ခင်ဗျားတို့ဟာ လက်ချောင်းများဖြင့်
အများဆုံး ဘယ်လောက်အထိ တွက်နိုင်ကြလဲ။
အဲဒီလို မေးခွန်းအတွက် အဖြေဟာ
ရှင်းရှင်းလေးပါ။
တကယ်တော့၊ ကျွန်တော်တို့ အားလုံးမှာ
လက်ဆယ်ချောင်း၊
ပိုပြီး တိကျအောင် ပြောရင်၊
လက်မ နှစ်ခုနဲ့ လက်ရှစ်ချောင်း ရှိကြလို့ပါ။
အဲဒါကြောင့် လက်နှစ်ဘက် ပေါင်းလိုက်ရင်
ဂဏန်း ဆယ်လုံးကို ရပါတယ်၊
အဲဒါကို သုံးပြီး တစ်ဆယ်အထိ ရေတွက်ကြတယ်။
နံပါတ်တွေအတွက် ကျွန်တော်တို့ အသုံးပြုကြတဲ့
သင်္ကေတတွေကို ဂဏန်းများဆိုပြီး ခေါ်ကြတာ
အကြောင်းမဲ့ မဟုတ်ပါ။
ဒါပေမဲ့ တွက်ရန် နည်းလမ်းက အဲဒါ
တစ်ခုတည်း မကပါ။
တချို့ကိစ္စများမှာ လက်တစ်ဘက်တည်းကို
သုံးပြီး ဆယ့်နှစ်အထိ တွက်ရတတ်တယ်။
ဘယ်လိုများလဲ။
လက်ချောင်းတိုင်းမှာ သုံးဆစ်စီ ပါရှိပါတယ်၊
ပြီးတော့ သဘာဝက ပေးထားတဲ့ ညွှန်းစရာ
လက်မဆိုတာ ကျွန်ုပ်တို့မှာ ရှိပါတယ်။
အဲဒါက လက်တစ်ဘက်ကို သုံးပြီး ဆယ့်နှစ်အထိ
လွယ်ကူစွာ ရေတွက်နိုင်တဲ့ နည်းပါပဲ။
ကျွန်ုပ်တို့က ပိုကြီးတဲ့
ဂဏန်းတွေကို တွက်ရန် လိုလျှင် ကျန်တဲ့
လက်တစ်ဘက်မှာ ဆယ့်နှစ်ခုစီပါတဲ့
အုပ်စုကို လိုက်ပြီး ၆၀ အထိ မှတ်နိုင်ပါတယ်။
ဒုတိယ လက်ထဲက အဆစ်တွေကို သုံးပြီး
တွက်ခြင်းအားဖြင့်
ဆယ့်နှစ်ခုစီ ပါတဲ့ အုပ်စု ဆယ့်နှစ်ခုကို
တွက်နိုင်ပါတယ်။
အဲဒါကိုက အတော်ကလေး မြင့်မားတဲ့
ရလဒ်
ဖြစ်ပေမဲ့ လက်ထဲက ရေတွက်လို့ ရနိုင်တဲ့
အပိုင်းတွေကို သုံးပြီး ပိုတွက်နိုင်ပါတယ်။
ဥပမာ၊ လက်ချောင်းတိုင်းမှာ အဆစ်သုံးခု
အပြင် ခေါက်ရာ သုံးခု ရှိနေရာ
ရေတွက်လို့ ရနိုင်တဲ့
အရာ ခြောက်ခု ရှိပါတယ်။
အဲဒီတော့ လက်တိုင်းမှာ ၂၄ ခုအထိ ရှိလာရာ၊
နောက်လက်တစ်ဘက်ကို ၂၄ ခုပါတဲ့ အုပ်စု
တွေကို မှတ်ရန်
သုံးရင် ၅၇၆ အထိကို သွားနိုင်ပါပြီ။
အဲဒီထက် မြင့်တက်နိုင်မလား။
အခုကြည့်ရတာ လက်ချောင်းများရဲ့ အစိတ်
အပိုင်းအမျိုးမျိုးကို သုံးပြီး
ရေနိုင်တဲ့ ဘောင်ဆီ ရောက်လာပြီလို့
ထင်ရပါတယ်။
ဒါကို နောက်တမျိုး စဉ်းစားကြည့်ကြရအောင်။
သင်္ချာပညာထဲက အကြီးမားဆုံး
တီထွင်မှုတစ်ခုမှာ
နေရာကို လိုက်ပြီး
တန်ဖိုး ထားပေးရတဲ့ စနစ်ပါ၊
ဂဏန်းတွေ ယူထားကြတဲ့ နေရာကိုလိုက်ပြီး
တန်ဖိုးကို အမျိုးမျိုး သတ်မှတ်ပေးနိုင်တယ်၊
၉၉၉ ဆိုတဲ့ သာဓကထဲမှာလိုပါ။
ဂဏန်း တစ်ခုတည်းကို သုံးကြိမ် သုံးထားပေမဲ့၊
ရပ်နေတဲ့ နေရာကိုလိုက်ပြီး တန်ဖိုးဟာ
လုံးဝ တမျိုးဖြစ်နိုင်ပါတယ်။
နေရာအလိုက် တန်ဖိုး သတ်မှတ်ရေး နည်းကို
