ရာစုနှစ် အနည်းငယ်အတွင်းမှာ 
မိုက်ခရိုစကုပ်တွေဟာ

ကမ္ဘာကြီးကို ပြောင်းလဲပစ်ခဲ့ပါတယ်။

၎င်းတို့ဟာ ကျွန်တော်တို့ သာမန်မျက်စိနဲ့
မြင်မရနိုင်တဲ့

သေးနုပ်တဲ့ အရာများ သက်ရှိများ နဲ့ ပုံစံများကို
ဖွင့်ထုတ်ပြပေးခဲ့ကြပါတယ်။

၎င်းတို့ဟာ သိပ္ပံပညာ နဲ့ နည်းပညာကို
ကြီးမားစွာ ထောက်ကူခဲ့ကြပါတယ်။

ဒီနေ့တော့ ကျွန်တော်ဟာ ခင်ဗျားတို့ကို
ပုံစံသစ် မိုက်ခရိုစကုပ်နဲ့

မိတ်ဆက်ပေးချင်ပါတယ်၊

အပြောင်းအလဲများကို 
အသုံးပြုတဲ့ မိုက်ခရိုစကုပ်ပါ။

၎င်းဟာ သေးငယ်တဲ့ 
အရာများကို ပုံချဲ့ပေးရန်

ပုံမှန် မိုက်ခရိုစကုပ်လို
မှန်ဘီလူးတွေကို အသုံးမပြုဘဲ၊

ဗီဒီယို ကင်မရာ နဲ့ ပုံတွေကို
စီမံဆန်းစစ်မှုကို သုံးပြီး

ပစ္စည်းများ နဲ့ လူတွေထဲက 
မသိသာတဲ့ လှုပ်ရှားမှုများ နဲ့

အပြောင်းအလဲများကို 
ဖေါ်ထုတ်ပေးတယ်၊

သာမန်မျက်စိနဲ့ မြင်မရနိုင်တဲ့
အပြောင်းအလဲတွေပါပဲ။

အဲဒါကြောင့်မို့လို့ ကမ္ဘာကြီးကို 
လုံးဝတမျိုး မြင်လာနိုင်ပါတယ်။

ကျွန်တော် ပြောတဲ့ အရောင်းပြောင်းလဲမှုများကို
ရှင်းပြပါမယ်။

ကျွန်တော်တို့ရဲ့ အရေပြားရဲ့ အရောင်ဟာ
မသိမသာ ပြောင်းလဲတတ်ပါတယ်

၎င်းရဲ့ အောက်မှာ သွေးစီးမှုကြောင့်ပါ။

အပြောင်းအလဲဟာ သိပ်ကို မသိမသာကလေးပါ၊

အဲဒါကြောင့်မို့လို့ ကျွန်တော်တို့ရဲ့
ဘေးမှာ ထိုင်နေသူကို

ကြည့်ကြည့်နေရင်းတောင်၊

သူတို့ရဲ့ အရေပြား ဒါမှမဟုတ်
မျက်နှာ အရောင်ပြောင်းတာကို မမြင်ကြပါ။

ဒီမှာ ရှိနေတဲ့ Steve ရဲ့ ပုံကိုကြည့်ရင်
လုံးဝငြိမ်သက်နေပါတယ်၊

ဒါပေမဲ့ ဒါကိုပဲ ကျွန်ုပ်တို့ရဲ့ အသစ်ဖြစ်တဲ့
အထူးမိုက်ခရိုစကုပ်နဲ့ ကြည့်ရင်တော့၊

ရုတ်ခနဲဆိုသလို လုံးဝကို မတူတဲ့
ပုံကို မြင်ကြရမှာပါ။

ဒီမှာ ခင်ဗျားတို့ မြင်နေရတာက အဆ ၁၀၀
ချဲ့ထားလို့ မြင်လာရတဲ့

Steve ရဲ့ အရေပြားထဲက 
မသိမသာ ပြောင်းလဲမှုတွေပါ။

ကျွန်တော်တို့ဟာ လူတယောက်ရဲ့
နှလုံးခုန်နှုန်းကို မြင်နေကြရခြင်းပါပဲ။

ကျွန်တော်တို့ဟာ Steve ရဲ့
နှလုံးခုန်နှုန်းကို မြင်ကြရုံသာမက၊

သူ့မျက်နှာပေါ်မှာ လက်တွေ့တွင်
သွေးစီးဆင်းနေပုံကိုပါ မြင်နိုင်ပါတယ်။

ကျွန်တော်တို့ အဲဒီလုပ်ကြတာက
နှလုံးခုန်နှုန်းကို မြင်ရဖို့အတွက်သာမက၊

နှလုံးခုန်နှုန်းကို ဖေါ်ထုတ်ပေးရန်နဲ့

တိုင်းထွာနိုင်ဖို့အတွက်လည်း ဖြစ်ပါတယ်။

ပြီးတော့ ရိုးရိုးကင်မရာတွေကို သုံးပြီး
လူနာကို မထိမတို့ရဘဲနဲ့ လုပ်နိုင်ပါတယ်။

အခု မြင်နေရတာက အဲဒီလို ရယူထားတဲ့ 
မွေးကင်းစကလေးငယ်ရဲ့

သွေးခုန်နှုန်း နဲ့ နှလုံးခုန်နှုန်းပါပဲ

ရိုးရိုး DSLR camera နဲ့ ရိုက်ထားတဲ့
ဗီဒီယိုထဲမှ ရယူခဲ့ရာ

နှလုံးခုန်နှုန်းဟာ ဆေးရုံထဲက
သာမန် စောင့်ကြည့်စက်နဲ့ မရနိုင်တဲ့

တိကျမှုမျိုးနဲ့ ရရှိခဲ့ပါတယ်။

ပြီးတော့ အဲဒီလို ဗီဒီယိုကို
ကျွန်တော်တို့ကမှ ရိုက်ရမယ်လို့ မဆိုလိုပါ။

ဘယ်ဗီဒီယိုနဲ့မဆို ကျွန်တော်တို့
အဲဒီလို လုပ်ပေးနိုင်ကြပါတယ်။

ဥပမာအဖြစ်၊ ကျွန်တော်ဟာ "Batman Begins" ထဲက

ရိုက်ကွက်အတိုကို ယူပြီး

Christian Bale ရဲ့ သွေးခုန်နှုန်းကို 
ပြပေးထားပါတယ်။

(ရယ်မောသံများ)

