Եյլի համալսարանի Բեյնեկե հազվագյուտ 
գրքերի ու ձեռագրերի գրադարանում

գտնվում է 240 էջ ունեցող գրքի 
միակ օրինակը:

Ըստ վերջերս արված ածխածնային անալիզի,
այն գրվել է 1420թ,

որի մոմաթղթե էջերը լի են հանգույցանման
ձեռագրով գրված տեքստերով

և կարծես ինչ-որ մեկի երազից վերցված
նկարներով:

Իրական և երևակայելի բույսեր,

թռչող ամրոցներ,

լոգանք ընդունող կանայք,

աստղագիտական դիագամներ,

կենդանակերպի նշաններ,

մարդկային դեմքերով արևներ ու լուսիններ,
որոնք պատկերված են տեքստերի կողքին:

Այս 24x16 սմ չափսերով գիրքը
կոչվում է Վոյնիչի ձեռագիր,

և համարվում է պատմության չբացահայտված
ամենամեծ առեղծվածներից մեկը:

Իսկ ո՞րն է պատճառը:

Ոչ ոք չի կարողանում հասկանալ, թե ինչ է 
այնտեղ գրված:

Այն իր անունը ստացել է Վիլֆրիդ Վոյնիչից՝

լեհ գրքավաճառից, ով գտել էր այն
Հեզիտական մի քոլեջում՝

Իտալիայում, 1912 թվականին:

Նա շփոթված էր:

Ո՞վ է գրքի հեղինակը:

Որտե՞ղ է այն գրվել:

Ի՞նչ են այս տարօրինակ բառերն ու վառ
պատկերները նշանակում:

Ի՞նչ հանելուկ է թաքնված գրքի էջերում:

Նա գնեց գիրքը քոլեջի աղքատ քահանայից

և ի վերջո բերեց այն ԱՄՆ,

որտեղ ավելի քան մեկ դար մասնագետները
դրա շուրջ գլուխ են կոտրում:

Գաղտնագրեր ուսումնասիրողներն ասում են,

որ տեքստն ունի իրական լեզվի 
բոլոր հատկանիշները,

պարզապես այդ լեզվի մասին ոչ ոք 
երբևէ չի լսել:

Ի ապացույց դրան, գոյություն ունեցող
լեզուներում

տառերն ու տառերի խմբերը կիրառվում են
որոշակի հաճախականությամբ,

իսկ Վոյնիչի ձեռագրի լեզուն

ունի նշաններ, որոնք հնարավոր չէ 
գրել պատահականորեն:

Բացի այդ, մենք շատ ավելի շատ բան գիտենք,
քան տեսնում ենք:

Տառերը տարբերվում են գրության ոճով
և չափսերով:

Մի քանիսը փոխառված են այլ գրերից,
բայց մեծ մասն իր նմանը չունի:

Համեմատած մեծ տառերը կոչվել են 
«կախաղան-տառեր»:

Ձեռագիրը ամբողջությամբ զարդարված է

ոլորանման զարդանախշերով:

Թվում է, թե այն գրել են երկու կամ 
ավել մարդիկ,

իսկ նկարչությունն արված է ընդհանրապես
մեկ ուրիշի կողմից:

Տարիների ընթացքում ձեռագրի վերաբերյալ 3
վարկած է ձևավորվել:

Առաջինն այն է, որ այն գրված է
ծածկագրով,

որն իր մեջ գաղտնի միտք է թաքցնում:

Ըստ երկրորդի, այն կեղծիք է և գրված է
գոյություն չունեցող լեզվով՝

դյուրահավատ 
գնորդից գումար կորզելու համար:

Ոմանք կարծում են, որ գրքի հեղինակը
մի միջնադարյան խաբեբա է:

Ոմանք էլ գտնում են, որ հեղինակը հենց
Վոյնիչն էր:

Ըստ երրորդ տեսակետի էլ, ձեռագիրը գրվել է
իրական լեզվով,

սակայն մինչ այժմ անհայտ այբուբենով:

Գուցե միջնադարյան գիտնականները ձգտում էին
ստեղծել այբուբեն մի այնպիսի լեզվի համար,

որով խոսում, բայց դեռ չէին գրում:

Այդ դեպքում Վոյնիչի ձեռագիրը կարող է 
նմանվել ռոնգոռոնգո գրին՝

ստեղծված Զատկի կղզում,

որն այդ քաղաքակրթության 
կործանումից հետո դարձավ անընթեռնելի:

Չնայած նրան, որ ոչ ոք չի կարող կարդալ
Վոյնիչի ձեռագիրը,

մարդիկ մշտապես փորձում են 
գուշակել, թե ինչ է գրված այնտեղ:

Մարդիկ, ովքեր հավատում են, որ ձեռագիրը
այբուբեն ստեղծելու փորձ էր

գտնում են, որ այն հավանաբար
հանրագիտարան է,

որ պարունակում է այն ստեղծած մշակույթի
մասին ամբողջ տեղեկությունը:

Մյուսները գտնում են, որ այն գրվել է 13-րդ 
դարի փիլիսոփա Ռոջեր Բեքոնի կողմից,

ով ձգտում էր հասկանալ քերականության
համընդհանուր օրենքները,

կամ էլ 16-րդ դարի եղիսաբեթյան շրջանի
միստիկ գրող Ջոն Դիի կողմից,

ով զբաղվում էր ալքիմիայով և 
կանխագուշակությամբ:

Ըստ որոշ ծայրահեղ տեսությունների գիրքը
գրել են Իտալիայի վհուկները

կամ էլ նույնիսկ այլմոլորակայինները:

100 տարի տևող փնտրտուքներից հետո

գիտնականները մի փոքր լույս
են սփռել գաղտնիքի վրա:

Բեկումնալից էր ածխածնային 
անալիզը:

Ժամանակակից պատմաբանները նաև գտել
են ձեռագրի սկզբնաղբյուրն ու անցած ուղին՝

1612 թ. այն եղել է Հռոմում և Պրահայում,

և հավանաբար Սուրբ Հռոմեական կայսրության
կայսեր Ռուդուլֆ II-ի կողմից

փոխանցվել իր բժիշկ Հակոբ Սինապիուսին:

Ի հավելում պատմական այս բեկումնալից
դեպքերի

լեզվաբանները կարծես թե գտել են
ձեռագրի որոշ բառերի

նախնական իմաստները:

Հնարավո՞ր է արդյոք, որ այս 7 աստղերի
կողքին գրված բառը լինի Tauran,

դա Ցլի անվանումն է, Պլեադա 
կոչվող համաստեղության մեջ,

որը ներառում է 7 աստղ:

Կարո՞ղ է այս բառը լինել Centaurun,
նշանակելով Centaurea բույսը՝ տերեփուկը:

Միգուցե, սակայն նման առաջխաղացումը
դանդաղ է:

Ի՞նչ կգտնենք, եթե կարողանանք
գաղտնազերծել գրվածը:

15-րդ դարում ապրող նկարչի 
երազների գի՞րքը:

Մի փունջ անհեթեթությու՞ն:

Թե՞ մի մոռացված մշակույթի անհետ կորած
գիտելիքները:

Իսկ դուք ի՞նչ եք կարծում: