பின்னால் தெரிவது எனக்கு இருந்த
மூளைப் புற்று நோயின் படம்
நன்றாக இருக்கிறதா?
(சிரிப்பு)
கவனியுங்கள். அது "இருந்தது"
(பெரு மூச்சு)
(கர கோஷம்)
உங்களுக்குத் தெரியும் எனக்கு
மூளைப் புற்று நோய் என்ற செய்தி
எவ்வளவு அதிர்ச்சி தந்திருக்கும் என்று
எனக்குப் புற்று நோயைப் பற்றி
ஒன்றும் தெரியாது
மேலைக் கலாச்சாரத்தில்
உங்களுக்கு புற்று நோய் வந்தால்
எப்படியும் நீங்கள் இறந்தது போலத் தான்
ஒரு மனிதனான உங்கள் மேலான வாழ்க்கை
மருத்துவத் தரவுகளாக ஆகி விடுகிறது
உ ங்களுடைய படங்கள், பரிசோதனைகள்
ஆய்வுகூட முடிவுகள்
மருந்துகளின் பட்டியல் என்று
எல்லோருமே மாறி விடுகின்றனர்
திடீரென வியாதியின் உருவமாகி விடுகிறீர்கள்
டாக்டர்கள் உங்களுக்குத் தெரியாத மொழியில்
பேசத் தொடங்குகிறார்கள்
அவர்கள் உங்களின் உடல் மீதும்
படங்கள் மீதும்
சுட்டிக் காட்டத் தொடங்குவார்கள்
மக்களும் மாறத் தொடங்குகிறார்கள்
ஏனெனில் அவர்கள் உங்கள் வியாதியைக்
கையாளத் துவங்குகிறார்கள்
ஒரு மனிதனான உங்களிடம் உறவாடுவதில்லை
"டாக்டர் என்ன சொன்னார்"
என்று கேட்பார்கள்
" ஹலோ" கூடச் சொல்வதற்கு முன்பாக.
இதற்கு நடுவில்
ஒருவரும் பதில் தராத கேள்விகள்
உங்களுக்கு ஏற்படத் தொடங்கும்
இவைகள் "நான் செய்யலாமா?" கேள்விகள்:
புற்று நோய் இருந்தால் பணிக்கு செல்லலாமா?
நான் படிக்கலாமா? உடலுறவில் ஈடுபடலாமா?
புதியதாக எதையாவது செய்யலாமா?
"இப்படியாவதற்கு என்ன பாவம் செய்தேன்"
என்று புலம்புவீ ர்கள்
" வாழ்க்கை பாணியில் எதை மாற்றிக் கொள்ள
வேண்டும்" எனக் குழம்புவீ ர்கள்
"என்னால் ஏதாவது செய்ய முடியுமா"
என்று அங்கலாய்ப்பீர்கள்
மீள வழியில்லையா? "என ஏங்குவீ ர்கள்
இந்தச் சூழ்நிலையில் சந்தேகமில்லாமல்
டாக்டர்கள் தான் நல்லவர்கள்
ஏனெனில் அவர்கள் விஷயம் தெரிந்த நிபுணர்கள்
உங்களைக் குணப்படுத்த முயல்கிறார்கள்
நோயாளிகளைக் கையாளுவது அவர்களுக்கு
கை வந்த கலை
சில வேளைகளில் இது உங்களுக்கு சித்திரவதை
என்பதை மறந்து விடுகிறார்கள்
நீங்கள் பேஷன்டாகவே ஆகி விடுகிறீர்கள்
அதாவது பொறுமையின் சிகரமாக.
"பேஷன்ட்" என்றால் "
"பொறுமையுடன் காத்திருப்பவர்"
(சிரிப்பு)
விஷயங்களில் மாற்றம் - ஆனால் மேலும் மோசமாக
உங்கள் நிலையைத் தெரிந்து கொள்ள
எந்த விதத்திலும் அனுமதிக்க மாட்டார்கள்
உங்கள் நண்பர்கள் , குடும்பம் எவரிடமும்
பகிர்ந்து கொள்ள மாட்டார்கள்.
