးမှုနဲ့ ပတ်သက်ပါတယ်။

နှစ်တွေချီ လူတွေကို ပြောနေတာက
စိတ်ဖိစီးမှုဟာ နေမကောင်းဖြစ်စေတယ်၊

သာမန် အအေးမိတာကနေ နှလုံးဆိုင်ရာ 
ရောဂါအထိ အကုန်လုံးဖြစ်ဖို့

အန္တရာယ်တိုးစေတယ်။

အခြေခံအားဖြင့် ကျွန်မဟာ စိတ်ဖိစီးမှုကို
ရန်သူအဖြစ်ပြောင်းခဲ့တယ်။

ဒါပေမဲ့ ဖိစီးမှုနဲ့ပတ်သက်တဲ့
ကျွန်မစိတ် ပြောင်းလိုက်ပြီ

ဒီနေ့တော့ သင်တို့ရဲ့စိတ်ကို 
ပြောင်းချင်ပါတယ်။

ကျွန်မရဲစိတ်ဖိစီးမှုကို
ချဉ်းကပ်မှုတစ်ခုလုံးကို

ပြန်သုံးသပ်မိစေတဲ့ လေ့လာမှုနဲ့ စတင်ပါရစေ။

ဒီလေ့လာမှုက အမေရိကန် ပြည်ထောင်စုက 
လူကြီး ၃၀၀၀၀ ကို ရှစ်နှစ် ခြေရာခံခဲ့တယ်။

လူတွေကို မေးမြန်းရင်းစခဲ့တာက

"လွန်ခဲ့တဲ့နှစ်မှာ စိတ်ဖိစီးမှု 
ဘယ်လောက်တွေ့ကြုံခဲ့လဲ။"

သူတို့ မေးသေးတာက

"စိတ်ဖိစီးမှုက သင့်ကျန်မာရေးအတွက်
ဘေးဖြစ်စေတယ်လို့ သင်ယုံကြည်လား။"

ဒီနောက် သေခဲ့သူတွေကိုသိဖို့ ပြည်သူ့ 
သေဆုံးမှုမှတ်တမ်းတွေကို သုံးခဲ့တယ်။

(ရယ်သံများ)

ကောင်းပြီ၊

ပထမဆုံး သတင်းဆိုးက

အရင်နှစ်က စိတ်ဖိစီးမှု အများအပြား
ကြုံခဲ့တဲ့လူတွေဟာ

သေဖို့ဘေး ၄၃ ဦခိုင်နှုန်း တိုးခဲ့တယ်။

ဒါပေမဲ့ ဒါက စိတ်ဖိစီးမှုက ကျန်မာရေးအတွက်

ဘေးဖြစ်စေတယ်လို့ ယုံကြည်သူတွေ
အတွက်သာ မှန်တာပါ။

(ရယ်သံများ)

စိတ်ဖိစီးမှု အများအပြား ကြုံခဲ့ရပေမဲ့

ဒါကို ဘေးဖြစ်စေတယ်လို့ မမြင်သူတွေဟာ

သေဖို့ဖြစ်နိုင်ခြေ ပိုမများပါဘူး။

တကယ်က လေ့လာမှုထဲက စိတ်ဖိစီးမှု

အတော်နည်းနည်းလေးရှိခဲ့တဲ့

လူတွေအပါအဝင်
သေဘေးဖြစ်မှု အနိမ့်ဆုံး ရှိခဲ့တာပါ။

အခု သုတေသီတွေဟာ ရှစ်နှစ်တာ 
သူတို့ ခြေရာခံနေတဲ့

အသေအပျောက်တွေကို ခန့်မှန်းတာက

အမေရိကန် ၁၈၂၀၀၀ ဟာ အချိန်မတန်ဘဲ 
သေဆုံးခဲ့တယ်၊

စိတ်ဖိစီးမှုကနေ မဟုတ်ဘဲ

စိတ်ဖိစီးမှုက သူတို့အတွက် ဆိုးတယ်ဆိုတဲ့
ယုံကြည်မှုကြောင့်ပါ။

(ရယ်သံများ)