သုံးပြီး ခုနက စံချိန်ကို ချိုးနိုင်ပါမယ်။
လက်ချောင်းများထဲက အဆစ်တွေ အကြောင်း
ခဏမေ့လိုက်ပါ၊
လက်ချောင်းတိုင်းဆီမှာ ရွေးစရာ နှစ်ခုစီပဲ
အပေါ် နဲ့ အောက်
ရှိတယ်ဆိုပြီး ယူဆကြပါစို့။
အဲဒီနည်းက တဆယ်ရဲ့ ထပ်ကိန်းကို
သုံးခွင့် မပေးပေမဲ့၊
အဲဒါက နှစ်ရဲ့ ထပ်ကိန်းကို သုံးတဲ့
စနစ်အတွက်၊ တနည်း ဘိုင်နရီ
စနစ်အတွက် သိပ်အဆင်ပြေမှာပါ။
ဘိုင်နရီ စနစ်ထဲတွင် နေရာတိုင်းရဲ့
တန်ဖိုးဟာ အရင်တစ်ခုနဲ့စာရင် နှစ်ဆ ဖြစ်ရာ
ကျွန်ုပ်တို့ရဲ့ လက်ချောင်းတွေကို
တန်ဖိုးတွေကို တစ်၊
နှစ်၊
လေး၊
ရှစ်၊
စသဖြင့် ၅၁၂ အထိ ဆက်တိုက် ပေးနိုင်တယ်။
ပြီးတော့ အပေါင်းလက္ခဏာ ကိန်းပြည့်
မှန်သမျှကို
ခုနက ကိန်းတွေရဲ့ စုပေါင်းမှုအဖြစ်
ဘောင်တစ်ခုခုအထိ ပြသနိုင်ပါတယ်။
ဥပမာ၊ ကိန် ခုနစ်ဆိုရင် ၄+၂+၁ ဖြစ်တယ်။
ဒီတော့ အဲဒီ လက်ချောင်း သုံးခုကို မြှောက်
ပြလျက် ပြပေးနိုင်ပါတယ်။
အလားတူပဲ ၂၅၀ ဟာ
၁၂၈+၆၄+၃၂+၁၆+၈+၂ ဖြစ်ပါတယ်။
ဒီတော့ အခု ဘယ်လောက်အထိ တွက်နိုင်ပြီလဲ။
လက်ဆယ်ချောင်းစလုံးကို မြှောက်ထားချိန်မှာ
ရရှိမယ့် ကိန်း၊ တနည်း ၁၀၂၃ ဖြစ်တယ်။
အဲဒီထက်ကိုရော မြင့်အောင် တွက်နိုင်မလား။
အဲဒါကတော့ ကိုယ့်လက်သွက်မှု အပေါ်မူတည်မယ်။
လက်ချောင်းတိုင်းကို ကျွန်ုပ်တို့က တစ်ဝက်
ချိုးနိုင်ရင် ကွဲပြားတဲ့ အနေအထား သုံးခု-
အောက်၊
တစ်ဝက်ချိုး၊
ဖြန့်ထား ရမယ်။
အခုတော့ ခုနက သုံးခုသုံး စနစ်ကို သုံးပြီး
၅၉၀၄၈ အထိကို ရေတွက်နိုင်မယ်။
တကယ်လို့ ကျွန်ုပ်တို့ဟာ လက်ချောင်းတွေကို
အနေအထား လေးခု သို့မဟုတ် ပိုများအောင်
ချိုးနိုင်ရင် ပိုမြင့်တဲ့
အထိ သွားနိုင်မယ်။
တကယ်တော့ အဲဒီဘောင်ဟာ ကျွန်ပ်တို့ရဲ့
ပျော့ပျောင်းမှုနဲ့ ကြံဆမှုအပေါ် မူတည်တယ်။
ကျွန်ုပ်တို့ရဲ့ လက်ချောင်းတွေကို အနေအထား
နှစ်ခုဖြင့်
သုံးရုံနဲ့တောင် အတော့်ကို
အလုပ်ဖြစ်နေကြပြီပဲ။
တကယ်ကျတော့၊ ကျွန်ုပ်တို့ရဲ့ ကွန်ပျူတာတွေ
ကလည်း အဲဒီမူကိုပဲ အခြေခံထားကြတာပါ။
ချီပ်သေးသေးလေး တိုင်းစီမှာ
သေးနုပ်တဲ့ လျှပ်စစ် ခလုတ်ပါရှိရာ
ပိတ်ထား သို့မဟုတ် ဖွင့်ထားနိုင်တယ်၊
ဆိုလိုတာက ၎င်းတို့အတွက်ပါ
ကိန်းဂဏန်းပြရန် အခြေခံဟာ နှစ်ပါပဲ။
ကျွန်ုပ်တို့က ၁၀၀၀ အထက် ရေတွက်ရန်
လက်ချောင်း လေးချောင်းတည်းကို သုံးနိုင်သလို
ကွန်ပျူတာတွေကလည်း ၁ တွေ နဲ့ ၀ တွေကို
ရေတွက်ရင်း တွက်ချက်မှုတွေ
ဘီလီယံချီကို ပြုလုပ်နိုင်စွမ်း ရှိကြတာပါ။