全世界每年消費

超過 100,000 公噸嘅咖啡因

等同於 14 座埃菲爾鐵塔嘅重量

大部分係咖啡同茶裏面嘅咖啡因

仲有一部分係喺蘇打水

朱古力

咖啡因藥丸

甚至喺一啲標為冇咖啡因嘅飲料

即使喺我哋唔夠瞓嘅時候

咖啡因可以令我哋清醒，集中注意力
更加開心同有活力

但都會令我哋嘅血壓上升，產生焦慮感

咖啡因係世界上使用最廣泛嘅藥物

咁佢係點樣令我地保持清醒呢？

咖啡因喺唔同植物中有唔同嘅功效

喺一啲植物嘅葉同種子中

含有對昆蟲有毒嘅高劑量咖啡因

但係一啲花蜜中嘅低劑量咖啡因

可以幫助昆蟲記住花朵同重新採蜜

咖啡因喺人體內
可作為中樞神經系統嘅興奮劑

佢通過阻斷重要嘅睡眠誘導分子
腺苷

嚟令我哋保持清醒

我哋身體通過分解高能分子 ATP

嚟獲得持續嘅能量補給

喺呢個過程當中

身體釋放 ATP 嘅化學骨架︰腺苷

大腦中嘅神經元有腺苷嘅特定受體

當腺苷同受體結合

會激活一系列嘅化學反應

令到神經元嘅反應緩慢

同時令腦信號分子嘅釋放變得遲緩

簡單來講，你會瞌眼瞓

咖啡因亦被叫作腺苷受體嘅對抗者

即係佢可以通過阻斷腺苷受體

嚟令到神經元反應遲鈍

咖啡因同腺苷有相似嘅分子結構

相似到咖啡因亦可以楔入腺苷嘅受體

但並不足以激活受體

總之，腺苷可以抑制神經元嘅活動

而咖啡因可以抑制抑製劑嘅效用
令你變得更精神

咖啡因亦可以令人產生積極嘅感覺

喺一啲神經元

腺苷受體係同多巴胺受體相連嘅

多巴胺嘅一個作用
係令到大腦產生愉快嘅感覺

而腺苷楔入多巴胺受體

會令到多巴胺難以楔入

打斷咗佢提升情緒嘅功能

但係當咖啡因楔入腺苷受體嗰時
就冇咁樣嘅反應

多巴胺仍可以楔入受體

有證據證明
咖啡因對腺苷同多巴胺受體嘅作用

會產生長期嘅效益
降低一啲疾病嘅風險

譬如帕金遜病、阿茲海默病同癌症等

咖啡因都可以加快身體燃燒脂肪嘅速度

事實上，一啲運動機構認為

運動員攝取咖啡因會獲得唔公平嘅優勢

因此對咖啡因嘅攝入設置咗限制標準

從 1972 年到 2004 年

奧運會運動員嘅血咖啡因濃度
必須要低於特定標準

先至可以參加比賽

當然，唔係所有咖啡因作用都係有益嘅

佢可以令你感到愉快同有精神

但都可以令你嘅心跳加快，血壓上升

急尿或腹瀉

甚至係失眠同焦慮

另外，含有咖啡因嘅食物

對你身體嘅影響都不容忽視

你個大腦可以適應經常性嘅咖啡因攝取

如果你體內嘅腺苷受體被阻斷

你個身體會自己再整多個新嘅

所以，即使攝入咖啡因

腺苷仍然可以正常通知大腦要休息

咁就係點解你會發現

你需要更多嘅咖啡因嚟保持清醒

因為有越來越多嘅受體需要被阻斷

亦係點解

如果你突然間停止服用咖啡因

會感到不適同產生退隱嘅症狀

當體內存在過多嘅腺苷受體

腺苷就會長時間超時做嘢

從而引起似係頭痛

疲倦

同鬱悶等嘅病徵

但一段時間之後

過量嘅腺苷受體就會消失

身體會去重新調整

就算無攝入
呢種全世界最受歡迎嘅興奮劑

你都會覺得一樣嘅清醒