ခင်ဗျားတို့ သိကြသလို
သူဟာ မိတ်ကပ်တွေကို သုံးထားကာ

ဒီထဲက အလင်းရောင်ဟာ သိပ်မကောင်းတာတောင်၊

အဲဒီလို ဗီဒီယိုကို သုံးပြီး
ကျွန်တော်တို့ဟာ

သူ့နှလုံးခုန်နှုန်းကို ရယူနိုင်ခဲ့ရာ

ကောင်းကောင်းကို မြင်နိုင်ကြပါတယ်။

ဒီတော့ ဒါတွေကို ကျွန်တော်တို့ ဘယ်လိုများ
လုပ်ကိုင်ကြတာလဲ။

ကျွန်တော်တို့ဟာ ဗီဒီယိုထဲက
ပီခ်ဆယ်တိုင်းရဲ့

အချိန်အလိုက် အလင်းရောင် ပြောင်းလဲမှုတွေကို
တိုင်းယူပြီး

အဲဒီအပြောင်းအလဲတွေကို
အရှိန်ဖြင့် ကြည့်ကြတာပါ။

ကျွန်တော်တို့ဟာ ၎င်းတို့ကို
ပိုကြီးအောင် လုပ်ပေးလို့ မြင်လာနိုင်ပါတယ်။

အခက်ဆုံး အလုပ်က
ကျွန်တော်တို့ လိုက်ရှာနေကြတဲ့

အဲဒီလို အချက်ပြမှုတွေဟာ
သိပ်ကို မသိသာလွန်းလို့၊

ဗီဒီယိုထဲမှာ အစဉ်ပဲ ပါလာလေ့ရှိကြတဲ့

ဆူညံသံများမှ ခွဲထုတ်ယူကြရာမှာ

သိပ်ကို သတိဖြင့် လုပ်ကိုင်ရန် လိုပါတယ်။

အဲဒါကြောင့် ကျွန်တော်တို့ဟာ
သိပ်ကို စမတ်ကျတဲ့ ပုံများအား ဆန်းစစ်ရေး

နည်းပညာတွေကို သုံးပြီး ဗီဒီယိုထဲက
ပီခ်ဆယ်တိုင်းရဲ့ အရောင်ကို

ပြီးတော့ အချိန်အလိုက် 
အရောင်ရဲ့ ပြောင်းလဲမှုကို

တိကျစွာ တိုင်းကြကာ၊

ရတဲ့ ပြောင်းလဲမှုတွေကို ချဲ့ယူကြပါတယ်။

အဲဒီလို အပြောင်းအလဲတွေကို ကျွန်တော်တို့ကို

တကယ့်ကို ပြသပေးရန်

ကျွန်တော်တို့ဟာ ခုနကလို မြှင့်တင်ထားတဲ့
ဒါမှမဟုတ်

ပုံချဲ့ထားတဲ့ ဗီဒီယိုတွေကို ရရှိပါတယ်။

ပြီးတော့ အရောင်ဆိုင်ရာ မသိသာတဲ့
အပြောင်းအလဲတွေကိုသာမက

မသိသာတဲ့ လှုပ်ရှားမှုတွေကိုပါ တိုင်းနိုင်တာကို
တွေ့လာကြပါတယ်၊

ကျွန်တော်တို့ ကင်မရာတွေကို
ရိုက်ထားတဲ့ ထဲမှာ

အလင်းရောင် ပြောင်းလဲမှုတွေကိုသာမက၊

ပစ္စည်းတွေရဲ့ လှုပ်ရှားမှုကိုပါ 
မြင်တွေနိုင်လို့ပါပဲ။

ဒါကတော့ နှစ်အရွယ် ကျွန်တော့ သမီးလေးပါ။

လွန်ခဲ့တဲ့ သုံးနှစ်တုန်းက
ကျွန်တော် ရိုက်ယူခဲ့တဲ့ ဗီဒီယိုပါ။

မွေးခါစ ကလေးရဲ့ မိဘတွေဆိုတော့