ဒါက တစ်နှစ်ကို ၂၀၀၀၀ ကျော်သေတယ်၊

ကဲ ဒီခန့်မှန်းချက်မှန်တယ်ဆိုရင်

စိတ်ဖိစီးမှုက သင့်အတွက်ဆိုးတယ်လို့ 
ယုံကြည်တာက

မနှစ်က အမေရိကန် ပြည်ထောင်စုရဲ့ ၁၅ ခုမြောက်
အကြီးဆုံး သေဆုံးတဲ့အကြောင်းဖြစ်စေလိမ့်မယ်၊

အရေပြားကင်ဆာ၊ HIV/AIDS နဲ့ 
လူသတ်မှုထက် လူတွေကို ပိုသေစေတာပေါ့။

(ရယ်သံများ)

ဒီလေ့လာမှုက ဘာကြောင့် ကျွန်မကို 
ဗြောင်းဆန်စေတာ သိနိုင်တယ်။

ဒီမှာ ကျွန်မဟာ စိတ်ဖိစီးမှုဟာ ကျန်းမာရေး
အတွက်ဆိုးတယ်လို့ လူတွေကိုပြောရင်း

စွမ်းအင်အတော်များများ သုံးနေတာပါ

ဒီတော့ ဒီလေ့လာမှုက တွေးမိစေတာက

စိတ်ဖိစီးမှုအကြောင်းတွေးပုံ ပြောင်းခြင်းက 
ပိုကျန်းမာစေနိုင်လား။

ဒီမှာ သိပ္ပံပညာက ဟုတ်တယ်တဲ့။

စိတ်ဖိစီးမှုနဲ့ပတ်သက်တဲ့ 
စိတ်ကိုပြောင််းရင်

ခန္ဓာကိုယ်က စိတ်ဖိစီးမှုကို 
တုံ့ပြန်တာကို ပြောင်းနိုင်ပါတယ်။

အခု ဒါလုပ်ဆောင်ပုံကို ရှင်းပြဖို့ပါ။

သင့်တို့ကို စိတ်ဖိစီးစေဖို့ထုတ်ထားတဲ့
လေ့လာမှုတစ်ခုမှာ

အားလုံးပါဝင်နေတယ်လို့ 
ဟန်ဆောင်စေချင်ပါတယ်။

လူမှုစိတ်ဖိစီးမှု စမ်းသပ်ချက်
လို့ခေါ်ပါတယ်။

သင်ဟာ လက်တွေ့ခန်းထဲဝင်လာပြီး

ရှေ့တည့်တည့်မှာထိုင်နေတဲ့

ကျွမ်းကျင်သူအဖွဲတစ်ဖွဲကို သင့်ကိုယ်ရေး
ကိုယ်တာ အားနည်းချက်အကြောင်း

ဟောပြောချက်တစ်ခုကို
ငါးမိနစ် လက်တန်း သင့်ကိုပြောခိုင်းတယ်၊

သင့်ကို စိတ်ဖိအားဖြစ်စေတာ သေချာအောင်

လင်းနေတဲ့မီးလုံးတွေနဲ့ မျက်နှာရှေ့မှာ
ကင်မရာတစ်လုံးရှိတယ််။

ဒီလိုမျိုးပေါ့။

(ရယ်သံများ)

သင့်ကို စိတ်အားလျော့အောင်လုပ်ဖို့

လေ့ကျင့်ထားတဲ့အကဲဖြတ်တွေ၊ 
စကားမပြောတဲ့ တုံ့ပြန်မှု၊

ဒီလိုပေါ့။

(အသက်ရှုထုတ်သည်)

(ရယ်သံများ)

အခု သင်ဟာ အသင့်အတင့် အားလျော့နေတယ်။

ဒုတိယပိုင်အတွက် အချိန်၊ 
သင်္ချာ စစ်ဆေးလွှာတစ်ခု၊

သင် သတိမထားမိဘူး၊

စမ်းသပ်သူကို ဒီအတောအတွင်း 
သင့်ကိုဒုက္ခပေးဖို့ လေ့ကျင့်ထားတာ၊

အခု ဒါကို ကျွန်မတို့ အတူတူလုပ်တော့မယ်၊

ပျော်စရာဖြစ်မှာပါ။

ကျွန်မအတွက်ပေါနော်။

ရပြီနော်။

(ရယ်သံများ)

