إذاعة غرب ألمانيا
دي قصة سان مارتين
القصة دي حصلت من زمان جدا
في الوقت ده كان سان مارتين اسمه
مارتين
أنا اسمي مارتين
مارتين كان عسكري روماني
وكان عنده حصان
دِرع
خُوذة
رِداء أحمر
وسيف
مارتين ما كانش عايز يحارب بالسيف
علشان كان بيحب كل الناس
أنا جاي
مارتين كان بيساعد المرضى
أنا موجوع
اتفضل
كدة أحسن كتير
وبيدي أكل للجعانين
علشانك
وبيدي الفقراء من فلوسه
باختصار
مارتين كان راجل طيب
في يوم من أيام الشتا
مارتين وصل بالحصان بتاعه مدينة من المدن
الدنيا كانت تلج
والناس كانت سقعانة جدا
الدنيا ساقعة
قدام بوابة المدينة مارتين شاف راجل مسكين
سقعان أكتر من أي حد
علشان ما كانش عنده هدوم يلبسها
محدش اهتم بالراجل المسكين ده
غير مارتين
مارتين كان عايز يساعده
لكن ما كانش معاه حاجة يديها له
ما كانش معها غير حصانه
الدرع بتاعه
الخوذة بتاعته
رداؤه الأحمر
وسيفه
مارتين جات له فكرة كويسة
مارتين شال الرداء بتاعه من على كتفه
مسك سيفه
قسم الرداء نصين
إدى نص للراجل المسكين
ده علشانك
واحتفظ بالنص التاني لنفسه
شكرا جدا
العفو
علشان
مارتين كان راجل طيب
بعد وقت مارتين قرر إنه مش عايز يفضل عسكري
وعايز يبقى راهب
من فضلكو أنا عايز أبقى راهب
مارتين عاش حياة متواضعة وبسيطة
ووزع الحاجات اللي مش محتاجها على الناس
الحاجات دي علشانكو
مارتين كان عايز كل الناس يعيشوا كويس
شكرا
في يوم من الأيام
كان لازم يختاروا أُسقف جديد
الأسقف ده حد مهم في الكنيسة
تفتكروا نختار مين؟
مارتين؟
مارتين
مارتين كان اختيار مناسب جدا
علشان
مارتين كان راجل طيب
لكن علشان مارتين كان متواضع جدا
ما كانش عايز يبقى أسقف
مارتين مارتين مارتين
لما الناس أصروا على موقفهم
مارتين جري منهم واستخبى
في حظيرة الوز
لما الناس اللي كانت بتدورعلى مارتين
قربت من الحظيرة
الوز الشقي عمل إيه؟
الوز عمل أصوات عالية جدا
خلى الناس اللي بتدور على مارتين تاخد بالها
وتلاقيه علطول
وفي الآخر مارتين بقى أسقف
مارتين مارتين
مارتين فضل يحب كل الناس
حتى بعد ما بقى أسقف
يساعد المرضى
كدة أحسن كتير
يوزع أكل على الجعانين
ويدي فلوسه للفقراء
الحاجات دي خلت مارتين شخص مهم جدا عند الناس
وعلشان يوروا له قد إيه هم بيحترموه
سموه القديس مارتين أو سان مارتين
سان مارتين
وده الاسم اللي هو معروف به لحد النهاردة
هو ده اللي حصل
ودي كانت قصة سان مارتين