ကျွန်တော်တို့ရဲ့ ကလေးဟာ ကျန်းမာရဲ့လား

အသက်ရှူနေရဲ့လား၊ အသက်ရှင်လျက်
ရှိရဲ့လားကို

သိပ်သိလိုကြတာ အမှန်ပါပဲ။

အဲဒါနဲ့ ကျွန်တော်ကလည်း
ကလေးတွေကို

စောင့်ကြည့်ဖို့ သုံးကြတဲ့

စက်ကို ဝယ်ယူခဲ့ပြီး သမီးလေး
အိပ်နေတုန်း စောင့်ကြည့်ခဲ့ပါတယ်။

အဲဒီလို ပုံမှန် ကလေးစောင့်ကြည့်စက်နဲ့ဆိုရင်

မြင်ရမှာက ဒါမျိုးဖြစ်ပါတယ်။

ကလေး အိပ်လျက် ရှိနေတာကို ခင်ဗျားတို့

မြင်နိုင်ကြပေမဲ့ ဒေတာဟာ နည်းလှပါတယ်။

ကျွန်တော်တို့ မြင်နိုင်တာလည်း
သိပ်မများလှပါဘူး။

ကျွန်တော်တို့ဟာ ဒါကိုပဲ
ဒီလိုပုံစံမျိုးအဖြစ်

ကြည့်နိုင်ကြမယ်ဆိုရင်

ပိုပြီးတော့ အချက်အလက်တွေရပြီး

ပိုလို့ကို အသုံးဝင်မယ် မဟုတ်ပါကလား။

အဲဒါနဲ့ ကျွန်တော်ဟာ အဲဒီထဲက 
လှုပ်ရှားမှုတွေကို

ယူလိုက်ကာ အဆ ၃၀ ချဲ့လိုက်ပါတယ်၊

ဒီလိုကျမှ ကျွန်တော့ သမီးဟာ 
တကယ့်ကို အသက်ရှင်လျက်

အသက်ရှူနေတာကို မြင်နိုင်လာတယ်။

(ရယ်မောသံများ)

ထပ်ပြီးတော့ ဘေးချင်းယှဉ်ပြီး 
ကြည့်နိုင်ပါသေးတယ်။

ဒါပေမဲ့၊ ထပ်ပြောရရင်၊
မူရင်း ဗီဒီယို၊ ရင်းမြစ် ဗီဒီယိုကိုယ်နှိူင်မှာက

ကျွန်တော်တို မြင်နိုင်တာ သိပ်မရှိလှပါ၊

ဒါပေမဲ့ လှုပ်ရှားမှုတွေကို ချဲ့ပေးလိုက်ရင်
အသက်ရှူမှုကို

အထင်အရှား မြင်လာနိုင်ပါတယ်။

ပြီးတော့ ကျွန်တော်တို့ရဲ့
လက်ရှိ မိုက်ခရိုစကုပ် အသစ်နဲ့ဆိုရင်

ကျွန်တော်တို့ဟာ ဖေါ်ထုတ် ချဲ့ပေးနိုင်တဲ့
အရာတွေ

အများကြီးရှိတာကို တွေ့လာပါတယ်။.

ခန္ဓာကိုယ်ထဲက သွေးလွှတ်ကြောနဲ့
သွေးပြန်ကြောတွေ

လှုပ်ကစားနေကြတာ မြင်နိုင်ပါတယ်။

ကျွန်တော်တို့ရဲ့ မျက်လုံးတွေ
တချိန်လုံး

ဒီလိုပုံစံ လှုပ်ကစားနေတတ်ပါတယ်။

တကယ်တမ်းတွင် အဲဒါက ကျွန်တော့မျက်လုံးပါ၊

အဲဒီဗီဒီယိုကိုလည်း
ကျွန်တော့သမီး၏

မွေးပြီးပြီးချင်မှာ ရိုက်ယူခဲ့ရာ၊

ကျွန်တော် အိပ်မရေး မဝထားမှန်း
ခင်ဗျားတို့

မြင်နိုင်ကြပါတယ်။ (ရယ်မောသံများ)