အားလုံးကို ၉၉၆ ကနေ ခုနှစ် တိုးပြီး

နောက်ပြန် ရေတွက်ချင်ပါတယ်။

အသံထွက်ပြီး လုပ်ရမှာပါ။

မြန်နိုင်သမျှ မြန်မြန်ပေါ့။

၉၉၆ နဲ့စပြီးတော့ပေါ့၊

စပြီး

(ပရိတ်သတ် ရေတွက်သည်)

ပိုမြန်မြန်လေး၊ ပိုမြန်မြန်လေး၊

နေှးလိုက်တာနော်။

(ပရိတ်သတ် ရေတွက်သည်)

ရပ်၊ရပ်၊ ရပ်၊ ရပ်ပါတော့။

ဒီလူ မှားသွားတယ်။

ကျွန်မတို့ အကုန်ပြန်စရတော့မယ်။

(ရယ်သံများ)

ဒီမှာ သင်တို့ မတော်ကြဘူးမို့လား။

ဒီတော့ သင်တို့ သိပြီ၊

ဒီလေ့လာမှုမှာ တကယ်သာရှိခဲ့ရင်

သင်တို့ဟာ နည်းနည်း
စိတ်ဖိစီးခံရလောက်တယ်။

နှလုံးက တဒိန်းဒိန်းခုန်နေပြီး၊

အသက်ရှူမြန်နေလောက်တယ်။ 
ဖြစ်နိုင်တာက ချွေးပြန်နေလောက်တယ်။

ပုံမှန်က ဒီရုပ်ပို်း အပြောင်းအလဲတွေကို 
ပူပန်မှု(သို့) ဖိအားကို ကောင်းကောင်း

ကိုင်တွယ် မနေဘူးဆိုတဲ့ လက္ခဏာတွေအဖြစ်
အနက်ကောက်ကြတယ်။

ဒါပေမဲ့ သင့်ခန္ဓာကိုယ်ကို အားရှိစေတဲ့

ဒီစိန်ခေါ်မှုကိုတွေ့ဆုံဖို့

ပြင်ဆင်ပေးနေတဲ့
လက္ခဏာတွေလို့ ရှုမြင်ရင်ရော။

ကဲ ဒါက Harvard University.က ပြုလုပ်ခဲ့တဲ့

လေ့လာမှုမှာ ပါဝင်သူတွေကို 
ပြောခဲ့တာအတိအကျပါ။

လူမှု စိတ်ဖိစီးမှု စစ်ဆေးမှု မဖြေခင်

စိတ်ဖိစီးမှု တုံ့ပြန်မှုကို အကူ 
အဖြစ် ပြန်သုံးသပ်ဖို့ သင်ပေးတယ်။

ဒီခုန်နေတဲ့နှလုံးက လုပ်ဆောင်ချက်အတွက်
သင့်ကို ပြင်ဆင်ပေးနေတာပါ။

သင်အသက်ရှူတာ ပိုမြန်နေရင်
ပြဿနာ မဟုတ်ပါဘူး။

သင့်ဦးနှောက်ကို အောက်စီဂျင်
ပိုပေးနေတာပါ။

သူတို့ ဆောင်ရွက်ချက်အတွက်
စိတ်ဖိစီးမှုကို အထောက်အကူအဖြစ်

ရှုမြင်ဖို့သင်ယူထားတဲ့ ပါဝင်သူတွေဟာ

စိတ်ဖိစီးခံရတာ ပိုနည်းတယ်၊
