Bonzour. Ki manier?

(Riye)

Tousala extra, non?

Mo mem mo sou lemosion.

Ofet, mo bizin ale.

(Riye)

Trwa tem finn revini dan sa konferans la

ki an rapor avek saki mo anvi koze.

Premie, se sa prev 
extraordiner de kreativite

dan tou bann prezantasion ki nounn gete

ek dan tou bann dimounn ki isi.

Nek get sa kalite variete la.

Deziem zafer, sa met 
nou dan enn sitiasion

kot nou pa kone ki kapav arive

dan lefitir.

Aukenn lide kouma 
tousala kapav deroule.

Mo interese dan ledikasion.

Ofet, mo trouve ki tou dimounn 
interese ek ledikasion.

Pa ou?

Mo trouv sa bien interesan.

Kan ou dan enn dine,

ek ou dir ki ou travay dan ledikasion --

ofet, ou pa tro souvan 
invite a bann dine.

(Riye)

Si ou travay dan ledikasion,
personn napa invit ou.

(Riye)

Ousua personn pa reinvit ou.
Mo trouv sa bien etranz.

Si samem ou ka, ek ou 
dir sa kikenn, ou kone,

zot dimande, "Ki ou fer dan lavi?",

ek ou reponn ki ou dan ledikasion,

ou trouv disan desann depi zot figir.

Zot pense, "Ayo bondie, kifer mwa?"

(Riye)

"Sel zour mo sorti sa semenn la."

(Riye)

Si ou poz zot kestion lor 
ledikasion, zot irite.

Parski se enn size bien sansib
pou dimounn, pa vre?

Kouma relizion ek larzan.

Alor mo bien interese ek ledikasion,
ek mo panse ki nou tou interese.

Nou ena enn gran lintere ladan

an parti parski se ledikasion ki 
sipoze gid nou dan sa fitir

ki nou pa ankor konpran la.

Si ou reflesi, bann zanfan ki 
pe koumans lekol sa lane la

pou pran zot retret an 2065.

Personn pa kone,

malgre tou sa lexpertiz ki nounn
finn trouve sa kat dernie zour la,

ki lemond pou resanble dan sink an.

Me nou sipoze edik zot 
pu fer fas sa lemond la.

Sa inprediktabilite la, li extraordiner.

Troiziem zafer

lor ki nou tou dakor

seki bann zanfan ena 
bann kapasite extraordiner --

bann kapasite pou inove.

Yer, Sirena ti extra, pa vre?

Dan nek gete ki li kapav fer.

Li li exsepsionel, me mo pa panse

ki li exsepsionel parmi tou bann zanfan.

Se zis enn dimounn avek 
enn dedikasion extraordiner

ki finn trouv so talan.

Ek mwa mo dir ki tou zanfan 
ena bann gran talan,

me nou gaspiy sa san aukenn pitie.

Alor, mo anvi koz lor ledikasion

ek mo anvi koz lor kreativite.

Mo konba se ki kreativite zordizour
bizin osi inportan ki alfabetism

ek ki nou bizin tret li
avek mem linportans.

(Aplodisman) 
Mersi.

(Aplodisman)

Bon, samem tou.

Mersi bokou.

(Riye)

Mo res 15 minit.

(Riye)

Alor, monn ne -- non.

(Riye)

Monn fek tann enn zoli zistwar
ek mo kontan rerakont li.

Li lor enn tifi dan enn klas desin.

Li ena sizan ek pe asiz
derier, pe desine.

So profeser dir ki zame li atentiv

sof dan klas desin.

Profeser la inn fasine.

Alor linn al dimann li, "Ki to pe desine?"

Tifi la reponn, "Mo pe desinn bondie."

Profeser dir, "Me personn napa 
kone bondie kouma resanble."

Li reponn, "Zot pou kone 
dan enn ti moman."

(Riye)

Kan mo garson ti ena 
katran dan Langleter --

ofet, li ti ena katran partou.

(Riye)

Bon, nimport kotsa li ti ete,
li ti ena katran sa lane la.

Li ti pe zwe dan spektak Nativite.
Zot rapel so zistwar?

