Өнөөдөр энд ирсэндээ
би их баяртай байна.

Бид сүүлийн хоёр жилийн турш

өөрсдийн хийсэн зүйлээ хуваалцах болно.

Энэ бол давхарлах үйлдвэрлэл буюу

3D хэвлэлийн салбар.

Энэ зүйлийг та бүхэн харж байна.

Харахад харьцангуй энгийн мэт боловч,
үнэндээ нилээд төвөгтэй.

Ерөнхий төвтэй, хэмжигч бүтцийн багц ба

тус бүр хоорондоо холбогчтой.

Өнөөгийн нөхцөлд үйлдвэрлэлийн уламжлалт
аргаар үйлдвэрлэх боломжгүй.

Шахаж хэвэнд оруулах
боломжгүй тэгш хэмтэй.

Зорох аргаар ч хийж чадахгүй.

Энэ 3D хэвлэгч машины хийх зүйл боловч,

ихэнх хэвлэгчид гурваас 10 цаг зарцуулна.

Харин бид аз туршин одоо
яг энэ тайзан дээр

10 минутын илтгэлийнхээ үеэр
хэвлэхийг оролдох болно.

Бидэнд амжилт хүсээрэй.

3D хэвлэл яг үнэндээ бол буруу нэршил.

Энэ бол дахин дахин хийсэн 2D хэвлэл.

Тэр 2D хэвлэлийн технологи ашигладаг.

Хэвлэлийн хор ашиглан хуудсан дээр
үсэг гаргадаг аргыг төсөөл дөө.

Тэрийгээ дахин дахин хийсээр
гурван хэмжээст дүрс бүтээх болно.

Бичил электроникийн салбарт

литограф гэдэг тун төстэй арга хэрэглэдэг.

Ингэж хүлээн авагч,
нэгдмэл шугам үүсгэн

хэд хэдэн удаа бүтэц хийдэг.

Эдгээр нь бүгд 2D хэвлэлийн технологи.

Би бол химич, мөн эд материал судлаач.

Хамтрагчид маань ч мөн
эд материал судлаачид:

нэг нь химич, нөгөө нь физикч.

Тэгээд бид 3D хэвлэлийг сонирхож эхэлсэн.

Ихэвчлэн шинэ санаанууд
өөр өөр туршлагатай,

өөр нийгмийн хүмүүсийн энгийн
харилцаанаас бий болдог.

Энэ бол бидний түүх.

Бид "Терминатор-2" киноны

Т-1000 робот гардаг хэсгээс санаа авч

"3D хэвлэгч яагаад энэ аргаар ажиллаж
болохгүй гэж?" гэж бодсон.

Энэ үед зуурмагнаас тухайн биет

яг бодит цагт,

ямар ч хог хаягдалгүйгээр

гайхамшиг бүтээхээр гарч ирнэ.

Яг кинонд гардаг шиг.

Бид Холливудын киноноос санаа авч

ажил хэрэг болгож чадах болов уу?

Энэ бидний сорилт байсан юм.

Бид хэрвээ үүнийг хийж чадвал

3D хэвлэлийн үйлдвэрлэлд гардаг

гурван гол хүндрэлийг шийдэж чадах байлаа.

Нэгт, 3D-гээр хэвлэхэд маш уддаг.

Зарим мөөгнүүд 3D-гээр хэвлэхээс
хурдан ургадаг. (Инээд)

Үе үеээр давхарлах нь

механик шинж чанарын хувьд
гологдол үүсгэдэг.

Бид үргэлжилсэн байдлаар хэвлэж сурвал
тэдгээр гологдлоос ангижирна.

Үнэндээ маш хурдан ургуулж чадвал

өөрөө засардаг материал ашиглаж
гайхалтай шинж чанар бий болгох байсан.

Холливудыг дуурайн үүнийг
хийж чадах юм бол

3D хэвлэлд ашиглах боломжтой.

Полимерийн химийн тухай
ерөнхий мэдлэгийг ашиглан

гэрэл болон хүчилтөрөгчийн тусламжтайгаар

хэсгүүдийг тасралтгүй ургуулахыг зорьсон.

Гэрэл, хүчилтөрөгч хоёр
өөр өөр аргаар ажилладаг.

Гэрэл нь давирхайг хатуу биет,

шингэнийг хатуу биет болгодог.

Хүчилтөрөгч нь тэр үйл явцыг зогсоодог.

Тэгэхээр химийн өнцгөөс харахад,

гэрэл ба хүчилтөрөгч нь
хоорондоо эсрэг туйлууд юм.

Хэрвээ эдгээрийг орон зайн талаас нь
хянаж чадвал

явцыг мөн хянах боломжтой.