လူတယောက်ဟာ ငြိမ်သက်စွာထိုင်နေတောင်မှ၊

ကျွန်တော်တို့ ထုတ်နှုတ်ရယူနိုင်တဲ့
အချက်အလက်တွေ မနည်းလှပါ၊

အသက်ရှူမှုနဲ့ ဆိုင်တာတွေ၊ မျက်နှာပေါ်က

မသိသာတဲ့ အမူအယာလေးတွေ။

အဲဒီလို လှုပ်ရှားမှုလေးတွေကို သုံးပြီး

ကျွန်တော်တို့ရဲ့ အတွေးအခေါ်တွေ ဒါမှမဟုတ်

စိတ်ခံစားမှုတွေ အကြောင်းကို 
ပြောလို့ရနိုင်ပါတယ်။

ကျွန်တော်တို့ဟာ စက်ပစ္စည်းတွေရဲ့
မသိသာတဲ့ လှုပ်ခါမှုများကို၊

အင်ဂျင်ရဲ့ တုန်ခါမှုလိုမျိုးကို 
တိုင်းထွာနိုင်ကြရာ၊

စက်ဆရာကို စက်ပစ္စည်းဆိုင်ရာ ပြဿနာတွေကို

စူးစမ်းဖေါ်ထုတ်ရေးကို ကူပေးနိုင်တယ်၊

ဒါမှမဟုတ် အဆောက်အဦတွေ လေထဲမှာ
လှုပ်ယမ်းကာ

စွမ်းအားတွေကို တုန့်ပြန်ကြပုံကို မြင်နိုင်ပါတယ်။

အဲဒါတွေ အားလုံးကို 
ကျွန်တော်တို့ လူ့အဖွဲ့အစည်းဟာ

အခြားနည်းလမ်းများဖြင့် တိုင်းတတ်နေပါပြီ၊

ဒါပေမဲ့ အဲဒီလို လှုပ်ရှားမှုတွေကို 
တိုင်းထွာမှု နဲ့

အဲဒီလို လှုပ်ရှားမှုကို 
လက်တွေ့ကြည့်မြင်နိုင်မှုဟာ

လုံးဝတခြားစီပါ။

ကျွန်တော်တို့က ဒီနည်းပညာအသစ်ကို
တွေ့ရှိခဲ့တဲ့ နောက်မှာ၊

ကျွန်တော်တို့ရဲ့ ကုဒ်တွေကို အွန်လိုင်းမှာ
တင်ပေးထားတော့

အခြားလူတွေ သုံးနိုင်ကြပါတယ်၊

အဲဒါသုံးရတာ သိပ်ကို လွယ်ပါတယ်။

အဲဒါကို ခင်ဗျားတို့ ကိုယ်တိုင်ရိုက်ထားတဲ့
ဗီဒီယိုအတွက် သုံးနိုင်ပါတယ်။

Quanta Research ထဲက လုပ်ဖေါ်တို့က
သိပ်ကောင်းတဲ့

ဒီဝက်ဘ်ဆိုက်ကို ဖန်တီးပေးထားရာ

ခင်ဗျားတို့ဟာ ခင်ဗျားတို့ရဲ့ ဗီဒီယိုတွေကို
တင်ပြီး

အွန်လိုင်းမှာ စီမံလုပ်ကိုင်နိုင်ပါတယ်၊

ခင်ဗျားတို့ဆီမှာ ကွန်ပျူတာ 
သိပ္ပံပညာ ဒါမှမဟုတ်

ပရိုဂရမ်ပြုစုမှု အတွေ့အကြုံ မရှိရင်တောင်၊

ခင်ဗျားတို့ကပါ ဒီမိုက်ခရိုစကုပ်အသစ်ကို

လွယ်ကူစွာ သုံးစမ်းကြည့်နိုင်ပါတယ်။

ဒီနေရာမှာ ကျွန်တောဟာ
ဥပမာ နှစ်ခုလောက်ကို ပြပေးချင်ပါတယ်

အခြားသူတွေက အဲဒါကို သုံးပြီး
လုပ်ကိုင်ခဲ့ကြတာတွေကိုပါ။

ဒီဗီဒီယိုကို YouTube သုံးစွဲသူ Tamez85 က
ပြုလုပ်ခဲ့တာပါ။

အဲဒီ သုံးစွဲသူကို ကျွန်တော်မသိပေမဲ့၊

ထိုသူဟာ ကျွန်တော်တို့ ကုဒ်ကို သုံးပြီး

ကိုယ်ဝန်ရှိနေစဉ် ဗိုက်ရဲ့ သေးနုပ်တဲ့
လှုပ်ရှားမှုများကို ပုံချဲ့နိုင်ခဲ့ပါတယ်။

အဲဒါဟာ ထိတ်လန့်စရာကြီးပါပဲ။

(ရယ်မောသံများ)