(Riye)

Se enn gran zistwar.

Mel Gibson inn fer so laswit,
kapav zot inn gete.

(Riye)

"Nativite 2".

James tinn gagn rol Zozef:
nou ti bien kontan.

Nou ti konsider sa kouma 
enn bann rol prinsipal.

Lasal ti rampli ar bann azan 
ar bann t-shirt ki dir

"James Robinson LIMEM Zozef!"
(Riye)

Li pa ti ena pou koze,

me zot konn sa parti kot 
trwa lerwa vini la?

Zot vini avek kado,
lor ek lobann.

Sa inn vremem arive.

A enn moman mo panse 
ki zot inn bliye enn sekans

parski kan nounn dimann ti garson la apre,

"Tou korek?", linn reponn,
"Wi, kifer? Sa pa ti bon?"

Zot inn zis fer melanz.

Trwa garson ti rantre.

Zot ena katran, ar zot
ti serviet lor latet.

Zot poz bann bwat anba,

ek premie la dir,
"Monn amenn lor."

Deziem la dir,
"Monn amenn lobann."

Trwaziem la dir,
"Frank inn avoy sa."

(Riye)

Saki bann zanfan la ena 
an komun, seki zot oze.

Si zot pa kone, zot nek seye.

Pa vre? Zot pa per 
tansion zot pena rezon.

Mo pa pe dir ki pena rezon 
se mem zafer ki et kreatif.

Saki nou kone se ki si ou 
pa pre pou pena rezon,

zame ou pa pou fer kitsoz orizinal.

Si ou pa pre pou fer erer.

Letan grandi vinn adilt, laplipar 
zanfan perdi sa kapasite la.

Zot per tansion zot fer "fot".

Koumsa mem ki nou diriz konpani.

Nou stigmatiz erer.

Ek aster nou diriz nou
sistem ledikasion nasional

avek lide ki erer se pir 
zafer ki ou kapav fer.

Rezilta, se ki nou pe edik dimounn

pou pa servi zot kapasite kreatif.

Picasso ti dir ki tou zanfan ne artis.

Saki difisil se res enn 
artis letan nou grandi.

Mo vremem krwar sa, 
ki nou pa aprann me blie

kouma vinn kreatif.

Ou plito nou ledikasion fer nou bliye.

Kifer sa?

Ena sink an, mo ti pe viv 
Stratford-on-Avon.

Ofet nounn bouze al 
Los Angeles depi Stratford.

Zot kav imazine kouma 
sa tranzision la ti fasil.

(Riye)

Ofet, ou ti dan enn 
landrwa apel Snitterfield

zis andeor Stratford,

kot Shakespeare so papa ti ne.

Aster la zot pe realize? 
Ek mwasi ti parey.

Ki Shakespeare ti ena enn papa?

Parski zame zot inn panse ki
Shakespeare ti enn zanfan, non?

Mazinn Shakespeare a set an?

Zame monn pans sa.

Anfin, li ti ena 7 an a enn moman.

Li ti dan kikenn so klas angle, pa vre?

(Riye)

Sa ti bizin amerdan, non?

(Riye)

"Fer plis zefor."

(Riye)

So papa dir li al dormi, 
"William, al dormi aster la mem!

Poz sa kreyon la."

(Riye)

"Ek aret koz koumsa."

(Riye)

"Personn napa pe konpran."

(Riye)

Bon, nounn bouz depi
Stratford pu al Los Angeles,

ek mo zis anvi dir kitsoz 
lor sa tranzision la.

Mo garson pa ti anvi vini.

Mo ena de zanfan: mo garson ena 
21 an, mo tifi ena 16 an.

Li pa ti anvi vinn Los Angeles.

Li ti pou kontan, me li ti ena
enn kopinn Langleter.

Ti lamour so lavi, Sarah.

Li ti konn li depi enn mwa.

(Riye)

Tansion, zot ti fek fet
zot katriem laniverser,

ek se boukou kan ou ena 16 an.

Anfin, li ti bien boude dan avion.

Li dir, "Zame pou trouv
enn lot tifi kouma Sarah."