Бид үүнийг ҮШХҮ гэж нэрлэдэг.
[Үргэлжилсэн Шингэн Холболтын Үйлдвэрлэл.]

Гурван төрлийн үүрэг бүхий бүтэцтэй.

Нэг нь, зуурмагыг хадгалах савтай,

яг л Т-1000 шиг.

Савны ёроолд тусгай цонхтой.

Үүнийг удахгүй тайлбарлана.

Мөн зуурмаг руу доош бууж

биетийг татаж гаргах тавцан бий.

Гурав дах бүтэц нь гэрэл тусгах
тоон системийг

агуулах савны доод талд байрлуулсан.

Тэр нь хэт ягаан туяаны хэсэг рүү
гэрэл гаргадаг.

Тэгэхээр хамгийн гол нь савны ёроолны цонх

маш нарийн бүтэцтэй, тусгай цонх.

Зөвхөн гэрэл нэвтрүүлээд зогсохгүй,
мөн хүчилтөрөгчийг ч нэвтрүүлдэг.

Нүдний линзтэй төстэй шинж чанартай.

Тэгэхээр бид энэ хэрхэн
ажилладгийг харж болно.

Та бүхний харж байгаагаар
тавцанг доошлуулахад,

уламжлалт аргаар байсан бол
хүчилтөрөгч нэвтэрдэггүй цонхоор

хоёр хэмжээст загвар гаргаад

тэрийгээ ердийн шилэнд наагаад дуусна.

Дараагийн давхаргыг хийхийн тулд
түүнийгээ салгаж аваад,

дахин шинэ зуурмаг хийж байрлуулаад,

дахин дахин үйлдлээ давтана.

Харин бидний тусгай цонхны тусламжтай

юу хийж болох вэ гэхээр

хүчилтөрөгч доороос нь орж ирэхэд

гэрэлд цохигдон урвал зогсоно.

Ингэж хоосон бүс үүснэ.

Энэ бүс нь хэдэн арван микроны
зузаантай буюу

цусны улаан бөөмийн диаметраас
хоёроос гурав дахин илүү гэсэн үг.

Цонхны гадаргуу дээр шингэн хэвээр байна.

Шинжлэх ухааны нийтлэлдээ бичсэн шигээ

тухайн биетийг дээш нь татахад

хүчилтөрөгчийн агууламж өөрчлөгдөн
хоосон бүсийн зузааныг өөрчилж болно.

Ингээд бид хянах боломжтой 
гол хувьсагчуудтай боллоо:

хүчилтөрөгчийн агууламж, гэрэл,
гэрлийн хүч, хэлбэрийг засах хэмжээ,

наалдамхай чанар, геометр.

Мөн бид боловсронгуй програм\м ашиглан
бүхий л үйл явцыг удирдсан.

Үр дүн нь нилээд хэлбэлзэлтэй байсан.

Энгийн 3D хэвлэгчээс 25-аас
100 дахин хурдан байсан.

Энэ бол эргэлт хийх үзүүлэлт.

Мөн шингэнийг гадаргууд хүргэх хурд
нэмэгдэхийн хэрээр

1000 дахин хурдан хийж болно гэж
бид итгэж байгаа.

Энэ нь бас маш их дулаан
ялгаруулах боломжтой.

Би өөрөө химийн инженерийн хувьд,
дулаан дамжуулна,

мөн нэг өдөр усан хөргүүртэй 3D хэвлэгчтэй
болно гэдэг санаа маш их таалагдсан.

Учир нь энэ маш хурдацтай хөгжиж байгаа.

Үүнээс гадна, бид ургуулж байгаа учраас,
давхарга шаардлагагүй болж

нэг бүхэл хэсгийг бүтээж байгаа юм.

Гадаргууны бүтэц нь харагдахгүй.

Молекулын хувьд гөлгөр гадаргуу бий болно.

3D аргаар хийсэн эд ангиуд нь

давхарга бүтэцтэй тул
хэвлэсэн чиглэлээс хамааран

шинж чанар нь өөрчлөгддөгөөрөө онцлогтой.

Гэхдээ ийм биетийг ургуулж байх үед

шинж чанар нь хэвлэх
чиглэлээс хамаарахгүй.

Тэд шахаж зорсон хэсгүүд шиг л харагддаг.

Энэ нь уламжлалт 3D үйлдвэрлэлээс тэс өөр.

Мөн бид үүнд зориулж

бүтэн химийн сурах бичиг бичсэн ч чадна.

Бас 3D биетэд байвал зохих
шинж чанарыг агуулах

урвалуудыг зохиосон ч чадна.

(Алга ташилт)

Энэ байна.
Маш гайхалтай.

