根據記載

最大嘅腎結石重量超過一公斤

直徑長達 17 厘米

但事實係病人冇曾經
吞咗一粒椰子咁大嘅石頭落肚

腎結石係喺身體裏面形成嘅

但要攞佢哋出嚟嘅話，就好痛苦喇

腎結石指喺腎臟、輸尿管
膀胱、尿道

形成嘅一塊好硬嘅晶體

尿液中嘅化合物包含
鈣、鈉、鉀、草酸、尿酸同埋磷酸鹽

如果呢啲成份嘅含量水平過高
或者尿液過酸、過鹼

呢啲成份就會聚集結晶

結晶得唔得到解決，就會越嚟越大

以致經過幾星期、幾個月
甚至幾年嘅時間

變成一粒可以檢測得到嘅腎石

腎石當中，草酸鈣形成嘅腎石
係最常見嘅

大概佔八成腎結石

磷酸鈣或者尿酸形成嘅腎石就冇咁常見

病毒感染有可能令腎石嘅成分
變為礦物質鎂、磷酸銨、鳥糞石

遺傳疾病或者某啲藥物
都會形成更加罕見嘅腎石

一粒腎石要被檢測得到

就要喺身體裏面移動

當一粒腎石經過腎臟嚟到輸尿管

佢鋒利嘅邊緣會刮損泌尿道嘅內壁

內壁組織含有嘅神經末梢

神經末梢會通過神經系統
傳遞極度痛苦嘅信號

而且刮損會導致內壁出血

出血同時伴隨著噁心、嘔吐嘅癥狀

排尿時仲會有一種灼燒感

如果一粒腎石大到可以阻塞尿液流動

佢就會引起感染，或者尿液倒流

甚至破壞腎臟本身

但係大部份腎結石
都冇嚴重到要做手術嘅地步

直徑小於五厘米嘅結石
通常由可以由身體自身排出

醫生一般會建議通過大量飲水
嚟加速結石排出

有需要仲可以食止痛藥

如果結石比較大

服用好似 α-受體阻滯劑嘅藥物
可以幫助放鬆輸尿管嘅肌肉

令到結石更容易排出

另一種叫檸檬酸鉀嘅藥物

可以通過製造冇咁酸嘅尿酸嚟溶解結石

至於直徑去到十厘米嘅中等結石

其中一種治療就係聲波粉碎

體外衝擊波碎石術
利用高強度超聲波脈衝嘅能量打擊結石

脈衝令到結石內部震動

內部嘅細泡泡嘗試膨漲

呢兩種力將結石打散

令佢更加容易排出身體

如果結石太大嘅話，聲波碎石都冇用喇

所以有時候，就需要入侵性嘅療程

支架連管可以放入撐大輸尿管

光纖可以傳導激光脈衝，擊碎結石

同樣，結石可以通過
喺病人背脊或者腹股溝開刀攞出

如果一開始就避免腎結石會點？

對於腎結石高危嘅人

醫生會勸佢哋多飲啲水

因為水可以稀釋
最終形成結石嘅草酸鈣同其他物質

薯片、菠菜、大黃同甜菜
都有好高嘅草酸

所以醫生建議食少啲佢哋

雖然結石當中含有鈣

但係食物同飲料中嘅鈣

能夠喺草酸到達腎臟之前
就喺消化道同草酸結合

如果你有腎結石，你並唔孤單

數據顯示腎結石嘅患病率正上升緊

但係世界最大嘅腎結石紀錄
係冇咁快就被打破嘅