Ek sa ti fer nou ase kontan, onetman --

(Riye)

Parski li ti prinsipal rezon
kifer nou ti pe kit pei.

(Riye)

Enn zafer frap ou kan ou vinn Lamerik

ek kan ou voyaze dan lemond:

tou sistem ledikasion ena 
mem yerarsi dan bann size.

Tou sistem. Nimport kotsa dan lemond.

Ou panse lekontrer vre, me ofet non.

Lao ou trouv matematik ek langaz,

answit sians imenn, ek enba 
net bann size artistik.

Partou lor later.

Ek dan sak sistem ena mem enn 
lot yerasi ant sak size artistik.

Desin ek lamizik ena plis prestiz

ki teat ek danse.

Pena enn sistem ledikasion dan lemond

ki ansegn danse toulezour

kouma li ansegn matematik. Kifer?

Kifer non? Mo panse ki li ase inportan.

Mo panse matematik bien 
inportan, me danse osi.

Zanfan danse toultan si 
nou les zot, nousi parey.

Nou tou ena enn lekor, non?
Ou eski monn rat kitsoz?

(Riye)

Anverite, saki arive, se ki
kan nou edik zanfan,

nou koumans depi zot lipie
nou mont ziska zot latet.

Apre nou nek konsantre lor latet.

Ek impe zis lor kote gos la.

Si ou enn alienn ek ou vizit sistem la

ek ou dimande, 
"Ledikasion piblik ki servi?",

mo panse ou konklizion,
si ou get rezilta,

get bann ki resi dan sistem,

bann ki fer tou kouma bizin,

bann ki gagn tou bon pwin,
bann gagnan --

mo panse konklizion se 
ki rol ledikasion piblik,

a traver lemond,

se prodir bann profeser liniversite.

Pa vre?

Zot mem ki ariv lao net.

Mo mem mo ti profeser.

(Riye)

Mo kontan bann profeser 
liniversite, me ou kone,

nou pa oblize pran zot

kouma meyer mezir pou reysit.

Zot zis enn form lavi,

enn lot kalite form lavi.

Me zot ase etranz, ek mo pe dir sa
parski mo bien kontan zot.

Ena kitsoz etranz ar bann
profeser, dapre mwa --

pa zot tou, me boukou, viv dan zot latet.

Zot viv lao isi, ek inpe lor kote gos la.

Zot pena lekor, ou kone, ase literalman.

Pou zot, zot lekor li enn form
transpor pou zot latet.

(Riye)

Pa vre?

Se enn fason amenn zot 
latet dan bann reunion.

(Riye)

Si ou le kit prev lor bann 
lexperians andeor lekor,

nek al dan enn konferans
avek bann akademik senior,

ek al dan enn diskotek dernie zour.

(Riye)

Lerla zot pou trouve.

Bann misie ek madam ki 
pe zigile san aukenn ritm.

(Riye)

Nek atann, kouma zot al lakaz
zot pou ekrir enn lartik lor la.

(Riye)

Nou sistem ledikasion baze 
lor capasite akademik.

Ena enn rezon pou sa.

Dan lemond, pa ti ena okenn 
sistem ledikasion piblik

avan dizneviem siek.

Tousala finn arive akoz 
lindistrializasion ti bizin sa.

Alor sa yerarsi la baze lor de lide.

Premie, se ki bann size 
pli itil pu lao net.

Akoz samem kapav ou
finn detourne depi

bann zafer ki ou ti 
kontan kan ou ti zanfan,

parski sanse pa pou gagn 
travay ou lavi avek sa, pa vre?

Pa pran lamizik, to pa pou vinn mizisien;

pa pran art, to pa pou vinn artis.

Bann konsey ki bien kouran 
me ki prondeman antor.

Lemond antie pe pas dan enn revolision.

Deziem lide, se ki capasite akademik

finn vinn definir saki 
nou apel lintelizans,

parski linversite finn kre 
sa sistem la dapre zot mem.

Kan ou panse, tou sistem 
ledikasion piblik dan lemond,

se enn long prosesis 
pou rant dan liniversite.

So konsekans se ki boukou 
dimounn ki ena talan,

ki briyan ek kreatif, napa 
panse ki zot koumsa

akoz sel zafer dan ki
zot ti bon dan lekol

pa ti ena valer ou ti stigmatize.