ပူပန်မှုပိုနည်းပြီ ယုံကြည်မှု ပိုများတယ်။

ဒါပေမဲ့ ကွန်မ စိတ်အဝင်စားဆုံး တွေ့ရှိမှုက

သူတို့ရဲ့ ရုပ်ပိုင်း စိတ်ဖိစီးမှု
တုံ့ပြန်မှု ပြောင်းလဲပုံပါ

ပုံမှန် စိတ်ဖိစီးမှု တုံ့ပြန်မှုမှာ

နှလုံးခုန်နှုန်း မြင့်သွားတယ်၊

သွေးကြောတွေက ဒီလို့ ကျုံ့သွားတယ်။

ဒါက နာတာရှည် စိတ်ဖိစီးမှုဟာ
တစ်ခါတစ်ရံ နှလုံးဆိုင်ရာ

ရောဂါတစ်ခုနဲ့ ဆက်စပ်နေတယ်ဆိုတဲ့
အကြောင်းရင်းတွေထဲက တစ်ခုပါ။

တစ်ချိန်လုံး ဒီအခြေအနေဖြစ်တာက
ကျန်းမာရေးအတွက် မကောင်းဘူး။

ဒါပေမဲ့ လေ့လာမှုထဲမှာ

ပါဝင်သူတွေက စိတ်ဖိစီးမှုကို 
အထောက်အကူအဖြစ် ရှုမြင်တဲ့အခါ

သူတို့သွေးကြောတွဟာ ဒီလို ပြေလျော့နေတယ်။

နှလုံးက တဒိန်းးဒိန်းခုန်တုန်းဆိုပေမဲ့

ဒါက အရမ်းကို ကျန်းမာတဲ့ နှလုံးဆိုင်ရာ
ပုံစံတစ်ခုပါ။

ပျော်ရွှင်မှုနဲ့ သတ္တိရဲ့ ကာလတွေမှာ

ဖြစ်ပျက်တာမျိုးနဲ့ အတော်ဆင်ပါတယ်။

စိတ်ဖိစီးမှု အတွေ့အကြုံတွေရဲ့ 
တစ်သက်တာလုံးမှာ

ဒီဇီဝဆိုင်ရာ ပြောင်းလဲမှုတစ်ခုက

အသက် ၅၀ မှာ နှလုံး

ဖောက်ပြန်စေတဲ့ စိတ်ဖိစီးမှုတစ်ခုနဲ့
၉၀ ကျော်ထိ ကျန်းမာစွာ

ရှင်သန်ခြင်းကြား ခြားနားမှုတစ်ခု
ဖြစ်နိုင်တယ်။

ဒါဟာ တကယ်ပဲစိတ်ဖိစီးမှုရဲ့ 
သိပ္ပံပညာအသစ်က ဖော်ပြတာပါ၊

စိတ်ဖိစီးမှုကို သင်တွေးပုံက အရေးပါတာပါ။

ဒီတော့ ကျန်းမာရေး စိတ်ပညာရှင်အနေနဲ့ 
ပန်းတိုင် ပြောင်းသွားပြီ

သင့်စိတ်ဖိစီးမှုကို မဖယ်ထုတ်ချင်တော့ဘူး။

စိတ်ဖိစီးမှုမှာ သင်ပိုတော်လာအောင်
လုပ်ချင်တယ်။

အခုတင် နှောင့်ယှက်မှုလေးလုပ်ခဲ့တယ်လေ။

သင်လက်ထောင်ပြီး မနှစ်က

စိတ်ဖိစီးမှု
အများကြီးရှိခဲ့တယ်လို့ဆိုခဲ့ရင်