လူတွေဟာ သူတို့ရဲ့ လက်ပေါ်က သွေးကြောတွေ

ြသွေးခုန်နေတာကို 
ချဲ့ကြည့်ရန် သုံးခဲ့ကြတယ်။

ကျွန်တော်တို့ဟာ ဂီနီဝက်တွေကို၊
အထူးသဖြင့် Tiffany လို အမည်ပေးထားတဲ့

ဂီနီဝက်ကို မသုံးသရွေ့ ကျွန်တော်တို့ရဲ့
သိပ္ပံသုတေသနလို ခေါ်မရနိုင်ပါ၊

ဒီ YouTube သုံးစွဲသူဆိုရင်
ဒါဟာ လှုပ်ရှားမှုချဲ့ရေး နည်းဖြင့်

ချဲ့ပြခဲ့တဲ့ ကမ္ဘာ့ ပထမဦးဆုံး
ကိုက်ဖြတ်သတ္တဝါပါလို့ ဆိုပါတယ်။

ခင်ဗျားတို့လည်း အဲဒါကို သုံးပြီး

အနုပညာကို ဖန်တီးနိုင်ကြပါတယ်။

ဥပမာ ဒီဗီဒီယိုကို ကျွန်တော့ဆီ
Yale ဒီဇိုင်း

ကျောင်းသူက ပို့ပေးခဲ့တယ်။

သူမနဲ့အတူ တက်နေကြတဲ့
ကျောင်းသားတွေရဲ့ လှုပ်ရှားမှုထဲက

ခြားနားချက်တွေကို စူးစမ်းကြည့်လိုခဲ့ပါတယ်။

သူဟာ သူတို့အားလုံးကို 
ငြိမ်ငြိမ်လေး ရပ်ခိုင်းပြီး

သူတို့ရဲ့ လှုပ်ရှားမှုတွေကို 
ချဲ့ကြည့်ခဲ့ပါတယ်။

အဲဒါက ပုံငြိမ်တွေ အသက်ဝင်လာသလိုပါပဲ။

ဒီလို ဥပမာတွေ အားလုံးကို 
လေ့လာကြည့်တဲ့အခါမှာ

အဲဒါတွေကို ဘာမှလုပ်ရန် မလိုခြင်းဟာ
သိပ်ကောင်းတဲ့အချက်ပါ။

ကျွန်တော်တို့ဟာ ကိရိယာအသစ်ကို၊
ကမ္ဘာကြီးကို ကြည့်ရှုရေး

နည်းသစ်ကို စီမံပေးလိုက်တယ်၊

အဲဒီနောက်မှာ လူတွေဟာ 
အဲဒါ့ကို တီထွင်ဉာဏ်နဲ့

အမျိုးမျိုး သုံးလာကြတယ်။

ကျွန်တော်တို့ဟာ ဒီမှာတင်
ရပ်မနေကြပါဘူး။

ဒီကိရိယာက ကျွန်တော်တို့အား ကမ္ဘာကြီးကို
နည်းသစ်နဲ့

ကြည့်ရှုနိုင်မှုကို ပေးခဲ့ရုံသာမက၊

ကျွန်တော်တို့က ကင်မရာတွေနဲ့

လုပ်ကိုင်နိုင်တာရဲ့ ဘောင်တွေကိုပါ

တိုးချဲ့ပေးလိုက်ပါသေးတယ်။

အဲဒါနဲ့ သိပ္ပံပညာရှင်တွေ အနေနဲ့

ကျွန်တော် စပြီး စဉ်းစားလာရတာက၊

ကျွန်တော်တို့ အနေနဲ့ ကင်မရာတွေကို
သုံးပြီး တိုင်းလို့ ရနိုင်သေးတဲ့

မသိသာတဲ့ လှုပ်ရှားမှုတွေကို 
နောက်ထပ် ဘယ်အရာတွေက

ထုတ်လုပ်ပေးကြလဲ စဉ်းစားလာပါတယ်။

မကြာမီက ကျွန်တော်တို့ အာရုံစိုက်လာကြတဲ့

အဲဒီလို အရာတခုမှာ အသံပါပဲ။

အသံဆိုတာက၊ ကျွန်တော်တို့ အားလုံးသိကြသလို၊

လေကို အသုံးပြုပြီး ကူးဖြတ်လာတဲ့
လေထုဖိအား ခြားနားချက်ပါပဲ။

အဲဒီ ဖိအားလှိုင်းတွေက 
အရာဝတ္ထုတွေကို ရိုက်ခတ်ကာ

၎င်းတို့ထဲတွင် တုန်ခါမှုလေးတွေကို ဖြစ်စေတယ်၊

အဲဒါကိုမှ ကျွန်တော်တို့ 
ကြားနိုင်ခြင်းဖြစ်ပြီး

အသံအဖြစ် သွင်းယူနိုင်ကြပါတယ်။

တဖန် အသံဟာလည်း မြင်လို့ရနိုင်တဲ့
လှုပ်ခါမှုတွေကို

ဖန်တီးပေးတာ တွေ့နိုင်ပါတယ်။

အဲဒီလို လှုပ်ခါမှုကို ကျွန်တော်တို့
မမြင်နိုင်ကြပေမဲ့

လိုအပ်တဲ့ စီမံဆန်းစစ်မှုကို သိရင်
ကင်မရာဟာ အဲဒါကို မြင်လာပါမယ်။

အဲဒါ့အတွက် ဥပမာ နှစ်ခုကို ပြပါ့မယ်။

ဒါကတော့ ကျွန်တော်က
အဆိုတော် ဖြစ်ဖို့ အားထုတ်နေတာပါ။

(သီချင်းဆိုနေ)

(ရယ်မောသံများ)