Mo pa panse nou kapav kontinie koumsa.

UNESCO dir ki dan 30 an,

pli boukou dimounn pou gradwe

depi ledikasion piblik ki
depi koumansman listwar.

Plis dimounn, ek se sa melanz
de tou saki nounn koze --

teknolozi ek kouma li pe 
transform travay, ek demografi

avek so lexplozion popilasion.

Enn sel kout, diplom pa pou vo nanye.

Pa vre?

Kan mo ti etidian, si ou ti 
ena diplom, ou ti ena travay.

Si ou pa ti ena travay,
se parski ou pa ti anvi travay.

Ek mwa mo pa ti anvi.
(Riye)

Me aster bann zanfan diplome

souvan pe retourn kot paran
pou kontign zwe video game,

akoz ou bizin enn MA
kot avan ti bizin enn BA,

ek aster pe bizin PhD.

Se enn prosesis inflasion akademik.

Ek sa montre kouma striktir ledikasion

pe bouze anba nou prop lipie.

Nou bizin sanz nou definision lintelizans.

Nou konn trwa kitsoz lor lintelizans.

Premie, se ki li divers.

Nou persepsion lemond
depann lor tou kalite lexperians.

Nou reflesi vizwelman, avek 
son, avek nou sans touse.

Nou reflesi de fason 
abstre ou an mouvman.

Deziem, lintelizans li dinamik.

Si ou get bann interaksion dan servo,

kouma nounn tande yer 
depi ennta prezantasion,

lintelizans extra interaktif.

Nou servo pa divize an konpartiman.

Anfet, kreativite -- ki mo 
defini kouma prosesis

gagn bann lide orizinal ki ena valer --

pli souvan arive atraver interaksion

ant diferan fason get bann zafer.

An pasan, ena enn colonn ner 
ki relie de lemisfer nou servo.

Li apel "corpus callosum".

Li pli epe kot bann madam.

Yer, dapre Helen,

se kitfwa akoz sa mem bann
madam pli bon dan multi-tasking.

Parski zot kapav, pa vre?

Boukou resers lor la, me mo konn 
sa depi lexperians personel.

Si mo madam pe kwi lakaz --
ki pa ariv souvan, erezman.

(Riye)

Non, ena zafer ki li fer bien --
me kan li pe kwi,

an mem tan li kav lor telefonn,

li kav pe koz ek zanfan,
li kav pe penn plafon,

li kav pe fer enn loperasion leker.

Si mwa mo pe kwi ... 
laport ferme, zanfan deor,

telefonn debranse, ek 
si li rantre mo agase.

Mo dir, "Terry, enn servis, 
mo pe sey frir enn dizef la."

(Riye)

"Les mwa trankil."

(Riye)

Ofet, ou konn sa vie koze ki dir si

enn pie tombe dan bwa ek personn 
pa tande, eski linn vremem arive?

Ou rapel sa zistwar la?

Monn trouv enn zoli t-shirt resaman ki dir

"Si enn misie dir so laverite dan enn 
bwa ek okenn madam pa tann li,

eski li ena kan mem tor?"

(Riye)

Trwaziem zafer lor lintelizans se ki

li ena plizir form.

Mo pe ekrir enn liv ki apel "Epifani"

lor enn seri interview 
avek bann dimounn

lor kouma zot finn dekouver zot talan.

Mo fasine par kouma 
zot inn arive dan lavi.

Lide la inn ne apre enn konversasion
avek enn madam extraordiner

ki bokou dimounn pa kone, Gillian Lyne.

Ounn deza tande? Ena wi.

Dan domenn koregrafi,
zot tou konn so travay.

Linn fer "Cats" ek "Phantom of the Opera".

Li extraordiner.

Avan, mo ti lor bord Royal Ballet,

kouma ou kav trouve.

Pandan enn dezene avek 
Gillian, monn dimann li,

"Kouma tonn al vinn enn danser?"

Ti bien interesan.

Kan li ti lekol, pa ti ena
okenn lespwar pou li.