သင့်အသက်ကို ကယ်နိုင်လောက်တယ်၊

မှန်းခြေအားဖြင့် နောက်တစ်ခါ 
စိတ်ဖိစီးမှုကနေ နှလုံးတဒိန်းဒိန်းခုန်ရင်

ဒီဟောပြောချက်ကို သင်မှတ်မိပြီး

သင့်ကိုယ်သင်တွေးမိတော့မှာက

ငါ့ခန္ဓာကိုယ်က ဒီစိန်ခေါ်မှုကို 
ကိုင်တွယ်ဖို့ ငါ့ကို ကူညီပေးနေတာလို့ပါ။

စိတ်ဖိစီးမှုကို ဒီအတိုင်း ရှုမြင်တဲ့အခါ

သင့်ခန္ဓာကိုယ်က သင့်ကိုယုံပြီး

သင့်စိတ်ဖိစီးမှု တုံ့ပြန်မှုက ပို
ကောင်းမွန်လာတယ်။

ကဲ ကျွန်မကိုယ်တိုင်အဖတ်ဆယ်ဖို့ 
စိတ်ဖိစီးမှုကို မကောင်းဆိုးဝါးလို့မြင်တာ

ဆယ်စုနှစ်တစ်ခုကျော်လို့ ကျွန်မပြောခဲ့တယ်။

ဒီတော့ နှောင့်ယှက်မှုတစ်ခု ထပ်လုပ်တော့မယ်။

ပြောပြချင်တာက

စိတ်ဖိစီး တုံ့ပြန်မှုရဲ့ အသိအမှတ်မပြုဆုံး
ရှုထောင့်တွေထဲက တစ်ခုအကြောင်းပါ

ထင်မြင်ချက်ကတော့

စိတ်ဖိစီးမှုဟာ သင့်ကို
လူမှုရေးဖြစ်စေတယ်။

စိတ်ဖိစီးမှုရဲ့ ဒီဘက်ကို နားလည်ဖို့

ဟိုမုန်းနဲ့ အောက်ဆီတိုစင်
အကြောင်း ပြောဖို့လိုပါတယ်။

အောင်ဆီတိုစင်ဟာ ဟိုမုန်းရနိုင်သလို အလွန်
အမွမ်းတင်တာရှိပြီးသာဆိုတာကျွန်မ သိတယ်။

ကိုယ်ပိုင် ချစ်စရာ နာမည်ပြောင်တောင်
ရှိတယ်။ ထွေးပွေးထာတဲ့ ဟိုမုန်းပါ။

အကြောင်းက သင်တစ်ဦဦးကို 
ပွေ့ဖက်တဲ့အခါ ထုတ်လွှတ်လို့ပါ။

ဒါပေမဲ့ ဒါက အောက်စီတိုစင်ပါဝင်တဲ့
အစိတ်အပိုင်းလေးပါ။

အောက်ဆီတိုစင်ဟာ အာရုံကြော ဟိုမုန်းပါ။

သင့်ဦးနှောက်ရဲ့ လူမှုရေး 
ဗီဇတွေကို ညှိပေးတယ်။

ဆက်ဆံရေးတွေ ခိုင်မာစေတဲ့အရာတွေ

လုပ်ဖို့ သင့်ကိုအသင့်ပြင်ပေးတယ်။

အောက်ဆီတိုစင်က မိတ်ဆွေတွေနဲ့ မိသားစုကို 
ရုပ်ပိုင်းထိတွေ့ဖို့ တောင့်တအောင်လုပ်တယ်။