வாழ்க்கைப் பாணியை மாற்றிக் கொள்ள
வழி சொல்ல மாட்டார்கள்
உங்கள் அனுபவத்தின் அபாயத்தை
குறைக்கவும் வழி இல்லை
ஆனால் நீங்கள் கட்டாயமாக,
பல முன்பின் தெரியாத
வல்லுனர்களின் கைகளில்
ஒப்படைக்கப்படுகிறீர்கள்
நான் மருத்துவமனையில் இருக்கும் போது
என்னுடைய புற்று நோயின்
படத்தின் நகல் ஒன்று கேட்டேன்
பிறகு அதனுடன் நான் பேசினேன்
அந்தப் படம் கிடைப்பது கடினமாக இருந்தது
உங்கள் புற்று நோயின் படத்தை நீங்களே
கேட்பது பொதுவாக நடப்பதில்லையல்லவா?
நான் அதனுடன் சொன்னேன்
" ஓகே, புற்று நோயே,
நீ என்னை ஆக்கிரமிக்க முடியாது
என் மற்ற பரிமாணங்களும் இருக்கின்றன
"என் சிகிச்சை, அது எதுவானாலும்
என்னை முழுமையாகக் கையாள வேண்டும்"
அடுத்த நாள் டாக்டரின் ஆலோசனையைப்
புறக்கணித்து ஹாஸ்பிடலலிருந்து வெளியேறினேன்
புற்று நோயுடன் எனக்குள்ள உறவை
மாற்றிக் கொள்ள உறுதி கொண்டேன்
என் புற்று நோயைப் பற்றி மேலும்
தெரிந்து கொள்ள நிச்சயித்தேன்
அறுவைச்சிகிச்சை போலத் தீவிரமான
எதையும் செய்வதற்கு முன்பு
நான் ஒரு கலைஞன். பல விதமான (Open Source)
திறந்த வெளி நுட்பங்களை பயன்படுத்துகிறேன்
என் தொழிலிலும் திறந்த தகவல்களை
பயன்படுத்துகிறேன்.
ஆகையால் நான் செய்யக்கூடியதெல்லாம்
தேவையான தகவல்களை அங்கிருந்து பெறுவதே
பிறகு எவரும் தெரிந்து கொள்ளும் வகையில்
அதைப் பயன்படுத்துவது
ஆகையால் La Cura ( லா க்யூரா) என்ற
இணையதளத்தை உருவாக்கினேன்
என் மருத்துவ தகவல்களை
அதில் இணைத்தேன்
ஒருவரும் அறியாமல் எடுக்க வேண்டி வந்தது
அதைப்பற்றி மற்றொரு முறை பேசுவோம்
(சிரிப்பு)
என் இணையதளத்திற்கு " லா க்யூரா"
என்று பெயரிட்டேன்
"லா க்யூரா" என்றால் இத்தாலிய மொழியில்
" சிகிச்சை"
ஏனெனில் பல்வேறு கலாச்சாரங்களில்
"சிகிச்சை" என்பதன் பொருள்
வெவ்வேறு விதமாக இருக்கலாம்
நம் மேற்கு நாடுகள் கலாச்சாரத்தில்
அது ஒரு வியாதியை நீக்குவது அல்லது
ஒழிப்பது என்று பொருள் படுகிறது
ஆனால் வெவ்வேறு கலாச்சாரங்களில்
உதாரணத்திற்கு ஆசிய கலாச்சாரத்தில்
மத்திய தரைக் கடல் சார்ந்தவற்றில். லத்திய
நாடுகளில், ஆப்ரிக்காவில்
அதன் பொருள் பலவிதமாக இருக்கலாம்.