Тайзан дээр бүтэхгүй байх эрсдэл
үргэлж байдаг шүү дээ.

Гайхалтай механик шинж чанартай
материал бүтээж болно.

Анх удаагаа бид маш уян хатан,
чийг сайн даадаг

уян полимер бүтээж болно.

Жишээ нь, чичиргээ хянагч эсвэл
гайхалтай пүүз.

Маш бат бөх буюу маш өндөр
хүч ба жингийн харьцаатай,

маш бөх материал,

үнэхээр чанартай уян полимер бүтээж болно.

Үзэгчид рүү шидэж үзүүлье.

Гайхалтай шинж чанар бүхий материал.

Бидэнд дараах боломж байна.

Эцсийн бүтээгдэхүүн болохуйц
шинж чанартай эд ангийг

өөрчлөлт хийхүйц хурдаар хийж сурвал

үйлдвэрлэлийг жинхэнэ утгаар нь өөрчилнө.

Яг одоо үйлдвэрлэл яаж явдаг вэ гэхээр

тоон системийн үйлдвэрлэлд тоон хэлхээ
гэдэг зүйл ашигладаг.

CAD програмын зураг, зохиомж, анхны
загвар, үйлдвэрлэл гэсэн дарааллаар явдаг.

Ихэнхдээ тоон хэлхээ нь анхны загварыг
гаргах шатанд гацдаг.

Учир нь үйлдвэрлэл хүртэл явах нь

ихэнх хэсгүүд эцсийн бүтээгдэхүүн болох
шинж чанар агуулдаггүй.

Бид одоо тоон хэлхээг зохиомжоос нь эхлээд

анхны загвар, үйлдвэрлэл хүртэл
холбох боломжтой болсон.

Энэ бүх боломжууд нь маш олон
зүйлсийг бидэнд нээж өгнө.

Үүнд шатахуун бага зарцуулдаг,
гайхалтай шинж чанар бүхий

хүч ба жингийн үзүүлэлт өндөртэй,
хөдөлгүүрийн цоо шинэ иртэй гэх мэт

гайхалтай бүтэцтэй автомашин орно.

Танд маш яаралтай судасны гуурс суулгах
хэрэгтэй байлаа гэж бодъё.

Эмч стандарт хэмжээтэй гуурсыг

шүүгээнээс гаргаж ирэхийн оронд

зөвхөн танд зориулан таны
биеийн анатоми,

онцлогт чинь тохируулан

яаралтай тусламжийн үед
тэр дор нь хэвлэсэн,

18 сарын дараа өөрөө уусдаг эдээр хийсэн
гуурс суулгавал гайхалтай биш гэж үү?

Аль эсвэл тоон системэн шүдний эмнэлэгт

эмчийн өрөөнд байхад чинь үүнийг хийнэ.

Эсвэл Хойд Каролинагийн Их Сургуулийн

оюутнуудын маань хийсэн
бүтцүүдийг үзээрэй.

Тэдгээр нь бичил хэмжээтэй бүтцүүд байгаа.

Дэлхий дахин нано-үйлдвэрлэлдээ их сайн.

Мур-ын хууль 10 микроноос бага болгосон.

Бид энэндээ гаргуун.

Гэхдээ яг үнэндээ 10-аас 1000 микроны
хэмжээтэй зүйлийг хийхэд маш хэцүү.

Мезо хэмжээтэй.

Цахиурын салбарын зорж хасах аргаар

үүнийг сайн хийж чадахгүй.

Өрмөнцөр дээр хээ гаргаж сайн чадахгүй.

Энэ үйл явц маш дөлгөөхөн бөгөөд

тэдгээр зүйлсийг доороос нь дээш

давхарлах үйлдвэрлэлийн аргаар

арав гаруйхан секундын дотор
гайхалтай зүйлсийг хийнэ.

Ингэснээр шинэ мэдрэгч технологи,

эм бэлдмэл хүргэлтийн шинэ технологи,

чипэнд суулгасан лаборатори зэрэг
амьдралыг өөрчлөх зүйлсийг бий болгоно.

Эцсийн бүтээгдэхүүн болж чадах хэсгүүдийг

тэр дор нь хийх боломж нь

3D үйлдвэрлэлийг хөгжүүлнэ.

Бидний хувьд энэ үнэхээр сэтгэл хөдөлгөм.

Учир нь энэ нь эд анги, програм хангамж,
молекулын шинжлэх ухааны огтолцол юм.

Дэлхий даяар зохион бүтээгч, инженерүүд
энэ гайхалтай аргыг ашиглан

хийх зүйлсийг би тэсэн ядан хүлээж байна.

Анхааран сонссонд баярлалаа.

(Алга ташилт)