So lekol dan bann lane 30
ti finn ekrir so paran pou dir ki

Gillian bizin ena enn 
problem aprantisaz.

Li pa ti pe kav konsantre:
nek li bouzbouze.

Zordizour zot ti pou 
dir ki li ena ADHD, non?

Me sa ti dan bann lane 30, 
ek ADHD pa ti ankor invante.

Pa ti enn condision disponib.

(Riye)

Dimounn pa ti kone ki zot kapav ena sa.

(Riye)

Bon, linn al get enn spesialis.

Linn al ek so mama dan enn 
pies kouver ar dibwa senn,

kot zot inn fer li asiz lor 
enn sez dan fon lasal

pou vin minit pandan ki so 
mama koz ar dokter la

lor tou bann problem ki li gagne lekol.

Li ti pe deranz dimounn, li ti 
pe rann devwar an retar, etc.

Ti enn zanfan 8 an sa.

A la fin, dokter la leve, 
al asiz akot Gillian ek dir li,

"Monn ekout tou saki to mama finn dir,

mo bizin koz ar li an prive.

Atann isi, nou pou revini
dan enn ti moman."

Ek zot inn kit li.

Me avan li sorti,

dokter la inn alim radio 
ki ti lor so latab.

Ek kan zot inn sorti, li dir 
mama la, "Nek deboute gete."

Nek kouma zot sorti,

tifi la dibout, li koumans danse.

Zot obzerv li pandan impe minit,
lerla dokter la dir so mama,

"Madam Lynne, Gillian pa 
malad, li zis enn danser.

Amenn li lekol de dans."

Mo dimann Gillian, "Lerla kinn arive?"

"Samem linn fer. Mo pa kav dir 
twa kouma sa ti merveye.

Nounn rant dan enn lasal
kot zot tou ti kouma mwa.

Bann dimounn ki pa kav asiz trankil,

dimounn ki bizin bouze pou reflesi."
Ki bizin bouze pou reflesi.

Zot inn aprann bale, tap, jazz,
dans modern, dans kontanporenn.

Linn al odision pou Royal Ballet School,

linn vinn enn danser solo, linn fer 
enn bel karyer kot Royal Ballet.

Finalman linn kit Royal Ballet School

ek finn fond Gillian Lynne Dance Company,

zwenn Andrew Lloyd Webber.

Li mem deryer

bokou bann prodiksion 
teat mizikal kinn ena plis sikse.

Linn fer boukou dimounn kontan
ek li enn multimilioner.

Enn lot dokter ti kav nek donn 
li medsinn ek dir li kalme.

(Aplodisman)

Ala saki mo panse:

lot zour la Al Gore ti koz

lor ekolozi ek sa revolision ki
finn deklanse par Rachel Carson.

Mo panse ki nou sel lespwar pou lefitir

se adopte enn nouvo 
konsepsion "ekolozi imenn",

kot nou rekonstrir nou konsepsion

de larises kapasite imenn.

Nou sistem ledikasion inn minn nou lespri

dan mem fason ki nounn explwat later:
pou enn komodite an partikilie.

Dan lefitir, sa pa pou servi nou.

Nou bizin repans bann prinsip fondamantal

ki nou servi pou edik nou bann zanfan.

Ena enn zoli sitasion de Jonas Salk,

"Si tou bann insek disparet depi later,

an mwins ki 50 an, tou lavi
lor later pou disparet.

Si tou dimounn disparet depi later,

an mwins ki 50 an, tou lavi
lor later pou epannwi."

Ek li ena rezon.

Saki TED selebre se kado
limazinasion imenn.

Nou bizin fer atansion

ki nou servi sa kado la avek sazes

ek ki nou evit bann senario
ki nounn koze talerla.

Sel fason nou kav fer sa se 
a traver rekonesans la rises

de nou bann kapasite kreatif

ek rekonesan nou bann zanfan
kouma nou sours lespwar.

Nou devwar se edik zot de fason olistik

pou ki zot kav afront lefitir.

Kapav nou nou pa pou trouv sa fitir la,

me zot wi.

Nou devwar se ed zot fer kitsoz ar li.

Mersi boukou.

(Aplodisman)