သင့်စာနာမှုကို တိုးမြှင့်ပေးတယ်။

သင်ဂရုစိုက်တဲ့လူတွေကို ပိုပြီး
ကူညီ၊ထောက်ပံ့ချင်စိတ်

ရှိအောင်တောင် လုပ်ပေးတယ်။

ပိုဂရုဏာထားပြီး ဂရုစိုက်တာဖြစ်လာဖို့
အောက်ဆီတိုစင်ကိုရှူသင့်တယ်လို့တောင်

တစ်ချို့က အကြံပြုထားတယ်။

ဒါပေမဲ့ ဒိမှာတော့ အောက်ဆီတိုစင်နဲ့
ပတ်သက်ပြီး လူအများစု နားမလည်ကြတာပါ။

ဒါက စိတ်ဖိစီးမှု ဟိုမုန်းပါ။

သင့်ရဲ့ပစ်ကျူထရီ ဂလင်းက
စိတ်ဖိစီးမှုရဲ့ အစိတ်အပိုင်းအဖြစ်

ဒီအရာကို မှုတ်ထုတ်ပေးတယ်။

သင့်နှလုံးကို တဒုန်းဒုန်းခုန်စေတဲ့
အဒရီနလင်လို

စိတ်ဖိစီးမှု တုံ့ပြန်န်မှုရဲ့
မျာ'ပြားတဲ့ အပိုင်းပါ။

အောက်ဆီတိုစင်ကို စိတ်ဖိစီးမှု
တုံ့ပြန်မှုထဲ လွှတ်တဲ့အခါ

အထောက်အပံ့ရှာဖို့ သင့်ကို
နှိုးဆွပေးနေတာပါ။

သင့်ဇီဝပိုင်း စိတ်ဖိစီးမှု တုံ့ပြန်မှုက

မျိုသိပ်တာအစား သင်ခံစားနေရပုံကို
တစ်ဦးဦးကို ပြောပြဖို့

သင့်ကို တွန်းပေးနေတာပါ။

သင့်ရဲ့စိတ်ဖိစီးမှု တုံ့ပြန်မှု သင့်ဘဝထဲက 
အခြားသူတစ်ယောက်

ရုန်းကန်နေတဲ့အခါ
သင်သတိပြုမိစေချင်တာပါ၊

အချင်းချင်း ပံ့ပိုးပေးနိုင်အောင်ပါ။

ဘဝဟာ ခက်ခဲတဲ့အခါ

သင့် စိတ်ဖိစီးမှု တုံ့ပြန်မှုက 
သင့်ကို ဂရုစိုက်သူတွေနဲ့

သင့်ကို ဝန်းရံနေစေချင်တာပါ။

စိတ်ဖိစီးမှုရဲ့ဒီအပိုင်းကို သိခြင်းက 
သင့်ကို ဘယ်လို ပိုကျန်းမာအောင်လုပ်ပေးမလဲ။

အောက်စီတိုစင်က ဦးနှောက်အပေါ်ကိုပဲ
လုပ်ဆောင်တာမဟုတ်ဘူး။

သင့်ခန္ဓာကိုယ်ပေါ်မှာလည်း လုပ်ဆောင်ပြီး

၎င်းရဲ့အဓိကကဏ္ဍတွေထဲက တစ်ခုက

နှလုံးစနစ်ကို စိတ်ဖိစီးမှုရဲ့
သက်ရောက်မှုတွေကနေ ကာကွယ်ဖို့ပါ။

ဒါက သဘာဝနဲ့ လှုံ့ဆော်မှုတစ်ခုပါ။

စိတ်ဖိစီးနေစဉ်မှာ သွေးကြောတွေကိုလည်း 
ပြေလျာ့နေစေဖို့လည်း ကူညီပါတယ်။

ဒါပေမဲ့ ကျွန်မအကြိုက်ဆုံး ခန္ဓာကိုယ်ပေါ်
သက်ရောက်မှုက တကယ်က နှလုံးမှာပါ။

သင့်နှလုံးမှာ ဒီဟိုမုန်းအတွက်
တုံ့ပြန်တဲ့အင်္ဂါတွေရှိပြီး

အောက်စီတိုစင်က ပျက်စီးစေတဲ့ 
စိတ်ဖိစီးမှုတိုင်းကနေ

နှလုံးဆဲလ်တွေ ပြန်လည်သန်စွမ်းဖို့နဲ့ 
သက်သာဖို့ ကူညီပါတယ်။

ဒီစိတ်ဖိစီးမှု ဟိုမုန်းဟာ 
သင့်နှလုံးကို သန်မာစေပါတယ်။

မိုက်တာတစ်ခုက အောက်စီတိုစင်ရဲ့ 
ရုပ်ပိုင်း အကျိုးကျေးဇူးအားလုံးဟာ

လူမှုရေးထိတွေ့မှုနဲ့ လူမှုရေး ထောက်ပံ့မှု
ကနေ တိုးပွားတာပါ။

ဒီတော့ သင်ဟာစိတ်ဖိစီးမှုအောက်က 
အခြားသူတွေကို ဆက်သွယ်တဲ့အခါ