நிச்சயமாக டாக்டர்களின் கருத்தில்
எனக்கு அக்கறை இருந்தது
அதேபோல் மருத்துவத் துறை சார்ந்தோர்
கருத்திலும்
ஆனால் ஒரு கலைஞனின் மற்றும் கவிஞனின்
சிகிச்சையிலும் எனக்கு ஆர்வமிருந்தது
அதே போல் ஒரு வடிவமைப்பாளனரின்
ஒரு சங்கீதக் கலைஞனின்
ஒரு சமூகச் சிகிச்சையிலும் ஆர்வமிருந்தது
மனவியல் சிகிச்சையிலும் ஆர்வமிருந்தது
எனக்கு ஆன்மா சிகிச்சையிலும் ஆர்வமிருந்தது
எனக்கு உணர்வு பூர்வ சிகிச்சையிலும்
ஆர்வமிருந்தது
எந்த விதமான சிகிச்சையானாலும்
அதை அறிந்து கொள்ள ஆர்வம்
அது பயனளித்தது
தி லா க்யூரா இணையதளம்
வைரஸ் போல் பெருகியது
இத்தாலியிலும் வெளி நாடுகளிலும்
ஊடகம் என்னைப் பிரபலமாக்கியது
எனக்கு 500,000 க்கும் அதிகமான
தொடர்புகள் கிட்டின
மின்னஞ்சல் மற்றும் வலையதளம் மூலமாக
அவைகளில் பெரும்பான்மையானவை
என் புற்று நோயைக் குணப்படுத்த ஆலோசனைகள்
ஆனால் அவைகளில் அதிகமானவைகள்
என்னை எவ்வாறு
முழு மனிதனாக மாற்றுவது என்பது பற்றியது
உதாரணத்திற்கு
பல ஆயிரக் கணக்கான வீடியோக்கள்
படங்கள், ஓவியங்கள், கலை நிகழ்ச்சிகள்
"லா க்யூரா" விற்காக தயாரிக்கப்பட்டன
உதாரணத்திற்கு இதோ
ஃப்ரான்ஸெஸ்கா ஃபினியின் நிகழ்ச்சி
அல்லது பாட்ரிக் லிக்டி செய்தது போல
அவர் என் ட்யூமர் கட்டியின் 3D சிற்பம்
ஒன்றை உருவாக்கினார்
பிறகு அதை "Thingverse" ல்
விற்பனைக்கு போட்டார்
இப்பொழுது என் புற்று நோயை
நீங்கள் பெறலாம்
(சிரிப்பு)
நீங்கள் சற்று சிந்தித்துப் பார்த்தால்
அது இனிமையான விஷயமல்லவா?
நம் புற்று நோயை
பகிர்ந்து கொள்ளலாம்
இது மேலும் தொடர்ந்து கொண்டிருந்தது
விஞ்ஞானிகள், பாரம்பரிய மருத்துவ நிபுணர்கள்
பல ஆராய்ச்சியாளர்கள், டாக்டர்கள்
எல்லோருமே ஆலோசன தர
என்னுடன் தொடர்பு கொண்டார்கள்
இந்த அனைத்து தகவல்கள் மற்றும் ஆதரவுடன்
பல நரம்பியல் மருத்துவ நிபுணர்களின்
குழு ஒன்றை என்னால் அமைக்க முடிந்தது
பாரம்பரிய டாக்டர்கள்
புற்று நோய் நிபுணர்கள், மற்றும்
பல நூறு தொண்டர்கள்
அனைவரிடமும் என்னால்
கலந்தாலோசிக்க முடிந்தது
எனக்கு கிடைக்கும் தகவல்கள்
மிக முக்கியமானதாக இருந்தன
அனைவரும் இணைந்து என் சிகிச்சையைத்
திட்டமிட முடிந்தது
பல மொழிகளிலும், பலரின் பாரம்பரியப்படியும்
அதைச் செய்ய முடிந்தது
தற்பொழுதைய சிகிச்சை திட்டம்
உலகம் முழுவதிலிருந்தும்
பல்லாயிரம் ஆண்டுகள் மனித அனுபவமும்
கொண்டதாக இருந்தது
அது என் பெரும் பேறு அல்லவா?