အဲဒီလို ဆိုနေစဉ် ကျွန်တော်ဟာ
နှုန်းမြင့် ဗီဒီယိုကို ရိုက်ယူခဲ့ပါတယ်။

ဒီနေရာမှာလည်း၊ ခင်ဗျားတို့ဟာ
ဗီဒီယိုကိုသာ ကြည့်ကြမယ်ဆိုရင်၊

မြင်နိုင်တာဆိုလို့ ဘာရယ်လို့ 
ရှိမှာ မဟုတ်ပါဘူး၊

ဒါပေမဲ့ ကျွန်တော်တို့က လှုပ်ရှားမှုတွေကို
အဆ ၁၀၀ အထိ ချဲ့လိုက်မယ်ဆိုရင်

လည်ပင်းရဲ့ လှုပ်ရှားမှုနဲ့
တွန့်လိမ်မှုတွေကို မြင်လာပါမယ်။

အဲဒီလို အချက်အလက်တွေ
ဗီဒီယိုထဲမှာ ရှိနေကြပါတယ်။

အဆိုတော်တွေဟာ လိုအပ်တဲ့
အသံစဉ်ကို ဟစ်ဆိုနိုင်ရင်

ဝိုင်ခွက် မှန်ကို ကွဲအက်လာစေနိုင်တာ
ကျွန်တော်တို့ သိကြပါတယ်။

အဲဒီတော့ ကျွန်တော်တို့ဟာ
ခွက်မှန်ရဲ့ တုန်ခါမှုနဲ့ ကိုက်ညီတဲ့

ကစားကြည့်ကြပါမယ်

ကပ်လျက် ရှိနေတဲ့ အသံချဲ့စက်နဲ့ 
ဖွင့်ကြည့်ကြပါမယ်။

အဲဒီ အသံစဉ်ကို ဖွင့်ကစားလိုက်ကာ
လှုပ်ရှားမှုတွေကို

အဆ ၂၅၀ ချဲ့လိုက်ကြမယ်ဆိုရင်၊

ဖန်ခွက်မှန် တုန်ခါနေတာကို
အထင်အရှား မြင်လာကြရပါမယ်

၎င်းဟာ အသံကို တုန့်ပြန်ရင်း
တုန်ခါနေတာပါ။

ဒါမျိုးကို ကျွန်တော်တို့ဟာ နေ့စဉ်ဘဝထဲမှာ
တွေ့ခဲ့ပါတယ်။

ဒါပေမဲ့ အဲဒါက ကျွန်တော်တို့ကို 
စဉ်းစားလာစေလို့

ဒီအရူးအမူး စိတ်ကူးကို ရခဲ့ပါတယ်။

ကျွန်တော်တို့ဟာ ဒီဖြစ်စဉ်ကို 
ပြောင်းပြန်လုပ်ပြီး

အသံလှိုင်းတွေက အရာဝတ္ထုတွေထဲမှာ

ဖန်တီးပေးတဲ့ တုန်ခါမှုကို လေ့လာကာ

ဗီဒီယိုထဲမှ အသံကို ရယူနိုင်ကြမလား၊

အဲဒီနောက်မှာ အဲဒါတွေကို 
၎င်းတို့ကို ထုတ်လုပ်ပေးလိုက်တဲ့

အသံကို ပြန်ဖေါ်ထုတ်နိုင်မလား။

အဲဒီလိုနည်းဖြင့် ကျွန်တော်တို့ဟာ
နေ့စဉ်သုံး ပစ္စည်းတွေကို

မိုက်ခရိုဖုန်းလို သုံးနိုင်မယ်။

ကျွန်တော်တို့ လက်တွေ့ 
လုပ်ခဲ့ကြတာကို ပြပါမယ်။

စားပွဲပေါ် ရှိနေတဲ့ အာလူးကျော်
အိတ်ခွံဆိုပါစို့၊

ကျွန်တော်တို့ဟာ အဲဒီ အာလူးကျော်
အိတ်ခွံကို

ဗီဒီယို ကင်မရာဖြင့် ရိုက်ကူးပြီး

အသံလှိုင်းတွေက ၎င်းထဲမှာ 
ဖြစ်ပေါ်လာစေမယ့်

သေးနုပ်တဲ့ လှုပ်ရှားမှုတွေကို 
တိုင်းကြည့်ကာ

မိုက်ခရိုဖုန်းအဖြစ် သုံးနိုင်ကြပါမယ်။