အထောက်အပံ့ရှာဖို့ (သို့) အခြားသူတစ်ဦးကို
ကူညီဖို့ဖြစ်ဖြစ်ပါ

သင်ဟာ ဒီဟိုမုန်း ပိုထုတ်လွှတ်တယ်၊

စိတ်ဖိစီးမှု တုံ့ပြန်မှုက
ပိုကောင်းမွန်လာပြီး

စိတ်ဖိစီးမှုကနေ ပိုမြန်မြန် သက်သာလာတယ်။

ဒါကို အံ့ဖွယ်ရာလို့ ကျွန်မထင်တယ်။

သင့်စိတ်ဖိစီးမှု တုံ့ပြန်မှုဟာ 
စိတ်ဖိစီးမှု ဒဏ်ခံနိုင်မှုအတွက်

ယန္တရားတစ်ခု အလိုလိုပါရှိနေပြီး

ဒီယန္တရားက လူသားဆက်သွယ်မှုပါ။

နောက်ထပ် လေ့လာမှုတစ်ခုကိုပြောပြရင်း
အဆုံးသတ်ချင်ပါတယ်။

နားစွင့်ထားကြပါ၊ အကြောင်းက
ဒီလေ့လာမှုကလည်း အသက်ကိုကယ်နိုင်လို့ပါ။

ဒီလေ့လာမှုက အမေရိကန်ပြည်ထောင်စုက
လူကြီး ၁၀၀၀ ခန့်ကို ခြေရာခံခဲ့ပြီး

အသက် ၃၄ ကနေ ၉၃ နှစ်အထိပါတယ်။

သူတို့ လေ့လာမှုကို စတင်ခဲ့တဲ့မေးခွန်းက

"လွန်ခဲ့တဲ့နှစ်အတွင်း စိတ်ဖိစီးမှု 
ဘယ်လောက်ကြုံတွေခဲ့ရလဲ။"

သူတို့ မေးသေးတာက

"မိတ်ဆွေတွေ၊ အိမ်နီးချင်းတွေနဲ့ 
သင့်ရပ်ရွာထဲက လူတွေကို ကူညီဖို့

အချိန်ဘယ်လောက်ကုန်ဆုံးခဲ့လဲ။"

သေသူတွေကို သိရဖို့ 
နောက်ငါးနှစ်အတွက် ပြည်သူ့မှတ်တမ်းတွေ

အသုံးပြုခဲ့တယ်။

ကောင်းပြီ၊ ဒီတော့ ပထမ သတင်းဆိုးပေါ့။

အဓိက စိတ်ဖိစီးမှုများတဲ့ 
ဘဝအတွေ့အကြုံတိုင်းအတွက်၊

ဥပမာ ငွေရေးကြေးရေး အခက်အခဲတွေ
(သို့) မိသားစု အကျပ်အတည်းက

သေဖို့ ရာခိုင်နှုန်း ၃၀ တိုးစေတယ်။

ဒါပေမဲ့ လောလောဆယ် "ဒါပေမဲ့"ဆိုတာကို 
မျှော်လင့်နေတယ်ထင်ပါတယ်၊

ဒါပေမဲ့ ဒါဟာ လူတိုင်းအတွက်တော့ 
မမှန်ပါဘူး။

အခြားသူတွေကို စောင့်ရှောက်သူတွေဟာ
သေဆုံးမှု တိုးပွားစေတာနဲ့

ဆက်စပ်တဲ့ စိတ်ဖိစီးမှု 
လုံးဝမရှိဘူးလို့ပြသတယ်။

သုညပါ။

ဂရုစိုက်ခြင်းက ဒဏ်ခံနိုင်မှုကို ဖန်တီးတယ်။

ဒါနဲ့ ထပ်ပြီး မြင်ရတာက

ကျန်းမာရေးအပေါ် ဖိစီးမှုရဲ့ 
ဘေးဖြစ်တဲ့သက်ရောက်မှုတွေက

ရှောင်လွှဲမရနိုင်တာ မဟုတ်ပါဘူး။

သင်တွေးပုံနဲ့ လုပ်ဆောင်ပုံက သင့်ရဲ့

စိတ်ဖိစီးမှု အတွေ့အကြုံကို 
ပြောင်းလဲပစ်နိုင်တယ်။

သင့်ရဲ့စိတ်ဖိစီးမှုကို တုံပြန်ပုံကို 
အထောက်အကူအဖြစ်ရှုမြင်ဖို့ ရွေးတဲ့အခါ

သတ္တိရဲ့ ဇီဝဗေဒကို ဖန်တီးပေးပါတယ်။

စိတ်ဖိစီးမှုအောက်မှာရှိတဲ့ အြခားသူတွေကို
ဆက်သွယ်ဖို့ ရွေးတဲ့အခါ

ဒဏ်ခံနိုင်မှုကို ဖန်တီးနိုင်ပါတယ်။

အခု ကျွန်မဘဝမှာ ပိုစိတ်ဖိစီးတဲ့ အတွေ့အကြုံ
တွေကို သေချာပေါက် တောင်းဆိုမှာ မဟုတ်ပေမဲ့