(அறுவைச் சிகிச்சை)
அதிர்ஷ்டவசமாக, அதன் பிறகான MRI கள்
புற்று நோய் பிறகு வளரவில்லை என்று காட்டின
ஆகையால் எனக்கு போதிய அவகாசமும்
தேர்ந்தெடுக்க வாய்ப்பும் கிட்டியது
எனக்கு உகந்த டாக்டரைத் தேர்ந்தெடுத்தேன்
நான் விரும்பிய
மருத்துவமனையைத் தேர்ந்தெடுத்தேன்
இதற்கிடையில் ஆயிரக் கணக்கான மக்கள்
எனக்கு ஆதரவு கொடுத்தார்கள்
அவர்களில் ஒருவர் கூட எனக்காக
பரிதாபப்படவில்லை
அனைவரும் தங்களால் பயன் தரும்
பங்களிக்க முடியுமெனெ எண்ணினார்கள்
நான் நலமடைய உதவினார்கள்
"லா க்யூராவின்" மிக முக்கியமான
அம்சம் இது தான்
இதன் பலாபலன்கள் என்ன ?
உங்களுக்கு தெரிவது போல் நான் நலமே
மிகவும் நலமே
(கர கோஷம்)
ஒரு அருமையான செய்தி
அறுவைச் சிகிச்சைக்குப் பிறகு -
எனக்கு - எனக்கிருந்தது
மிக குறை-நிலை கிளையோமா
அதாவது அது ஒரு "நல்ல" வகை புற்று நோய்.
அதிகமாக வளராது
என் வாழ்க்கையையும் அதன் பாணியையும்
முழுவதுமாக மாற்றிக் கொண்டு விட்டேன்
என்னை ஆயத்தம் செய்து கொள்ள செய்த
அனைத்தும் சிந்தித்து செயல்படுத்தப்பட்டது
அறுவைச் சிகிச்சைக்கு
சில நிமிடங்கள் முன்பு வரையிலும்.
அது மிகத் தீவிரமான சிகிச்சை
என் மூளைக்குள் பல "எலெக்ட்ரோட்ஸ்"
(மின் வாய்கள்) பதிக்கப்பட்டன.
இந்தப் பக்கத்திலிருந்து-
இவைகள் மூளை கட்டுப்படுத்தும்
செயல்பாடுகளை உருவாக்கும்
இதனால் அறுவைச் சிகிச்சைக்கு முன்பே
எங்களால் என் மூளையின் செயல்பாட்டை
டாக்டருடன் கலந்தாலோசிக்க முடிந்தது
நான் எடுத்துக் கொள்ளும் அபாயங்களைப்
புரிந்து கொள்ள முடிந்தது.
நான் தவிர்க்க வேண்டியவை பற்றி
சிந்திக்க முடிந்தது
நிச்சயமாக சில இருந்தன
[ஒளிவு மறைவின்மை]
இந்த ஒளிவு மறைவின்மையே
"லா க்யூராவின்" அடிப்படையான விஷயம்
ஆயிரக்கனக்கான மக்கள் தங்கள் கதைகளையும்
அனுபவங்களையும் பகிர்ந்து கொண்டார்கள்
புற்று நோய் பற்றி பேசுகையில்
தாங்கள் கலந்து பேசாத மக்களிடம்
டாக்டர்கள் பேசினார்கள்
நான் என்னாலாயே உருவாக்கப்பட்ட
ஒரு தொடர் நிலையிலுள்ள மொழிபெயர்ப்பானேன்.
பல்வேறு மொழிகளுக்கிடையில்.
அங்கு விஞ்ஞானம் உணர்ச்சிகளைச் சந்திக்கிறது
வழக்கமாக செய்யப்படும் ஆராய்ச்சி
பாரம்பரிய ஆராய்ச்சியைச் சந்திக்கிறது
(சமுதாயம்)
" லா க்யூராவின்" மிக முக்கியமான விஷயம்
உண்மையில் ஈடுபாடுடைய பிணைக்கப்பட்ட
சமுதாயத்தின் ஒரு பாகமாக உணர்ந்ததே
சமுதாயத்தின் நலம் உண்மையில் அதன்
பாகங்களின் நலத்தைப் பொறுத்திருக்கிறது
உலகளவிலான இந்த செயல்பாடு தான்
புற்றுநோய்க்கு என் திறந்த வெளி-வள சிகிச்சை
நான் எண்ணுகிறேன்
அது எனக்கு மட்டுமல்ல
அனைவருக்குமான சிகிச்சை என்று,
நன்றி
(கரகோஷம்)