အခန်းထဲမှာ ကျွန်တော်တို့ ဖွင့်ခဲ့ကြတဲ့
အသံက ဒါပါ။

(ဂီတသံ: "Mary Had a Little Lamb")

ဒါက ခုနက အိတ်ခွံကို နှုန်းမြင့် ဗီဒီယိုဖြင့်
ရိုက်ယူခဲ့တဲ့ဟာပါ။

ထပ်ပြီး ဖွင့်ပြပါမယ်။

ခုနက ဗီဒီယိုကို ကြည့်ရုံသက်သက်ဖြင့်
ခင်ဗျားတို့ဟာ

ဘာကိုမှ မြင်နိုင်မှာ မဟုတ်ပါဘူး၊

ဒါပေမဲ့ ခုနက ဗီဒီယိုထဲက မမြင်မရနိုင်တဲ့
လှုပ်ရှားမှုလေးတွေကို

ဆန်းစစ်လိုက်တဲ့ နောက်မှာ

ဒီလို အသံကို ကြားရလာပါမယ်။

(ဂီတသံ: "Mary Had a Little Lamb")

အဲဒါက-- ကျေးဇူးတင်ပါတယ်။

(လက်ခုပ်သံများ)

အဲဒါကို ကျွန်တော်က 
အမြင်မိုက်ခရိုဖုန်းလို့ ခေါ်ပါတယ်။

လက်တွေ့တွင် ဗီဒီယို အချက်ပြမှုထဲမှ အသံ 
အချက်ပြမှုတွေကို ထုတ်ယူခဲ့ကြတာပါ။

ခင်ဗျားတို့အားလုံးကို ဒီထဲက လှုပ်ရှားမှုရဲ့
စကေးကို နားလည်လာစေဖို့အတွက်၊

တော်တော့ကို ကျယ်တဲ့ အသံကတောင်
အိတ်ခွံကို တမိုက်ခရိုမီတာတောင် မလှုပ်စေနိူင်ပါ။

တမီလီမီတာရဲ့ ထောင်ပုံတပုံကို ပြောနေတာ။

အလင်းရောင်ဟာ အရာဝတ္ထုတွေ ဆီကနေပြီး
ရောင်ပြန်ဟပ်တာကို

ကျွန်တော်တို့ရဲ့ ကင်မရာတွေနဲ့
ဖမ်းယူလိုက်ခြင်းဖြင့်

ဘယ်လောက် သေးနုပ်တဲ့ လှုပ်ခါမှုတွေကို
ကျွန်တော် ရယူနိုင်ကြောင်း သိသါပါတယ်။

ကျွန်တော်တို့ဟာ အပင်လို အခြား အရာများထံမှပါ 
အသံတွေကို ရယူနိုင်ကြပါတယ်။

(ဂီတသံ: "Mary Had a Little Lamb")

အလားတူပဲ စကားပြောမှုကိုပါ 
ထုတ်ယူနိုင်ပါတယ်။

ဒီမှာ လူတယောက်ဟာ အခန်းထဲမှာ 
စကားပြောနေပါတယ်။

အသံ: Mary had a little lamb
whose fleece was white as snow,

and everywhere that Mary went,
that lamb was sure to go.

Michael Rubinstein: အဲဒီ ပြောစကားကို
ကျွန်တော်တို့ဟာ ခုနက

အိတ်ခွံကို ရိုက်ထားတဲ့ ဗီဒီယိုမှ ထုတ်ယူနိုင်ခဲ့ကြတာ
ဒီလိုရှိပါတယ်။

အသံ: Mary had a little lamb
whose fleece was white as snow,

and everywhere that Mary went,
that lamb was sure to go.