သိပ္ပံပညာက စိတ်ဖိစီးမှုအတွက် နားလည်မှု
အသစ်စက်စက်တစ်ခု ကျွန်မကို ပေးထားပါတယ်။

စိတ်ဖိစီးမှုက ကျွန်မတို့နှလုံးသားတွေဆီကို 
ဝင်ခွင့်ပေးတယ်။

အခြားသူတွေနဲ့ ဆက်သွယ်ရာမှာ 
ပျော်ရွှင်မှုနဲ့ အဓိပ္ပါယ်ကိုရှာတဲ့

ကရုဏာကြီးမားတဲ့ နှလုံးသားပါ၊

ဟုတ်ပါတယ်၊ သင့်ရဲ့ တဒိန်းဒိန်းခုန်နေတဲ့ 
သင့်ကို အင်အားနဲ့စွမ်းအင်ပေးဖို့

အင်မတန်ကြိုးစား အလုပ်လုပ်နေတဲ့
အထည်ဒြပ်နှလုံးသားပါ၊

စိတ်ဖိစီးမှုကို ဒီနည်းနဲ့
ရှုမြင်ဖို့ ရွေးတဲ့အခါ

သင်ဟာ စိတ်ဖိစီးမှုမှာ ပိုတော်လာရုံမက

အတော် ပိုလေးနက်တဲ့ အဆိုပြုချက်တစ်ခုကို
တကယ် ဖန်တီးနေတာပါ။

ဘဝရဲ့စိန်ခေါ်မှုတွေကို ကိုင်တွယ်ဖို့ 
သင့်ကိုသင် ယုံကြည်နိုင်တယ်လို့ ပြောနေတာပါ။

ဒါတွေကို သင်တစ်ယောက်တည်း ရင်ဆိုင်ဖို့
မလိုဘူးဆိုတာ အမှတ်ရနေတာပါ။

ကျေးဇူးတင်ပါတယ်။

(လက်ခုပ်သံများ)

Chris Anderson: ခင်ဗျား
ပြောပြနေတာက အံ့သြစရာမျိုးပါ၊

စိတ်ဖိစီးမှုနဲပတ်သက်တဲ့ ယုံကြည်မှုတစ်ခုဟာ 
လူတစ်ဦးရဲ့ သက်တမ်းမျှော်လင့်ချက်ကို

ခြားနားအောင်လုပ်နိုင်တာက 
ကျွန်တော့အတွက် အံသြစရာဖြစ်ပုံရတယ်။

ဒါကိုဘယ်လို တိုးချဲ့ အကြံပေးမလဲ။

ဥပမာ လူတစ်ဦးဟာ စိတ်ဖိစီးမှုများတဲ့အလုပ်နဲ့

စိတ်မဖိစီးတဲ့အလုပ်ကြားက 
ဘဝဟန်တစ်ခုကိုရွေးနေတယ်ဆိုပါုစို့၊

သူတို့ ရွေးတဲ့လမ်းက အရေးပါလား။

သဘောအနနေဲ့ ဒါကို ကိုင်တွယ်နိုင်တယ်လို့
ယုံကြည်သရွေ့

ဖိစီးမှုများတဲ့အလုပ်ကို ရွေးတာက 
အမြှော်မမြင်ရှိတာ အတူတူ လား။

KM: ဟုတ်တယ်၊ အသေအချာသိတဲ့
တစ်ခုက အဓိပ္ပာယ်နောက်

လိုက်တာက ကသိကအောက်
ဖြစ်တာကို ကြိုးစားရှောင်တာထက်

ကျန်းမာရေးအတွက် ပိုကောင်းစေတာပါ။

ဒါနဲ့ ကျွန်မပြောချင်တာက 
ဆုံးဖြတ်ချက်တွေချဖို့ အကောင်းဆုံးနည်းက

ကိုယ့်ဘဝမှာ အဓိပ္ပာယ် ဖန်တီးပေးတာ
နောက်ကိုလိုက်တာဖြစ်ပြီး

နောက်ကပါတဲ့ ဖိစီးမှုကို 
ကိုင်တွယ်ဖို့ မိမိကိုယ်ကိုယ်ယုံကြည်တာပါ။

CA: ကျေးဇူးတင်တယ်၊ Kelly 
သိပ်ကိုမိုက်ပါတယ်။

(လက်ခုပ်သံများ)