MR: ကျွန်တော်တို့က "Mary Had a Little Lamb"ကို

သုံးခဲ့ကြတာက Thomas Edison က ၁၈၇၇ ခုနှစ်တုန်းက
သူ့ ဖိုနိုဂရပ်ထဲကို

ပြောခဲ့တဲ့ ပထမဦးဆုံး
စကားလုံးတွေ ဖြစ်ကြတယ်လို့ အဆိုရှိလို့ပါ။

အဲဒါဟာ သမိုင်းထဲတွင် ကိရိယာ တခုခုဖြင့်
ပထမဦးဆုံး သွင်းယူခဲ့တဲ့ အသံပါပဲ။

အဲဒီတုန်းက အသံတွေကို
အချပ်ပြား တခုဆီကို ပို့ပေးခဲ့လျက်

အဲဒါကြောင့် တုန်ခါနေတဲ့ အပ်ချောင်းက
ဆလင်ဒါ တခုပေါ်မှာ ရစ်ပတ်ထားတဲ့

သွတ်ပြားပေါ်မှာ အသံလှိုင်းကို 
ရေးခြစ်ပေးလိုက်တာပါ။

ခင်ဗျားတို့ကို Edison ရဲ့ ဖိုနိုဂရပ်ဖြင့် အသံသွင်းခြင်းနဲ့
ပြန်ဖွင့်ပြခြင်းကို ပြပေးပါမယ်။

(ဗီဒီယို) အသံ: Testing,
testing, one two three.

Mary had a little lamb
whose fleece was white as snow,

and everywhere that Mary went,
the lamb was sure to go.

Testing, testing, one two three.

Mary had a little lamb
whose fleece was white as snow,

and everywhere that Mary went,
the lamb was sure to go.

MR: အခု၊ ၁၃၇ နှစ်ကြာလာတဲ့ နောက်မှာ၊

ကျွန်တော်တို့ဟာ အလားတူ 
အရည်အသွေးမျိုးရှိတဲ့ အသံကို

ကင်မရာဖြင့် ပစ္စည်းတွေရဲ့ လှုပ်ခါမှုကို
စောင့်ကြည့်ရုံဖြင့် ရရှိနိုင်ကြပါပြီ၊

ပြီးတော့ အဲဒီကင်မရာဟာ အသံပီတဲ့ မှန်ရဲ့
နောက်မှာ

၁၅ ပေ အထိ အဝေးမှာ ရှိနေတောင်
အဲဒီလို ရယူနိုင်ကြပါပြီ။

ခုနက ပြောခဲ့တဲ့ ကိစ္စထဲမှာ
ကျွန်တော်တို့ ရယူနိုင်ခဲ့ကြတဲ့ အသံက ဒီလိုပါ။

အသံ: Mary had a little lamb
whose fleece was white as snow,

and everywhere that Mary went,
the lamb was sure to go.

MR: ဒါကို ကြည့်ပြီး လုံခြုံရေးကိစ္စတွေအတွက်
သုံးသင့်တာကို စဉ်းစားမိကြတာ အမှန်ပါပဲ။

(ရယ်မောသံများ)

ဒါပေမဲ့ အဲဒါဟာ တခြား အရာများအတွက်ပါ
တကယ်အသုံးဝင်နိုင်ပါတယ်။

အနာဂတ်မှာ၊ ကျွန်တော်တို့ဟာ၊ ဥပမာ၊

အာကာသထဲက အသံကို ရယူရန်အတွက်၊

အသံဟာ အာကာသထဲမှာ ခရီးဆန့်နိုင်ပေမဲ့
ကျွန်တော်တို့ မြင်မရနိုင်လို့ပါ။

ကျွန်တော်တို့ဟာ ဒီနည်းပညာအသစ်ကို

သုံးနိုင်မယ့် အလားအလာတွေကို
အခုမှ စတင်စူးစမ်းနေတုန်းပါ။

ရှိနေကြတာကို ကျွန်တော်တို့ သိခဲ့ကြပေမဲ့
အခုထက်ထိ မြင်မရနိုင်ခဲ့တဲ့

ရုပ်ပိုင်း ဖြစ်စဉ်များကို ကျွန်တော်တို့ အနေနဲ့
ကြည့်ရှုခွင့် ရလာပါတော့မယ်။

ဒါက ကျွန်တော်တို့ရဲ့ အဖွဲ့ပါ။

ကျွန်တော် ဒီနေ့ ပြသခဲ့တာတွေဟာ
ဒီမှာ မြင်ရတဲ့ မဟာအဖွဲ့ကြီးရဲ့

လက်တွဲလုပ်ကိုင်အားထုတ်မှုရဲ့
ရလဒ်တွေပါ၊

ကျွန်တော်တို့ ခင်ဗျားတို့အားလုံးကို
ကျွန်တော်တို့ရဲ့ ဝက်ဘ်ဆိုက်ကို

ဝင်ကြည့်ကြပါ၊ စမ်းကြည့်ကြပါ၊ တိုက်တွန်းချင်ပါတယ်၊
သေးနုပ်တဲ့ လှုပ်ရှားမှုများရဲ့

ကမ္ဘာကြီးအား စူးစမ်းမှုထဲ
လက်တွဲပါဝင်ကြပါလို့ ဖိတ်ခေါ်လိုပါတယ်။

ကျေးဇူးတင်ပါတယ်။

(လက်ခုပ်သံများ)